ياوجودي وجد من سجن في دم رقبه

[مبارك مقين]

ياوجودي وجد من سجن في دم رقبه=كارثه في الدين ويعاقبه فيها النظام
ماتفكر في الخطا والقدى لين لهبه= عقب مامده على القاع فكر فالحرام
يحسب انه حي داره شويه وسحبه=واثره من الاوله رايحن فيها قوام
حطه الله في يدين الرجال المدبه= قدم شوف العين مافيه شكه واتهام
صكوا البيبان من دون ناسه وعربه = في رجا القصار تكبر بعد عشرين عام
ينتظر للباب لافتح ويطق عصبه= وان سأل من حوله يقال مافيها كلام
او وجود اللي وطا بين راسه وذنبه= اسودن صفرن عيونه من كبار الهوام
جابه الحظ الردي يم جحره وجذبه= قام ينقز مايشوفه وغاطيه الظلام
كل ما جا بيتعنز وقع فوق ركبه = انصرم صرم الرشا الخبل من فوق المقام
في فيافن خاليه جوها فيه شهبه= عقب مااضحى في مطيحه عليه الطير حام
يدري ان الموت قرب وداعيه سببه= ماش لاكاتب وصيه ولاموصل علام

[فراج آل ماضي]

صح السانك اخوي مبارك .... والله يبعد عنا وعنكم وعن المسلمين مصايب الدنيا

[كرتون]

قصيدة من اجمل القصائد

لكن ما لقيت سبب التوجد فيها

وتمنيت انه مافصل بين التوجد الاول والتوجد الثاني بحرف (او) ياليت كتب (وياوجودي)
علشان يصير توجدين لانه اذا كتب حرف (او) كأنه يخير القارئ او السامع في احد التوجدين اقصد(توجد القاتل وتوجد القريص)
مع ان التوجد الثاني لا يعتبر توجد ولكن روعة لانه لم يوضح هل الداب قرص الشخص ام لا
لانه اكد فعل الوطي ولم يؤكد هل قرصة الداب ولا لا

شكرا

قصيدة مميزة

[خالد الشماسي]

صح لسانك اخوي مبارك

أنت مبدع في فن التوجد

تعجبني كلماتك البدوية الاصيلة

لاهنت

[التلسكوب]

[مبارك مقين]

فراج ابن مقذل
كرتون
خالد الشماسي
تلسكوب

صح الله ابدانكم وجمل الله حالكم وتسلمون على مروركم الرائع والله لايحرمني من تواجدكم الغالي

ولاهنتم

[جبر الغبيشان]

هنا معناء للابيات الراقيه


هناء انواع الابدع

انت مبدع ياصاحب هذهي القصيده

يغلم الله انها

قمه


بيض الله وجهك على كل حال


تحياتي
جبر ربيع الغبيشان

[مبارك مقين]

جبر الغبيشان
هنا الشهادة التي اعتز بها
والله لايحرمنا من امثالك
ومن تعاليقك الطيبة