من جديد الواسطه

[عيسى السبيعي]

بسم ربي بدينا عد مانشأ السحاب=وعدماهل وبله في رياض الربيع
واحِدٍ يعبُدُهْ من خاف يوم الحساب=محصي ٍ كل خلقه قادرومستطيع
يالله انك تـقـويني عـلى الإحتـساب=وأذكرك وأتقن الدعوه لسد منيع
فـي نهـار لـفانـي علم ثقل الهـضـاب=أمر مكتوب غـصب انا لهذا نطيع
والأمـرزيــدابـن فـوازهـوالمصاب=شيخ يشري الوفاوالطيب ماهويبيع
يالله انـك تـوفـق شـيـخـنا للجـواب=فـإ نـك الـلي عـلا ذاقــادرياسـمـيع
يرحمك ربناياشيخ تُوفِيْ الـنـصـاب=ويدخلك جنة الفردوس منزل وسيع
شيخ ربعـن ٍيشوقون النظرمايخاب=من لـفاهـم بـيـامن ما يـبـيـت جويع
في نهاراللـقا من ضدهـم بالحراب=ذاق حر الهزيمه من سيوف وذريع
فاتح مجلسه ماهوب من صك باب=وريحة العود الأزرق بالمطايب تذيع
تـاج راسي ربوع ٍكـلبوهم ذياب=شيخ ربعي هل الطالات شأنه رفيع
أرجي اني بـقـولي ذاه قلت الصواب=ويالله انك من الزلات تحمى الجميع
وخـتمها ياصلا تي عد حرف الكتاب=وياسلامي على محـمـد للأمه شـفـيـع

[خالد الشماسي]

صح لسااااااانك يالواسطه


ورحم الله ابو فواز رحمه واسعه وأدخله فسيح جناته


ولا هنت

[أبونواف{الثوري}]

صح لسااااااااااااااانك ملايين يالواسطة قصيدة جزلة من شاعر جزل


ورحم الله الشيخ زيدابن فوازالعزيزي السبيعي



تقبل خالص تحياتي

[عيسى السبيعي]

الأخ ابو عمر

صح بدنك يالغالي والشيخ زيد الله يرحمه

غني عن التعريف ويستحق منا الكثير

[02]تحياتي

الوســــطه[/02]

[عيسى السبيعي]

الأخ ابو نواف { الثوري }
صح بدنك يالغالي

والف شكر على هذا الثناء الجزل

وابو فواز الله يرحمه يستحق منا الكثير

[02]تحياتي

الواســطه[/02]