اخواني مشرفين واعضاء وزوار منتديات سبيع
السلام عليكم ورحمة الله وبركاته :
اتمنى ان تنال اعجابكم .
[poet font="Arial,4,black,normal,normal" bkcolor="transparent" bkimage="backgrounds/17.gif" border="double,4,sienna" type=0 line=200% align=center use=sp length=0 char="" num="0,black" filter=" glow(color=white,strength=5)"]
والله انك ياحبيبي ماتساق ولا تقاد = الدروب يمين وانته لا يسار ولا يمين
والله انه مايفيدك فالهوى كثر العناد = لا تحسب اني على فرقاك قلبي لك يلين
من بعد فرقاك قلبي اعلن أيام الحداد = هي ثلاث أيام راحت وانتهى معها الحنين
من بعد فرقاك رحت وبعت حبك فالمزاد = في مزاد الهجر والنسيان بعته بالأنين
الوكاد اني نسيتك يوم طوّلت البعاد = والوكاد اني نسيت ايام حبك والسنين
غلطتي لقلت احبك قلت انا هذي وكاد = وصرت أصدق كل كلمه قلتها لي ياضنين
وإثر قلبك يخفي الأحقاد مليان ٍ سواد = مادريت انك تشيل الحقد والقلب اللعين
الله اللي يعلم النيه وما تخف العباد = والبشر ماتعلم الا اللي على الوجنه يبين
رح ترى غيرك من الخفرات تعداد الجراد = لا تحسب إني بحبك فالهوى مالي عوين
رح وانا بروح والله يرزقك درب الرشاد = وقدم اجيك انا تراني بسم ربي مستعين
ماتركته فالرخا .. أيام حبك والوداد = ويوم جيته فالشدايد صار انا عندي يقين
صد قلبي عن هواك وصار حبه لك رماد = وصورتك قامت تلاشى .. وانتهت لحد وين ؟
أنتهت في هامش الايام لا يمكن تعاد = وإعتبرتك في طريق ايام عمري لي كمين
الكمين اللي يذكرني انا كبوة جواد = كبوته مره ولا يمكن تجي له لو تجين
صرت لي ذكرى قديمه مثل قصة قوم عاد = قصة ٍ تــُروى ومنها يعتبر قلب ٍ فطين
تجربه وانا الوحيد اللي ترى منها استفاد = يوم حاولت وعجزت إنك بحبي لك تهين
وفـالبدايه والنهايه كل ما قـلـنا يــُعاد = كلمتي فالبيت الاول والدروب اللي يمين
[/poet]
وتقبلووووووو فائق تقديري واحترامي
ابو فهد
غير متصل
