قصيـــدة أم لولدها بعدما تركها بدار العجزة ؟

[الحرألأبيض]

[COLOR="Blue"]

هذي قصيده ام بعد ان وداها ولدها .. للمصحه ( دار العجزه ) ..
او كما يقااال ( دار النسيان

) ..

اترككم مع القصيده

وين انت يا حمدان امـك تناديـك
وراك مـا تسمـع شكايـا وندايـا
يا مسندي قلبي على الدوم يطريـك
ما غبت عن عيني وطيفك سمايـا
هذي ثلاث سنين والعيـن تبكيـك
ما شفت زولك زايـر يـا ضنايـا
تذكر حياتي يـوم اشيلـك واداريك
والاعبـك دايـم وتمشـي ورايـا
ترقد على صوتي وحضني يدفيـك
ما غيرك احدٍ ساكن فـي حشايـا
واليا مرضت اسهر بقربك واداريك
ما ذوق طعم النوم صبـح ومسايـا
ياما عطيتك من حنانـي وبعطيـك
تكبـر وتكبـر بالأمـل يـا منايـا
لكن خساره بعتني اليـوم وشفيـك
واخلصت للزوجه وانا لي شقايـا
انا ادري انها قاسيـه مـا تخليـك
قالت عجـوزك مـا ابيهـا معايـا
خليتني وسط المصحه وانا ارجيك
هذا جزا المعروف وهـذا جزايـا
يـا ليتنـي خدامـة بيـن اياديـك
من شان اشوفك كل يوم برضايـا
مشكور يا ولدي وتشكر مساعيـك
وادعـي لـك الله دايـم بالهدايـا
حمدان يا حمـدان امـك توصيـك
اخاف من تلحق تشـوف الوصايـا
اوصيت دكتور المصحه بيعطيـك
رسالتـي واحروفهـا مـن بكايـا
وان مت لا تبخل علـي بدعاويـك
واطلب لي الغفران وهـذا رجايـا
وامطر تراب القبر بدموع عينيـك
ما عـاد ينفعـك النـدم والنعايـا

م ن ق و ل

[/COLOR]

[وافي السبـيعي]

الجنه تحت اقدام المهات

عساء حمدان يرجع لامه

[رنيه المفيلحي]

الله يعين ويرجع حمدان الى امه وقصيده محزنه

[النجم السبيعي]

لا حول ولا قوة إلا بالله ...
حسبي الله عليك يا حمدان ...

لمثل هذا يذوب القلب من كمد *** ان كان في القلب اسلام وايمان

[+الشنيفي]

الله المستعان مافيه رحمه والله لو ادري وين مكانه اني لاذبحه ذبحة الشاة قليل خاتمه هذي اخرتها امه امويته الي ربتة وسهرت عليه وبعد تقول ياليتني خدامه عنده شف وين وصلت الرحمه في الام!!!
يـا ليتنـي خدامـة بيـن اياديـك!!
من شان اشوفك كل يوم برضايـا!!!

[الحرألأبيض]

لكم مني كل الشكر والتقدير على المروركم وتعليقكم

[سعود الصندلي]

اللهم اجعلنا بارين بوالدينا
ولا تخلف قلوبنا عن طاعتك يارب
وعن البر بهما
أمــــــــــــــــــــــــــــــــــــــــــــــــ ـــــين
بارك الله فيك اخي الفاضل الحر الابيض
لنقل هذه القصيدة المحزنه والتي فيها شيئ من العظة
اخيك/سعود محمد السبيعي

[أبو حمود]

الحقيقه مشكور ياعزيزي الحر الابيض على هذا النقل وجعله الله في ميزان حسناتك
قال تعالى ( وبالوالدين احسانا )


لك خـــــــااااااالص تحيـــــــــاتي,,,,,,,,,,,,,,

[فهد ابو نايف]

الاخ الفاضل الحر الابيض
جزاك الله خير على هذا الطرح الحزين الذي تقشعر له الابدان.
ولكي يتعض الابناء .
ونسال الله ان يرحمها برحمته ويرجع لها ابنها.

[محمد بن سلطان]

المشاركة الأصلية كتبت بواسطة saud2030

اللهم اجعلنا بارين بوالدينا
ولا تخلف قلوبنا عن طاعتك يارب
وعن البر بهما
أمــــــــــــــــــــــــــــــــــــــــــــــــ ـــــين
بارك الله فيك اخي الفاضل الحر الابيض
لنقل هذه القصيدة المحزنه والتي فيها شيئ من العظة
اخيك/سعود محمد السبيعي

لا هنت اخوي على ارياد القصيده ..

تقبل تحياتي ،،
اخوك
محمد بن سلطان الثوري