فالح السبيعي
بحثنا بحثِنا في وسط قوقل=ولقينا الشات به حصنٍ تصاقل
سيوفٍ حدب وعظامٍ تراقل=على المختار بأصلي وأسلم
أنا وراس النايف الليله نوينا بالهجاد=قبل العلوم الأوله قبل العلوم الثانيه
راس النايف
دخلنا السوق وين الصيرفيه=نبي صرف الذهب والنار حيه
ولا نبغى السواليف الرديه=على المختار بأصلي وأسلم
منهو عميلي لاحصل في اللعب حيله واجتهاد=يشد حيله ووالرشا من فوق ضهر السانيه
خالد الشماسي
هلا يا مرحبا والليل باقي = وسابق بالسواليف السباقي
وتحذر من مواسيم العراقي = وعلى المختار بصلي واسلم
حنا لكم مثل الذرى لا صار في الهرجه عناد = نرقى الجباال الطايله وانحوسها في ثانيه
الخبير
مدام السوق غالي وانت غالي=نمدك بالجنيه وبالريالي
احب الجزل وامد الجزالي=على المختار ابصلي وسلم
انا خويك وعرفك شاعر ورجالن سداد=فك المعاني لاتسكر دونها البيبانيه
فالح السبيعي
ما دام الليل بادي وأنت بادي=بلاش تجيب لي نبرة عنادي
وبعدها لا تقول الوضع عادي=على المختار بأصلي وأسلم
أنا يجيني شر منزل لا لقيتك في المزاد=يابوعمر شرهتك يمي خارج الميدانيه
راس النايف
الا ياكبر حظي يوم جابك = سمعنا عنك في ماضي شبابك
من اهل العرف وايضا ينغزى بك = على المختار اباصلي واسلم
دامك خويي فحتزم والدرب ياصاحب سناد = اضرب معي درب الخطر ترى الليالي فانيه
خالد الشماسي
ألا بالشيخ فالح كيف حالك = بعد تشجيعكم لعب الزمالك
عسى المليون والفكسار فالك = وعلى المختار بصلي واسلم
وانا ليا مني لقيتك يا ابن عمي في البلاد = يطول راسي وافتخر بفعولك الثمانيه
الخبير
انا محظوظ لامني لقيتك=ياراع الطيب ياللي ذاع صيتك
من اسلوبك ومن قافك قريتك=على المختار بصلي وسلم
روح وحنا عارفينك يالبياض من السواد=ابشر بمده وافيه يرجح بها الميزانيه
فالح السبيعي
بعد شجعت أنا لعبت فريقي=ما كنت أبغاك تاقف في طريقي
وأنا لأجلك تعبت ونشف ريقي=على المختار بأصلي وأسلم
أنا معك وسط البلد والناس ضيعت الجهاد=لو تقطع يدين السروق ويجلدون الزانيه
راس النايف
تعرفنا خلصنا وانتهينا = ولانبغى العرب تنقد علينا
سرينا يابعد حيي سرينا = على المختار اباصلي واسلم
بنشدك عن صاحبك ابو عرام عبد الله رشاد = الي تسلط سلطتن ما انزل بها سلطانيه
خالد الشماسي
اشوف امدرب الكوره يوايق = وحلمه يرأس الألفين سايق
وكنه فآخر الدنيا متضايق = وعلى المختار بصلي واسلم
أنا أدري إنك يابطل تعرف مواويل الفساد=تجري بنفسٍ طيبه وتناصح السكانيه
الخبير
يازين الصدق يازين الحقيقه=دقيقه معي يالنايف دقيقه
وخذ علمن موثق بالوثيقه=على المختار بصلي وسلم..
ياناشد المنشود عندك علم عبدالله وكاد=وأنا ما ني بمكلفٍ في ساير العربانيه
فالح السبيعي
ترى مدرب فريقي في المدينه=يبي التطوير يظهر قدم عينه
وضيقة خاطره من لاعبينه=على المختار بأصلي وأسلم
وأنا أدري إنه وافقك ياشيخ في بعض المواد=وحنا معك والناس صارت تطمر الضلعانيه
راس النايف
على ضني وانا ماخاب ضني = لك الله يالخبير تروح عني
وانا لولاك كيف اطرب واغني = على المختار باصلي واسلم
الا مكلف وانت فارس كيف يتعبك الطراد = وانا اتضايق لا التفت وصرت منت وزانيه
خالد الشماسي
أنا شاكر لك الجهد المميز = بتنظيم الصفوف ولا تحيز
و شهادة حق ما فيها تميز = وعلى المختار بصلي واسلم
والله يجيب الخير يا صاحب و حنا في المراد = ناصل هل العليا ونقطع في البحور الثانيه
الخبير
تبي لك سالفه مانيب ابيها=ومني يافتى لا تحتريها
ترا بعض العلوم اشره عليها=على المختار ابصلي وسلم
الوقت ماحدا يضمنه مابه على الوقت عتماد=اخاف من نارا يعومسنا بها الدخانيه
غير متصل
