منتديات الـمـشـاهـيـر والقصص البطوليةشامل القصص والروايات البطولية لمشاهير وفرسان قبيلة سبيع الغلباء وبعض المشاهير من القبائل العربية معلومات و توثيق لتاريخ مجد اشهر رجال قبيلة سبيع
السلام عليكم ورحمة الله وبركاته،،،،،،،،،،،،،،،،،،،،،،،،،،،،،،،،،،،،،،،،،، وبعد،،،
نطرح لكم هذ المرة في منتدانا الموقر عن ذرب من مذاريب سبيع وشاعر من شعرائهم البارزين والمعاصرين عرف عنه
كرمه ومحبة قبائله له وركن من اركان قبيلته لحق على آواخر العصر القديم ما قبل الحكم السعودي وعاش فتره طويله
في هذه الحياة عن عمر يناهز أكثر المئة سنه رثا حديجان بن دحيم السودة في وفاته عام 1403 هجري في حادث
مروري بمحافظة القويعية ( رحمه الله ) فشاعرنا المعاصر والركن البارز لقبائله هو شالح بن حمران بن نعيس الشماسات
الزكور سبيع له من القصيد الكثير وسوف نورده لاحقاً ان شاء الله.
واليكم قصيدته في حديجان
ياهل الركاب طروش ولا مداوير =كل يبي ممساه عند حدجاني
تبون منهو ضاري بالمخاسير=نجره ينادي والذبايح سماني
ومن غيرها توجد علوم المناعير=يالم عشاكم والسوالف زياني
يا زين بيته بين في العثامير=ماهوب يبني في الغبا والطماني
مشيد ومرفع للمسايير=ويفرح ليا من شاف من جاه عاني
يا عزتي للي وافقته المقادير=ولا عاد ناجد كود جعله جناني
ليته فداه من الرفاقة مثابير=عشرين والا مثلهم ذا الزماني
ولون موته جا من اي العيايير=قمنا عليه ولا احد بمتواني
مير انها من عند والي التدابير=والموت حق مثل فرض رمضاني
لو النشيد يرد بعض المخاسير=سويت ديوان على ما طراني
وما قيل يكفي عن كثير التعابير=ولا ينفع المضيوم كثر الغواني
ياليت قبره جا جنوب عن البير=ولا صار قبره في ديار قحطاني
ابي اليا مرت عليه المظاهير=يثنى عليه من الجزاء والحساني
لو كان ينثر من دموعي زغاتير=وتنثر على خدود البني الزياني
بعض العرب لا مات لج الدواوير=ولجو لجيج الخلج وسط المباني
وبعض العرب لا مات لاكنه بعير=هرش ضعيف ثاوي فالمكاني
وفرق حديجان بعد خشرم عن النير=وشبره طويل مثل شبر كحلاني
بليهي لا قام شال الطنابير=ويشيل حمل اللي من الحيل واني
عسى السحاب اللي مزونه مزابير=ينثر عليه مبردات التهاني
وعسى صخاه يبعده عن زمهرير=لا منها شمت كفوف اليماني
عساه لا وصله حساب التقارير=ترجح موازينه بطيب المعاني
وصلات ربي عد وبل الشخاتير=على النبي حل باعلى مكاني
الشاعر/ شالح بن حمران الشماسات الزكور سبيع ( رحمه الله )
أخوكم........المنتبه
حنّا هل البل مانبدي غيرها=وحنّا خيار القوم وإنّا أيسودها
من دونها شيخان القبائل نفدها=فد الجمال الصايكات قعودها
الشاعر / باني بن مشرع العوهلي السودة سبيع رحمة الله
التعديل الأخير تم بواسطة المنتبه ; 22 - 12 - 2006 الساعة 00:36
الاخ العـزيز المنتبه بيض الله وجهك يا ابن العم وعلومك كلها غانمه
يالـوافي ورحـــم الله حديجان بن دحيم السودة فقد عرف هذا الرجل
بالكرم والشجاعه وكل العلوم الغانمه أسكنه الله جنة النعيم وكذلك
الشاعر شالح شالح بن حمران الشماسات رحمه الله رحمة واااااسعه
رجل شم وكريم من الذين خلد التاريخ ذكرهم. لاهنت وتقبل تيحاااتي
الاخ المنتبه تحياتي لك
اشكرك على ابرازك لتاريخ الفرسان والشعراء
ونوادرهم
وشالح بن حمران شاعر متميز له
عدة قصائد وجدتها في كتاب الحضبي
سوالف الطيبين
قرأتها عند أحد الزملاء
وقصائده جيده وذات سلاسه ومعاني طيبه
غير متصل
شاعر من شعراء قبيلة سبيع الغلباء المعاصرين
