جآن يعلم تـآئـه في الصحراء وين مكان أهله ببيت من الشعر!!!

[رآعي الأوله]

بسم الله الرحمن الرحيم.. <<لا تنسوون البسمله الدعوا فيها جن:D

حدثت هذه القصه عندما ضيع راعي ذلوول لونها أبرق أهله في الليل وهو عآئد من سفر ..وهو خابرهم على عد تبراك (وتبراك هي اللي نمرها وأنا رايحين لمكة ولا رايحين لديارنا جاين من الرياض ..يعني غربي الرياض)

والله مير يوم جى لاذا مراحهم..ولا يدري وينهم فية!!؟؟

قام الرجال ونوخ ذلوله وأمرح على العد.

ما درى راعي الذلول الا الرجال اللي يقصد عند راسة (الرجال جني ياربع)

ويقوول:

يآمنوخ البرقا على جال تبراك****أهلك جنوب سندو البرقية

يوم سمع راعي الذلوول البرقا ذا الكلام طمر على ذلووله وراح على وصف الجني وفعلاً لقى أهله وأمرح عندهم ذيك الليلة..

والسلام خير ختآآم،،

والمهم عسآآهآآ نالت أعجابكم وسلتكم ياجماعة،،ترى هذا هو المقصد:D

ولكم التحية من أخوكم راعي الاوله..

[مصلح ربح]

راع الاوله

وش رايك

اكيد ان الذلول بعد جنيه مادام انها برقا هههههههههه

والله ماخبرنا في البل برقا

[رآعي الأوله]

الأخ مصلح ربح والله مدري وأنا اخوك هههههههههههههه

هذا ماسمعت :D


وتقبل تحياتي..

[عيسى السبيعي]

ماصدق خبر هذا الجني لوطلب منه الدلاله كان اعطاه اللي يبي

[رآعي الأوله]

صدقت أخي الواسطة

بس منت معي أن ذا الجني رجال نشمي وتحطة على يمناك هههههههههههههههه

شكرا على مروورك اخي الواسطة..

اخووك راعي الاوله....

[الزناجه]

البرقا اسمها وليس لونها الغالي
هذا ماحببت اوضحه ودمت قصه روعه

[رآعي الأوله]

الزناجه أية الضاهر أنها تسذا:D

ومرورك هو الأروع أخي الغالي الزناجه,,

أخوكـ راعي الأوله..