هذه مجموعة قصائد للشاعرة السبيعية جوزة بنت رشيد بن ثنيان المليحي (رحمها الله)
1.قصيدة في مدح زيد بن ناصر المليحي:
جينا لبيتك يالمليحي مسيّان = زدنا وزفنا واسفهلّ الفوادي
تشدى هديب الشام شيّال الأثقال = أو المطر ضافٍ على كل وادي
أنت من السبعان ذربين الأيمان = تشهد لهم بالطيب كل البوادي
أنت شجاع ومن سلايل كحيلان = ومن يمدحك بالطيب ماهو بغادي
يا عل من جابك عن النار ينصان = أقولها من مهجتي واجتهادي
ألا وربعك يوم زوغات الأذهان = عزٍ لأخو نورة وضد المعادي
يا زين قومتهم شيبانٍٍ وشبّان = بسيوفهم مصقّلات الهنادي
بالشرق ديوانٍ وبالغرب ديوان = والكل منهم في مضيفك ينادي
واجهت حرف السين والواو والطاء = يا شبه ريمٍ راثعٍ بالحمادي
2. قصيدة رثاء قالتها عند معرفتها بوفاة ابني عمها حمد وسعد بن ضلع المليحي خلال زيارتها لأقاربها في منطقة الفحيحيل بالكويت
علمٍ لفاني حس قلبي ولاعه = لا عوّد الله روحتي للفحيحيل
لا واحسافة يا كبار الجماعة = كعامة العايل ذباحة الحِيل
أهل السخا والطيب أهل الشجاعة = ونجرٍ يصوّت للنشاما مداهيل
يا موت ما شاورتني يا مراعة = أعطيك والله من دفوش الرياجيل
أعطيك أنا من كل خبل ورعاعة = وسوّه على المقفين بالقول والقيل
ياالله يا المطلوب راعي الشفاعة = يا مطلع جيل ومفني جيل
إنك تجير أهل الشلا والمطاعة = وتجعلهم في جنة الخلد تحويل
والكل منهم في مكانه عياله = إجمال المحامل من رجالٍ حلاحيل
ياالله يا منشي المطر من اخياله = تنثر عليهم من امزونٍ هماليل
3. أبيات من قصيدة قالتها أثناء مكوثها فترة طويلة للعلاج في المستشفى الصدري بالكويت في منتصف الخمسينيات تدعو فيها أقاربها بالمنطقة الشرقية إلى أخذها معهم عند زيارتهم لها.
من هوى فيه الهوى عزّي لحاله = طايلٍ غلّه ومظنونه بعيدي
يا طويل العمر ما هذي بحالة = بانهزم معكم على فورتٍ جديدي
أنحر اللي فوقنا ينشي اخياله = ربنا اللي كلبونا له عبيدي
آه يا عزِي لمن تجلّى من عياله = في ديار الغرب يا حامي البليدي
السنة دارت ولا شفنا جمالة = والدخاتر شوفهم بيّد بالإيدي
4. وفي قصيدة أخرى تعبر عن شوقها لأهلها المليحات في الشرقية وضجرها من البقاء في المستشفى بالكويت الذي كان يديره الدكتور أحمد سلامة:
لا من لفيت شوق جالي الثنية = يا ريف أهل هجنٍ من البعد تلفيه
قل له ترا ماني بحالٍ شليّة = في ديرة الكفار والستر نرميه
مير يا طي قلبي لا ذكرت البنيّة = طي الكتاب اللي نوى المشي راعيه
مير يا عزِتي للي جروحه خفيَة = أحمد سلامة باخصٍ في بلاويه
الله يا اللي خابرٍ كل شيّة = ويا عالم الدنيا ولا شيٍ بخافيه
تفرجلنا من ديرة الكاوليّة = وانك تمجد كل غالٍ وغاليه
5. التقت بإحدى نزيلات المستشفى الصدري وهي عمشة بنت مطلق من آل أبو ثنين وأصبحتا صديقتين حميمتين، ولكن في أحد الأيام مازحتها عمشة بقولها حنا أهل رماح نصيد الحباري والغزلان وانتم يالحدارية أهل بحر ما تصيدون إلا السمك. فردّت عليها بهذه الأبيات:
دلبحت من كلمة جتني من الغالي = يا ليتها جنّبت عمشة واقدّيها
ما هو بحقٍ على زين التبهلالي = ياللي تشادي الغزيل في تحاليها
أبوي طيّب وبنته مذهبٍ غالي = ولي لابةٍ باللقا تكدي معاديها
كانها بصيد الجوازي بالخلا الخالي = الضيف والجار شبعوا يوم طاريها
يا بو ثمانٍ تشادي در الأجمالي = ثلاثة أيام واليها يسويها
وردت عليها عمشة المطلق بالأبيات المعروفة:
يا صاحبي كان الزعل له رضاوة = بارضيك يا زين الدلال العجوبي
كان الزعل بيني وبينك عداوة = جنبت دربك وانت جنّب دروبي
وبعد خروجهما من المستشفى ظلتا تذكران إحداهما الأخرى بالخير والمديح لما يزيد على نصف قرن إلى أن انتقلتا إلى جوار ربهما في عام واحد. .
6. أبيات قالتها أثناء إجازة الصيف في لندن سنة 1990:
جيت لندن فيها خضرة والبراد=ديرة يا زينها يا شينها
والنفولة عندهم قود الكلاب = جعل والي العرش يذهب جيلها
لا مساجد لا صلاة ولا صيام = من يخاف الله ما يمشي لها
بسم الله الرحمن الرحيم
الاخ الهمالجه بعد التحيه جزاك الله خيرا على ايراد شعر النساء من سبيع فالمرءة صادقة الاحاسيس وشعرها مثل احساسها من القلب الى القلب وانت سالم والسلام
الطـيـب لا تسـتغربه مـن هـل الطيـب = اللـي لـهم في منهج الـطـيـب خـبـره
أوسع على الأجواد من فيضة شعيب = وأضـوق على الأنذال من خرم الإبره
والأمثال قـالـت كل طـيـر ٍ لـه لـعـيـب = يـدرع بـمـا يـدرع ويشبــر بـشبــره
غير متصل
