نبي اخر رساله

[راشد التوم]

:Untitled-

السلام عليكم ورحمة الله وبركاته وبعد
عساكم بصحه وعافيه العلم سلامتكم البارح الله يحييكم جتني رسالة جوال من واحد غالي شروى هالوجيه صحيبلي وافتح الرساله الا فالرساله ( تتكفى يابومطلق افزعلي بسرع تكفى ارسلي رسالة كفو الرسايل الى فجوالي انمسحة وجتني رساله ابي ارد عليها )الا والله يومني انبلشت توني مغير جوالي والرسايل عندي انمسح قلت فرصه نعرض الموضوع على هالوجيه المباركه ونبي من كل واحد يدخل على هالموضوع يحط اخر رساله جته او رساله غاليه عنده وش رايكم

[راشد التوم]

اخر رساله
عاجل:الجيش الامريكي يعلن مقتل 10 جنود بتحطم مروحيتهم شرقي افغانستان
العربيه

[أبوعبدالله]

ابشر بسعدك غالي والطلب رخيص

هذا واحد يعز علي با الحيل ارسل لي رساله يتشره علي فيها يقول مبطي ما كلمتني


ورديت عليه بهذه الابيات ارجو ان تعجبكم

يا ابو محمد يا عسى الله يحييك=يا كاسب القالات واطيب فاله
خوتك مثل الشيك وغلى من الشيك= يا من له فعول الرياجيل عاده
ابشر بما تامر علينا ويرضيك=وعن التماس العذر يكفي وكاده

[خالد الشماسي]

خذ هذي آخر رساله

الوقت غربه وآخر الدرب عنوان = والعمر رحله والتجارب رحايل
وأنا كثر ما لي من الناس خلان = اللي صفوا لي بالشدايد قلايل
مرات ربك يرزقك خوة إنسان = واحد (1) ويسوى في عيونك قبايل

[راشد التوم]

اخر رساله

الطيب والجاه والنخوه لها سيد

مثلك عشيق المراجل يابعد راسي

جاذبك جدك وابوك وساسك الجيد

ياضلع شامخ وبعيون العدا راسي

يفداك منهو عن القالات متحيد

ياطيب الاصل كاسب كل نوماسي