بمناسه مزاين الغلباء

[عاشق المجد]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة للشاعر : مشرع ذعار العوهلي السبيعي

بمنايسه مزاين الغلباء

فالبدايه نبتدي باسم رب العالمين =واطلب الله رحمةً ما يسكر بابها
قبل تنظيم العبارات بالله استعين =فزعة الله ما يهون الصعيب إلابها
نعرف أن العاقبه للعباد المتقين =رحمة الله طيب الحظ من يحظابها
من هجوس في الطلب ماتجيب إلا الثمين=ما تعامل بالرخيصة ولا ترضابها
تعتلي بين الثريا ونجم الفرتقين =ومن تعب للطيبه قالو إنه أولابها
الشعر لاصار لاجاء لزومه ما يبين=يترك الأشعار راعيه وش يبغابها
كل شيء تفعله قبل حله ما يزين=وفي أمورٍ ما يبي للرجل جنابها
منهج العراف منهج جدودي الأولين=والأمانه باقيه في يدين اصحابها
أصخره في شان ربعي ومدح الطيبين=والأمور الثانيه فيه من يشقابها
وانثني من دون ربعي لردع المغرضين= واتعب اللي للخطايا تحث اركابها
ولا ادحم الأخصام ياكود بالجنب المتين= الهوين وقفته نقص ما يدرابها
قمت ارحب باسم ربعي كعام العايلين=عزوةً تفرا كبود العدا بحرابها
وافتخر في فعولهم والأعادي صاغرين=في فعولٍ علة أهل الحسد بأسبابها
مرحباً ترحيبةً ريح مسك وياسمين =في قدوم ضيوفنا دايماً نبدابها
للضيوف اللي لفوا من يسار ومن يمين= النشاما بارك الله بليلٍ جابها
باسم حضار القبيله وباسم الغائبين=من حضر من عزوتي سد عن غيابها
عزوةً في كل علماً ينومس فايزين=ناهجاً شبابها مع نهج شيابها
بالثلاث الثابته في العرب متميزين= ميزيتنا بَّيض الله وجه كسابها
يوم سكان الجزيرة جياع مدهرين= والمكارم مقسم سبيع واتسمابها
عزوةً من حظها فوزهم دنيا ودين=قبل حكم الفيصلي ما اهتنا حرابها
وان زبنهم جالياً لاذ في درعاً حصين =الشوامخ يامن الخوف من يرقابها
في ذرا الغلبا هل المجد خطلان اليدين= عايشاً في عز والخيل من ركابها
كان به مخلوق كامل فربعي كاملين= داخلين المرجله مع وسيع أبوابها
يشهد الله عالم الغيب خير الشاهدين=لو تغط النور حسّادنا وأحزابها
الحقايق ثابته ما تغيرها السنين =صفحة الأمجاد للي يبي يقرابها
الدلايل للفعايل براهين اليقين =دوك برهان النواميس يا طلابها
الشهاده من زحول الرجال البارزين= ترفع الرجال لاقالها وادلابها
واختصرها واكتفي بالشهاده من اثنين= العطاوي وبن راشد خلف غنابها
تثبته وقفاتنا مع أمام المسلمين =وقفةً الإخلاص في هونها وصعابها
في افتتاح العاصمة داخل معه أربعين= غير وقفاتٍ عديدة ما اجيد حسابها
وفي ولانا مع صقور الجزيرة مخلصين= ناقف الوقفات ذا اللي تحوز اعجابها
جاهزين في الطلب كل وقت وكل حين=وشلة الإرهاب تبشر بدقم أشنابها
كل أبونا ضد فعل الطغاه المفسدين =نسيت أنعام الوطن من دبورٍ صابها
لأجل عز بلادنا نروي الحد السنين =وشلة الإرهاب أبوها لبو من جابها
ما تداس حدودها دام حنا عايشين=لين ندفن كل أبونا بوسط اترابها
واسمحولي في قصوري عساكم سالمين= الفعايل جملةً ما قدرت اعرابها
والصلاة على النبي عد ودان الغشين= وعد من كبر بمكه ومن صلابها =

[خيَّال الغلباء]

عاشق المجد بيض الله وجهك وصح لسان الشاعر / مشرع بن ذعار العوهلي السبيعي

[نجم سبيع الغلبا]

بيض الله وجهه ووجههك على النقل المميز ومشكور على القصيده الجزله من وجه جزل


باسم حضار القبيلـه وباسـم الغائبيـن = من حضر من عزوتي سد عـن غيابهـا
عزوةً في كل علمـاً ينومـس فايزيـن = ناهجـاً شبابهـا مـع نهـج شيابهـا
بالثلاث الثابته فـي العـرب متميزيـن = ميزيتنـا بَّيـض الله وجـه كسابـهـا
يوم سكان الجزيـرة جيـاع مدهريـن = والمكـارم مقسـم سبيـع واتسمابهـا
عزوةً من حظها فوزهـم دنيـا وديـن = قبل حكم الفيصلي مـا اهتنـا حرابهـا
وان زبنهم جالياً لاذ في درعاً حصيـن = الشوامخ يامن الخـوف مـن يرقابهـا
في ذرا الغلبا هل المجد خطلان اليديـن = عايشاً في عـز والخيـل مـن ركابهـا
كان به مخلوق كامل فربعـي كامليـن = داخلين المرجله مـع وسيـع أبوابهـا
يشهد الله عالم الغيب خيـر الشاهديـن = لـو تغـط النـور حسّادنـا وأحزابهـا

[عاشق المجد]

بسم الله الرحمن الرحيم

الاخوان الاعزاء: خيال الغلباءونجم سبيع الغلباءالسلام عليكم ورحمة الله وبركاته مشكورين على مروركم على القصيدة وبيض الله وجيهكم وجه الشاعر