منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
آخر زمن صرنا ضحايا للاقزام= اللي لهم في بغض الاسلام سيره
احداث تتكرر بعاماً بعد عام= والمسلمين اتقول عميا بصيره
في عيدنا الاكبر وفي شهر الاحرام= حدث وله عدة معاني خطيره
اضحيت الكفار تنسب للاسلام=ولجل الاهانه صار فى افضل شعيره
في عيدنا يومر بتنفيذ الاعدام= صدام يعدم والاهانه لغيره
هذا تحدي واعلنوبه فى الاعلام= مهوب طعناً فى الخفا والسريره
وامجادنا مهيب تبنى با الاوهام= ولاتنكسر بسم النفوس الحقيره
حتى لو اعدم خاين العرب صدام=في مزبلة تاريخ الاعدى المريره
وجهاً غشاه الغدر واشكال الاجرام= القبح فاله والاهانه مصيره
ما تعرفونه وجهه اسود من الخام=والغدر والاجرام دايم شويره
وين العراق اللي توارثها الاقوام=يوم استقرت شب فيها السعيره
وكم من ديار بسطوته صارت احطام= سيفاً تعود سلته في جفيره
منها الكويت ام الطفوله والايتام= غدربها واضحت بفعله ضريره
امضى الحياه لمنبر العز هدام= واليوم يوصف با الاسام الكبيره
ما تعرف ابطال العروبه با الاثام=كلمت بطل تزها الرجال الشهيره
مثل الملوك اللي على نجد حكام= ابطالها من عهد صقر الجزيره
اللي على مثله يجوز الترحام=ذاك الأمام اللى نظيفاً ضميره
وكان البطوله تعرف بسلت احسام= آل السعود اهل السيوف الشطيره
وكان البطوله تعرف بفعل مقدام= تنسب للشجعاناً تقود الجريره
وتنسب لمن خذ للسلام ارفع وسام= اللي شمل كل العروبه بخيره
صقر العروبه للحرمين خدام= وحامي حما الاسلام في كل ديره
التعديل الأخير تم بواسطة مصلح ربح ; 04 - 01 - 2007 الساعة 01:59
قصيده تتكلم بصدق
وسوف تسجل في التاريخ من ذهب
وسوف تتداول من جيل الي جيل
شاعرنا الفاضل ابومصلح
بيض الله وجهك وسدد الله خطاك
وما قلت الا الحق وهو ناصع البياض