قصيدة تركي ابن ثفيل السبيعي مجارة بينة وبين جسار المشعبي

[المشعبي م]

السلام عليكم ورحمة الله وبركاته

اخواني مشرفي واعضاء هذا المنتدي

احببت ان اشارك بقصيده لشاعر تركي ابن ثفيل السبيعي وهي مجاره بينه وبين الشاعر جسار ابن مهدي السبيعي

ولاكن اعتذر عن قصيدة البدع لشاعر جسار لانها لاتحضرني حالياً وسوف اوافيكم بها







[pيامرحبـا ترحيبـة مالهـا حــدود تضفي علي ارض الحاضره والبوادي
بالمسك والريحان والـوردوالعـود طعم العسل فيهـا وريـح الزبـادي
بخط غمـرٍ مامشـى درب منقـود ومن خلقته ماجاء طريـق انتقـادي
خطٍ لفـى راعيـه بالمـدح ماكـود يامرحبابـه مـن صميـم الفـوادي
اودع هجوسي كنهن صـدر وورود وقامت تخالف مثل سرب الجـرادي
حللت فـي فكـري ثمانيـن مـارود وكسور عشريـه وكسـر اعتيـادي
ولقيـت سبـة علتـه قايـد القـود زين التعطـف لا نـوى بالمقـادي
كـان قلبـك مشغلـه ناعـم العـود كلن سواتـك لـه وليـف ومـرادي
ياسبع ياللي طحت في سباع وفهـود اصبر وتلقى الصبر فيـه السـدادي
ولكل شـي منتهـى وحـد وحـدود ولابد مانمشـي بـالارض الريـادي
وخل الرجاء بالله في القلب ماجـود حتـاك تلـزم مقصـدك بالايـادي
فجسار انا حظـي ملـوع ومقـرود وحظك اظنه مثـل شـوك الكـدادي
لاجاء يقوم وينتهـض جالـه قيـود مثل الجمل غثـه قصيـر القيـادي
وجسار انا اشوف الحكم يعلن القـود ولاخير في قودٍ علـى غيـر قـادي
جنب عن المحظور لو كان مظهـود وكب اللـذي مشبـوه جـدٍ عمـادي
وتمت بذكر اللي علي الخير محمـود الواحـد المعـبـود رب العـبـادي



وسلامتكم