شيخة قصائد قبيلة عنزة الوائلية العريقة

[مخايل الغربي]

بسم الله الرحمن الرحيم
شيخة عنزة الثانيه للشيخ مشعان بن هذال
---------------------------------------------------------------------------
قبيلة عنزه لها قصيدة تسمى الشيخه ،، يعني شيخة القصايد
وعنزه لهم هذي القصيدة وقصيده اخرى لمقحم الصقري ايضا تعد شيخة قصيد عنزه ،،
وهذه قصيده مشعان بن هذال عندما جاء من العراق الي نجد لمحاربة من استحلوا اراضيهم في نجد ،، وهي نصرة لماجد ابن عريعر عندما ارسل لمشعان خط يخبره ان بلاده استولو عليها الاعداء ،، فجاء وقال هذه القصيده

يالله يـا مديـر الهبـايـب والادوار= شانك عسى تصريف شانك لنا خير
يالله يـا عالـم خفيـات الاسـرار =يامعتنـي بالخلـق وال المقـاديـر
قلته ونوم العين عن جفنهـا طـار= والقلب كنه فوق حامـي المجاميـر
جانا الخبـر يالابتـي وليـت الـدار= سكانها الاجناب هـم والبقـا قيـر
من عقب ماحنا بها مثـل الاسـوار =نامر وننهي نحمي الجـار ونجيـر
من عقب ما كنا بنجد كمـا الطـار= نقطع بها شر وناصـل بهـا خيـر
حنا الذي ترجع لنـا كـل الاشـوار= لاصار بالقـالات شـوار ومشيـر
حامينها في لابـة تسقـي الامـرار =عدوهـم مـا يحتسـب للمخاسيـر
لابد مـا ناتـي لا بـا نـات زوار= باسلاف عجلات تعـدا المظاهيـر
يهومن هومات بعيـدات واعسـار =وكم ذيرن من غافـل مابعـد ذيـر
وكم فاجن العدوان غرات واجهـار =الى انتون كم يسبقن مـن معاصيـر
ظعايـن حطـن ملـكٍ بسنـجـــــــــار= وبنن على الخابور زيـن الدواويـر
وتواهلن الزورحصـن لهـن كـار= ومن البطين الى الرها لـه معابيـر
وكتن مع الحاوي وداجن بالامصـار= وجابـن خفارتهـن بفكـر وتدبيـر
وحطن على السلمان طيحات الامطار= وصارت لهن لينه وخضرا مصاديـر
ومالن على رجم الهيـازع وسنـار= وجابن حلال المحمره من ورا النير
وراجن على الشنبل وداسن الاخطار= وهدن بها العاصي بيسـر وتيسيـر
ثم انتحن مـع كفـة الشـط عبـار= وهاجن وماجن فوق رؤوس العناقير
واقفن وكالن من شثاثـا بالاسعـار =وحطن لملـوم المسمـى مسابيـر
واقطعن ينـون الخطايـط والاقفـار =وكم طيرن جول الحبـاري مخاميـر
وخلن فوق الشبك عج الرمك طـار= وحلو هاك اليـوم خـز المعاشيـر
واركن على ورد الدجاني لهب نـار =وغدوبها الويـلان مثـل المداويـر
وشدن وحطن الثمامـى بالايسـار= وخلن على المطران مثل المعاصيـر
سارن بنا الزرفات باقبـال ودبـار= من غوطة الفيحا الى غشلة الديـر
نروم من زيـن المنـازل ونختـار= ونستـارد الخـوه بحـدب البواتيـر
الياما نخونا اللي على نجد حضـار= وجانا كتاب من زبـون المقاصيـر
من ماجد ابن عريعر حـر الاوكـار= يقول وليـت داركـم يـا لمناعيـر
الشيخ اللي حيف على البيض بالغار= يقول حل بداركـم حـرب ومطيـر
وجيناه مثل السيل طمـام الاوعـار= الياما غدت عنه البـوادي شعاثيـر
اولاد عـم ولا بنـا قـول شبشـار= وشيخ لنـا عنـده جـلال وتقديـر
اولاد عم ومـا حذانـا لهـم جـار= وحنا عليهم نحمي الجـار وانجيـر
حنا شبات الحرب وان شبـت النـار =وتوايقـت بيـن الحنايـا الغناديـر
حنا بنـي وايـل بعيديـن الاذكـار =اليا تناخـوا بالجمـوع المشاهيـر
حنا هل الجمع المسمى اليـا سـار= بمركاضنا يشبع به الذيـب والطيـر
وين انت ياللي تايهه منك الابصـار =جيناك حوله من شثاثا وابـا القيـر
هج الحريبـي مـا لقينـاه بالـدار= زبن على الحره وذيـك الشناخيـر
باغي عليهم صايرن مثل ما صـار =ذبح الشفايـا واغتنـام الخواويـر
كسيرة مـا قـط ذكـرت بالاذكـار= فيها القلايع مثـل روس الخنازيـر
صحنا عليهم صيحة باللقـا الحـار =حتى جبرناهم عـن الـدار تجبيـر
لولا شفاتي فيـك يانجـد مااحتـار= فكـري ولاكثـرت علـي التفاكيـر
لولا شفاتـي فيـك ماجيـت مـرار= نادى نذيـرات الهواجيـس وانديـر
وانديـر حيـلات بالاريـا وتبصـار =وارجي من الباري عساها مسافيـر
نجـد جفتنـا وكـل دار لـنـا دار= ماهي معافه مير جـوع ومداهيـر
قطعاننـا ترعـى زماليـق نــوار =اليامـا غـدا فـوق الاباهرقناطيـر
مابيـن مسنـاد ومابيـن محـدار =ياما قطعنا بدربنـا مـن مشاويـر
وياما ركبنـا بالسراقـب الامهـار =وعيرات الانضـا كنهـن السنانيـر
نعتاض عن دار عليها الدهر جـار= ديد العسل فيهـا تعيـش المفاقيـر
مثل المسوح اللي ترزم على حـوار= دار مريه بالشتـاء تسمـن الضيـر
دار بها بالقيـض غـدران وانهـار =والتمن المجروش ملـي الجواخيـر
وصلاة ربي عد مـا بالسمـا طـار= وعداد ما وردن ظمايا علـى البيـر
على الرسول المصطفى سيد الابرار =نور العباد اللـي يشيـع التباشيـر

وانتم سالمين والسلام
منقول

[فـــالح السبيعي]

شكراً يامخايل الغربي

نقل راائع ومجهود أروع

[ماضي المديري]

شكراً يامخايل الغربي

نقل راائع ومجهود أروع

[مخايل الغربي]

بسم الله الرحمن الرحيم

الاخوان العزيزان ابو بندر وعقيد القوم السلام عليكم ورحمة الله وبركاته وبعد اشكركم على المرور وانتم سالمين والسلام

[الحرألأبيض]

شكراً يامخايل الغربي

نقل راائع ومجهود أروع

[مخايل الغربي]

بسم الله الرحمن الرحيم

المكرم الاخ الحر الابيض السلام عليكم ورحمة الله وبركاته وبعد اشكرك على المرور بشيخة قصيد عنزه وانت سالم وغانم والسلام

[خيَّال الغلباء]

بسم الله الرحمن الرحيم

شيخة قصائد قبيلة عنزة الوائلة العريقة الثانية للشيخ / مشعان بن هذال رحمه الله وأسكنه فسيح جناته وقبيلة عنزة لها قصيدة تسمى الشيخة يعني شيخة القصائد ولها هذه القصيدة وقصيده أخرى للشاعر / مقحم الصقري العنزي أيضا تعد شيخة قصيد عنزه ، وهذه قصيده الشيخ / مشعان بن هذال عندما جاء من العراق إلى نجد لمحاربة من إحتلوا أراضيهم في نجد ، وهي نصرة للشيخ / ماجد بن عريعر عندما أرسل للشيخ / مشعان خط يخبره بأن بلاده استولو عليها قبائل أخرى فجاء وقال هذه القصيدة :

يالله يـا مديـر الهبـايـب والأدوار= شانك عسى تصريف شانك لنا خير
يالله يـا عالـم خفيـات الأسـرار =يا معتنـي بالخلـق وال المقـاديـر
قلته ونوم العين عن جفنهـا طـار= والقلب كنه فوق حامـي المجاميـر
جانا الخبـر يالابتـي وليـت الـدار= سكانها الأجناب هـم والبقـاقيـر
من عقب ما حنا بها مثـل الأسـوار =نامر وننهي نحمي الجـار ونجيـر
من عقب ما كنا بنجد كمـا الطـار= نقطع بها شر وناصـل بهـا خيـر
حنا الذي ترجع لنـا كـل الأشـوار= لا صار بالقـالات شـوّار ومشيـر
حامينها في لابـة تسقـي الأمـرار =عدوهـم مـا يحتسـب للمخاسيـر
لا بد مـا ناتـي لا بـانـات زوّار= باسلاف عجلات تعـدا المظاهيـر
يهومن هومات بعيـدات واعسـار =وكم ذيرن من غافـل ما بعـد ذيـر
وكم فاجن العدوان غرات واجهـار =إلى انتون كم يسبقن مـن معاصيـر
ظعايـن حطـن ملـكٍ بسنـجـــــــــار= وبنن على الخابور زيـن الدواويـر
وتواهلن الزور حصـن لهـن كـار= ومن البطين إلى الرها لـه معابيـر
وكتن مع الحاوي وداجن بالأمصـار= وجابـن خفارتهـن بفكـر وتدبيـر
وحطن على السلمان طيحات الأمطار= وصارت لهن لينه وخضرا مصاديـر
ومالن على رجم الهيـازع وسنـار= وجابن حلال المحمره من ورا النير
وراجن على الشنبل وداسن الأخطار= وهدن بها العاصي بيسـر وتيسيـر
ثم انتحن مـع كفـة الشـط عبـار= وهاجن وماجن فوق رؤوس العناقير
وأقفن وكالن من شثاثـا بالأسعـار =وحطن لملـوم المسمـى مسابيـر
وأقطعن ينـون الخطايـط والأقفـار =وكم طيرن جول الحبـاري مخاميـر
وخلن فوق الشبك عج الرمك طـار= واحلو هاك اليـوم خـز المعاشيـر
وأركن على ورد الدجاني لهب نـار =وغدوبها الويـلان مثـل المداويـر
وشدن وحطن الثمامـى بالأيسـار= وخلن على المطران مثل المعاصيـر
سارن بنا الزرفات بإقبـال ودبـار= من غوطة الفيحا إلى غشلة الديـر
نروم من زيـن المنـازل ونختـار= ونستـارد الخـوه بحـدب البواتيـر
إليا ما نخونا اللي على نجد حضـار= وجانا كتاب من زبـون المقاصيـر
من ماجد بن عريعر حـر الأوكـار= يقول وليـت داركـم يـالمناعيـر
الشيخ اللي حيف على البيض بالغار= يقول حل بداركـم حـرب ومطيـر
وجيناه مثل السيل طمـام الأوعـار= إليا ما غدت عنه البـوادي شعاثيـر
أولاد عـم ولا بنـا قـول شبشـار= وشيخ لنـا عنـده جـلال وتقديـر
أولاد عم ومـا حذانـا لهـم جـار= وحنا عليهم نحمي الجـار ونجيـر
حنا شبات الحرب وإن شبـت النـار =وتوايقـت بيـن الحنايـا الغناديـر
حنا بنـي وايـل بعيديـن الأذكـار =إليا تناخـوا بالجمـوع المشاهيـر
حنا هل الجمع المسمى إليـا سـار= بمركاضنا يشبع به الذيـب والطيـر
وين أنت ياللي تايهه منك الأبصـار =جيناك حوله من شثاثا وأبـا القيـر
هج الحريبـي مـا لقينـاه بالـدار= زبن على الحره وذيـك الشناخيـر
باغي عليهم صايرن مثل ما صـار =ذبح الشفايـا واغتنـام الخواويـر
كسيرة مـا قـط ذكـرت بالأذكـار= فيها القلايع مثـل روس الخنازيـر
صحنا عليهم صيحة باللقـا الحـار =حتى جبرناهم عـن الـدار تجبيـر
لولا شفاتي فيـك يالانجـد ما احتـار= فكـري ولا كثـرت علـيّ التفاكيـر
لولا شفاتـي فيـك ما جيـت مـرار= نادى نذيـرات الهواجيـس ونديـر
ونديـر حيـلات بالأريـا وتبصـار =وأرجي من الباري عساها مسافيـر
نجـد جفتنـا وكـل دار لـنـا دار= ما هي معافه مير جـوع ومداهيـر
قطعاننـا ترعـى زماليـق نــوّار =إليا مـا غـدا فـوق الأباهر قناطيـر
ما بيـن مسنـاد وما بيـن محـدار =يا ما قطعنا بدربنـا مـن مشاويـر
ويا ما ركبنـا بالسرى قـب الأمهـار =وعيرات الأنضـا كنهـن السنانيـر
نعتاض عن دار عليها الدهر جـار= ديد العسل فيهـا تعيـش المفاقيـر
مثل المسوح اللي ترزم على حـوار= دار مريه بالشتـاء تسمـن الضيـر
دار بها بالقيـض غـدران وأنهـار =والتمن المجروش ملـي الجواخيـر
وصلاة ربي عد مـا بالسمـاء طـار= وعداد ما وردن ظمايا علـى البيـر
على الرسول المصطفى سيد الأبرار =نور العباد اللـي يشيـع التباشيـر

منقول وأنتم سالمون وغانمون والسلام .

[خيَّال الغلباء]

بسم الله الرحمن الرحيم

قصيدة الشيخة للشاعر / مقحم النجدي الصقري العنزي

يا الله يا مطلوب يا وال الأقدار= أنت الذي مدات جودك لطيفه
أطلبك يا معبود عاون هل الكار= وتحل شطاتٍ عليهم كليفه
اللي مجالسهم بها بن وبهار= ونجرٍ يصوت للنشامى رجيفه
يا مزنةٍ غرا من الوسم مبدار= اللي جذبنا من بعيدٍ رفيفه
تومر على كل المفالي بالأمطار= وتصبح بها ديران قومي مريفه
ترعى بها قطعاننا سر وجهار= ترعى زماليق الفياض النظيفه
في ضفة الله ثم جبرٍ وجبار= خيالةٍ يوم الملاقا عنيفه
ترعى بها وضحى من الذود معطار =غبوقة الخطار عجلٍ عطيفه
ويبني عليها بنية اللبن بجدار =عقب الضعف راحت ردومٍ منيفه
ما هي حكايا مسردٍ عقب ما نار= اللي هرب وأطراف رمحه نظيفه
والصبر مفتاح الفرج عند الأذكار= ولا صابر تصبح حواله كسيفه
خطو الولد مثل البليهي إلى ثار= زودٍ على حمله نقل حمل اليفه
وخطو الولد يبهش على موتة النار= بين العرب يشبه لخطو الهديفه
وإلى بخصته ما سوى ربع دينار= صفرن على عودٍ تضبه كتيفه
وخطو الولد مثل النداوي إلى طار= صيده سمين ولا يصيد الضعيفه
إلا ومع ذلك لك الله لنا كار= عن جارنا ما قط نخفي الطريفه
ونرفا خماله رفية العش بالغار= ونودع له النفس القوية ضعيفه
ولا نبدي الخافي إلى صار ما صار= يفلج قصير البيت لو بان حيفه
والجار لا بده مقفي عن الجار= وكل بجيرانه يعد الوصيفه
أحدنٍ على جاره بختري ونوّار =وأحدنٍ على جاره صفاةٍ محيفه
نكرم سبال الضيف حق وتعبار= لا من ولد اللاش شح برغيفه
ولا بدها تصبح تواريخ وأذكار= وتبقى لدسمين الشوارب وظيفة

منقول وأنتم سالمون وغانمون والسلام .