من شعراء سبيع الشاعر سعود بن فليج العريني السبيعي من أهل رغبة يقول في قصيدة له مشهورة:
راكب اللي ما تونّى في مسيره=منوة الركاب من صنع الالماني
سايقه يمشي على عرف و بصيره=ناعتينه من سواويق ظهراني
لى مشىمع سهلة تسمع هديره=صاح حس القير عشق له بثاني
ساعتين ثم تلفون البصيره=ديرة السبعان مرفقة العواني
كل عشير يهتني شوفة عشيره=مشفقين عقب تفريق الزماني
لي وليف إن حصل مالي بغيره=حالف ما انساه دامه ما نساني
رمية سهوم المنايا من نظيره=لى نظرني كنّها السحر العماني
صاحبي لولاك ما عفت الجزيره=ما قعدت مشاهد خشم الحصاني
صابر عامين و همومي كثيره=كلها لعيناك يا جال الثماني
تدري إن الحب ما يجبر كسيره=لو يعالج صاحبه بالمومياني
غير متصل
