هذه القصيده من قصائد الغربه وقالها الشاعر قبل 22عام في مدينة بومباي الهنديه
سلطان يوم انته على السوق مريت @@@ ماشفت من طارف عربنا زواوير
انا قزيت ومن هل الهند مليــــــــــت @@@ الله لايذكر هل الهند بالخير
لي ديرتن فيها خلقت وتربيـــــــــــت @@@ داري ودارك ياعشير المناعير
دارن اهلها بالوفا جالهم صيــــــــت @@@ شجعان نجد مطوعين الطوابير
ماهيب دار الخايبين الخراتيــــــــت @@@ اللي رمتني وسط اهلهااالمقادير
اسرع علينا خل عنك التلافيــــــــت @@@ قلبي نوى المطراش مافيه تأخير
بكره اليا منك خلصت وتقضيـــــــت @@@ نقطع تذاكرنا ليا قرب عصير
ونركب اللي صمموها عفاريـــــــت @@@ اللي تصخر نايد البعد تصخير
تعبر محيط الهند صنع الطواغيـــت @@@ فوق السحاب وفوق عج المعاصير
شوف ام عقلا منيتي لاتمنيــــــــــت @@@ دارن لنا فيها معزه وتقدير
والصلب والصمان في جيه اشفيت @@@ ورماح مدهال البكار المغاتير
هات القلم والبوك واشعلي الليــت @@@ اكتب ونا بعبر الهرج تعبير
مانيب سالي لوضحكت وتسلـــــيت @@@ لو ماعلي ضيم ولا فيه تقصير
لاشك قلبي له مشاعر وحسيــــــت @@@ حب الوطن في القلب مافيه تزوير
والصلب والصمان في جيه اشفيت ..........ورماح مدهال البكار المغاتير
هات القلم والبوك واشعلي الليــت ......... اكتب ونا بعبر الهرج تعبير
مانيب سالي لوضحكت وتسلـــــيت ....... لو ماعلي ضيم ولا فيه تقصير
لاشك قلبي له مشاعر وحسيــــــت ...... حب الوطن في القلب مافيه تزوير
بيض الله وجهك اخوي الظابط على النقل ارائع لشاعر ثامر
تقبل تحياتي