قصيدة الشاعر/ هاضل مهدي السبيعي يرد على خاله ،،

[فهيد بن راكان آل دخيل الله الملحي]

بسم الله الرحمن الرحيم ،،

السلام عليكم ورحمة الله وبركاته ،،

:

اشكر الشاعر/ هاضل بن مهدي السبيعي على تجاوبه السريع مع قصيدة خاله الشاعر الكبير/ عايش بن هاضل السبيعي

فقد كتب الشاعر / هاضل بن مهدي السبيعي قصيدتا يرد فيها على قصيدة خاله ،،

:

واليكم القصيدة ،،

يا خال صغت الجواهر ما تصوغ النحاس ،، نوادر تطرب اللي سمع قيفانها
من بدع راسك ولا انت مقتبسها اقتباس ،، صحايف الشعر دونتك بعنوانها
هيضتني لين جيتك بندفاع وحماس ،، وجاريت معك البيوت اللي على انها
وقتن مضى يا بو هاضل راح ياس بياس ،، ألن ربك يعوض الناس فزمانها
يمطر عليهم ألين البور ترجع خفاس ،، ويكثر بها العشب والماء وسط غدرانها
وتشوف نبت الخزامى والنفل والهراس ،، أهل البداوه عليه تسوق ذيدانها
وتلقى بيوت النشاما مبعدين المراس ،، على مسافات دلك نور ضيانها
هل فزعتن وافيه لا جا مشاكل وباس ،، لا عنزو فلمحاجي فوق نيشانها
راحو وراحت علوم الباديه والوناس ،، تبكي عليها منازلها وجيرانها
والله جزيل العطايا مال مده قياس ،، عساه يصلح حوال الناس واديانها

:

وصح ألسان الشاعر / هاضل بن مهدي السبيعي على هذه الابيات الجزله ،،

،،
،،

ودمتم بخير ،،

.

[خيَّال الغلباء]

أخي الكريم الأستاذ / فهيد بن راكان بعد السلام كل عام وأنتم بخير وصحة وسلامة وصح لسان الشاعر وجزاك الله خيرا ولا هنت واسلم وسلم والسلام .

[ابــــن مسعــود]

صح لسان الشاعر

وماقصررر

[الهضيبي الحريق]

بارك الله في عمرك يابو راكان وصح لسان الشاعر

[الطمران]

بالنيابه عن اخوي هاضل اشكر الاخ فهيد بن راكان الملحي وبيض الله وجهه واشكر كل من دخل على قصيدة اخوي هاضل واضاف رده والله يعيطكم العافيه
وننتظر جديد اخوي الغالي هاضل .........