مطلوب شاعر كبير

[مشعاب]

مطلوب شاعر

يلعب معي بكره من 12.30 مساء



لجل أحلق راسه :)

[مشعاب]

استلم يا ابو عمر ما شفت غيرك :)

يا سلام الله وهاتوا لي الراس الكبير= لجل احلق قلته بالسيوف المذهله
مات حظ اهل الردى جعلهم في وسط بير = الموايق سنة البنت وام المزبله

[خالد الشماسي]

هلا أخو عجراء
استلم لا هنت :)

مرحبا يا شاعر العرف والراي البصير = شد حيلك وأنتبه لا تجيب امطبله
كان ودك تنطح القوم وترد البعير= احتزم والهيج لا ثار خلك في أوله

[مشعاب]

قلتها وأقولها والعمر شكله قصير= سورة الأنفال وسط الكتاب منزله
خابرك في ضرب الأنذال يا ابن اخي شطير = كمل ديانتك شوف السرايا مقبله

[خالد الشماسي]

احمد الله في مكانك وراسك لا يطير = لا يغشونك ترى خابرٍ فيك اجهله
هاجر وخل البلد لا تبيع ابها شعير = عان ربعك في الجبل وانتبه لا زلزله

[مشعاب]

من يدافع دون الأنذال ما يلقى نصير = كلنا ضده وعان الجموس امحمله
كنت اظنك يا فتى ناشيٍ في وسط خير = لين شفتك ذبحت المسلمين اتحلله

[كلي مشاعر]

عااااااااااااااااااااااشو

[خالد الشماسي]

استعذ من كل شيطان واشرب لك عصير = والجبل ماهوب قدك ولا انت بقدله
كم قطعنا من عروق بها القوة تسير = مسيسٍ الشرع والحكم فوقك ننزله

شكراً لك أخو عجراء

سعيد جداً باللعب معك ولكن السحور على السفرة :)

[مشعاب]

شكراً لك أبو عمر

وأنا كذلك أسعد




كلي مشاعر


عشت ولبست البشت


وجودك في الموضوع زاده نور ، وشرف


بيض الله وجيهكم جميعأً


محبكم أخو عجراء

[كلي مشاعر]

بيض الله وجيهكم ولاهنتوا