سلامن بديته لرجال المطاليق

[الشاهق]

سلامن بديته لرجال المطاليق
وتحيه تحيه ما وراها تحيه

ابا اسوق معنى والذهب فالصناديق
سريه سريه مابعدها سريه

قوموا الصف يا شباب

[خيَّال الغلباء]

الشاهق وعليكم السلام ورحمة الله وبركاته وصح لسانك وتراني بصفك

[محمدSلقريشي]

المشاركة الأصلية كتبت بواسطة الشاهق

سلامن بديته لرجال المطاليق
وتحيه تحيه ما وراها تحيه

ابا اسوق معنى والذهب فالصناديق
سريه سريه مابعدها سريه

قوموا الصف يا شباب

يامرحبا يالشاهق وأستلم طال عمرك

هلا مرحبا يالي بروس الشواهيق=هديه هديه بعدها هديه
نبا نفتح قفول القلوب المغاليق=بديه بديه في ثواني بديه

[الشاهق]

يدوم البقا ياللي تجيد الطواريق
نديه نديه من ضميري نديه
ولا يا عميلي لد في وادي الضيق
شظيه شظيه ما بعدها شظيه

[محمدSلقريشي]

أسف على التاخير لان الاتصال لك عليه واستلم

ضمير العرب نايم متى ظنك يفيق=عشيه عشيه كل صبح وعشيه
دخاخين نارن ولعت قمت اطويق=خليه خليه والنحل فالخليه

[الشاهق]

لسان العجم يرطن وربعك عشاشيق
قضيه قضيه كبرها من قضيه
عسى الله يعينك يا الغصون المواريق
بريه بريه يا النفوس البريه

[محمدSلقريشي]

الليل يالشاهق ووووووووينك

[الشاهق]

موجود ما جاك الرد

[محمدSلقريشي]

يبا يعمنا ذنبك على صفحت التحقيق=ضحيه ضحيه قبل عيد الضحيه
ترى الغيب علمه عند رب المخاليق=ونيتك نيه غير عن كل نيه

[الشاهق]

وبنت الزناتي نارها فالمعاليق
هديه هديه ماوراها جزيه
تسوق الذهب لو الذهب مابعد سيق
رديه رديه يالنفوس الرديه