ابو سالم الريــــــــــــــــــس
الف شكر على هذا الاختيار الرائع .
الشاعر سبيل بن سند رحمه الله
الاسم: سـبـِيـْل بن سند بن سـبـِيـْـل المزيني الحربي. وهو من قبيلة الحصنان من مزينة من المراوحة من بني سالم من حرب.
ولد سنة 1356هـ في ضواحي مدينة الرس بالقصيم.
ونشأ الشاعر كما ينشأ أبناء البادية في حياة الصحراء الصافية، وشب عوده فيها. وفي سن مبكرة من العمر التحق في اللواء السادس بالحرس الوطني في مدينة الرياض، وكان أمير الفوج سـلاّف بن مفضـّي البهيمة وذلك في حدود سنة 1374هـ. وبعد أربع سنوات انتقل مع اللواء المذكور إلى المدينة المنورة. وعندما انتقل اللواء السادس إلى منطقة جيزان استقال من الخدمة. وبدأ بممارسة قيادة سيارات النقل، وقد مارس هذه المهنة فترة طويلة، ثم تركها في سنة 1399هـ، واستقر في منطقة القصيم حيث امتهن الزراعة إلى وقتنا الحالي، ومقره في منطقة دهيما الزراعية الواقعة جنوب مدينة عنيزة. وقد توفي رحمه الله مساء الاثنين الموافق 13 من شهر محرم 1418هـ، كما توفي ابنه سلمان في نفس الليلة. فيرثاء الشاعر وابنه رحمهما الله.
وله من الأبناء سـتـة وهـم سلمان وعقيل وثلاب وعبدالله وسند وحمد.
ياصاحبي بعض الهدايـا رزايـا = نقص ٍ علي اللي ينتظرها وأهلها
مثل المصير اللي جميع الحوايـا = تسوق فيه من الذبيحـه وسلهـا
مافيه خيـر ولا يعشـي قوايـا = مـن ذاق لقمـه قافيتهـا تفلهـا
والهرج مايملا اليديـن الخلايـا = اليا زاد غيـم فالكبـود ودبلهـا
لين انها تاصل حـدود القصايـا = مع دمها ومجراه يجري زعلهـا
مار الكلام اللي يكـف الحكايـا = من ضامري غش السوالف غسلها
قل لليديـن اللـي عليهـا كوايـا = ارزاق خلق الله ترى الله كفلهـا
اللي مخازن باب جـوده ملايـا = لاتحسبـون انـه عليكـم تكلهـا
الا انهـا تخفـى عليـه الخفايـا = ليا من عقـال السوالـف عقلهـا
اللي ورث حاتم بزيـن السجايـا = اليا تراكا .. والشـوارب فتلهـا
حضر لك الغايب وسوى سوايـا = مع كل مجـدال ٍ ذلولـه جدلهـا
وان طال عمره ناوي ٍ له نوايـا = يبا يشـارك بالنفـوس وبجلهـا
ويبـا يعمـر للحفـاه العـرايـا = بيوت مابجدودهـم مـن نزلهـا
بالهرج .. والا اليا تركنا الحكايا = تقاطعت ذيـك السوالـف اعللها
غيم سمـاه .. ونشفـن الشفايـا = وارضه عن اللي قال شربت بللها
هذا الزمان اللي كثيـره بلاويـه = اللي به المعروف يطلع جريمـه
ليا زارك اللـي زاوي زاويـه = عليه من غبر الليالـي وسيمـه
ياصلك في بيتك يبوسٍٍ لواحيـه = الين عظامه من نقيض الجميمـه
يبيك تقضـي لـزومٍ موازيـه = موقف عليه اللي يتـل الشكيمـه
وطلبت عون اللي نخافه ونرجيه = رحمن رجوى مد غيره هزيمـه
وفضيت جيبك ماليٍ له مخابيـه = شيمة عرب . مانته مدور غنيمه
علي اللزوم اللي يخصك مبديـه = فل الحجاج . وذب ذيك الخريمه
واليا خذيت سنين وانته تراجيـه = ماجاك جيته والجوارح سليمـه
عنيت يمه مستحي حاسـبٍ فيـه = لكن ماعند اسود الوجـه شيمـه
اليا سمعك بطيب اسمـه تناديـه = جابهك بالعليا ورمحـه وريمـه
كنك تبـي تبـلاه والله معافيـه = لكن ماتمشـي عليـه الظليمـه
يصيح ويحط الشواهـد بذانيـه = والله ذكر في سيـرةٍ مستقيمـه
من زل حرف من الشريعه مخليه = علي هذاك الحرف عض النديمه
تاره يقول ان الخطا صاب راميه = وتاره تقول الطيب باس وعزيمه
وجه الندا مايقدر العذر راعيـه = واردها لاهل العقـول الفهيمـه
اللي يعرفون الندا كيـف ناديـه = ويقدرون لطقـة البـاب قيمـه
اقولها من هاجسٍ مانيب كاميـه = صبرت لين انه طرحني هشيمه
عمري يردن الثلاثيـن ماضيـه = شاركت ابو تسعين قومه وسيمه
يانور عيني ليه شوفـك شفاقـه = هذا جفى يـا زيـن وإلاتغلـي
على غلاك الزود مالـه لواقـه = واضن ماله بالضمايـر محلـي
ودك غدى بالروح و الرجل ساقه = من الملا كله طويـت السجلـي
حتى وليف(ن)لي هروجه رقاقه = اناوفي(ن)ماتـهـاون بخـلـي
فارقت شوفه وانـت سبةفراقـه = واليوم مادري بئـي دار يحلـي
اليا شافني ياخذ علـي اندلاقـه = يمشي طويل وطول حسه يهلـي
وإلا انت والله يانصفقت إنصفاقه = قدام وجهـي مـا تمتـع بحلـي
وإني طويت رشاك طي العلاقـه = والحال فيهامن هاك اليوم حلـي
حادور مابـه للمخاليـق طاقـه = إن طال في طيله غدى في كلـي
كانكـم خـلان لـي و رفاقـه = قـدام زلال بروحـي يـزلـي
يانورعينـي ذوقونـي ذواقــه = غر(ن)ترى قلبي عليهـن مغلـي
طول النسم بحدود عقل ورواقـه = يرفـى لحالـي ليـال مضنلـي
والله ماطلبكـم وراهـن لحاقـه = وانه دوايه مـن بلايـه وشلـي
واني لكم يانور عينـي عتاقـه = انا دخيل حظوظكم قبـل اولـي
واناتراي ماني خطـاة الهقاقـه = الـي علىغيبـه انكـان دلــي
واللي يدل الناس كثر إصطفاقـه = لو مل وجهـه بارد(ن)مايملـي
ياعود ريحان على جـال باقـه = شابك عليهـا زعفـران مظلـي
ياريم وانت احلا بخـف ولباقـه = ياعنك ماشح بحـلاك المحلـي
عليك عنـق مـن المهاودراقـه = ومن الصويتيـه تـوزي ودلـي
ومن الحرار بنورعينك رماقـه = ومن الحمامه مشيها بـس قلـي
وإلا انت بوصاف وحلايا دقاقـه = مدري وش انت للعذارىمخلـي
ربي عطاك و حط فوقك وساقه = اشقرقضيض فوق الامتان هلـي
وقلبي عليك اليوم غادي حراقـه = انتـه تبـا تجديـه وإلا تتلـي
وتحط من دوني خليل(ن)عشاقـه = وانا يسد من العنـاء ماحصلـي
ويــــقــــول ســبـــيـــل ايضا
يا اللي تعرف العلم شوف المسيّر = اعرف رجاجيل المواقف والانذال
واللي تبي منهـم تـراك المخيّـر = خوذ الدليل من القدايـم والافعـال
اللي ليا جت حاجتك فيـه ماسـر = ليا من بقعا طوّحت بك علي الجال
صرّم حبالك وانتحا عنك يجتـر= لابالضميـر ولابالـه ولاســال
واللي ليا جيته وقف ماقـفٍ حـر= كنك شريكٍ في حصيله من المـال
يتعب تعبك ويسهرالليل الاسمـر= عليه مثل اللي عليك من الاشكـال
ترى الدهر ياما عطا الوجه وادبر = تلقا كلامي في زمانك ليـا مـال
لاتحسبـن السالفـه مـا تنـيّـر = فتالها صعـبٍ علـي كـل فتـال
ليا من ميزان الوفـا والجفـا قـر = كلٍ لزوم إيكال له مثـل ماكـال
اللي ربض عن واجب الدم الاحمر = عنا يطيح بواجبه عبـر الاجيـال
لادون من هذا ولاعنـدي اكثـر= والحق مايزعل من الحق رجـال
وقت السعه كلٍ يقـول الله اكبـر= بالزول عندك والسواليف رحّـال
ليا صارت الدنيا عوافي بلا شـر= كم واحدٍ تلقاه يـا ساتـر الحـال
حاتم يشوفه بالصخا كبر الاظفـر= اللي بها الدنيا مضاريب الامثـال
وليا سمع في طاري الزير زيّـر= ليا هز الارض يصيبها منه زلزال
تغتربه مثلي هـاك اليـوم مغتـر= بالصاحب اللي بورته مالها فـال
يوم ادركتني حاجـةٍ ذوقهـا مـر= جيت لوفاه وباعني قلـع بريـال
لكن هو يربح وانا ربحـي أكثـر= ماعـاد فيهـا يـا شبيشيرعـذال
من قصائده بإبنه عقيل
يا
عقيّـل الحربـي تقبّـل سلامـي= اقبل سلامـي وأنـت سالـم وسلـمّ
سَلمّ علي ربعـي جنايـب حزامـي= يـوم ان كـلٍ فـي عوانيـه يزهـم
كـم خيّـر وقّـع لهـم بالبهَـامـي= اليا قيل حرب وحرب غيّـاب نََعَّـم
لولا الوفا قلبه علـي حـرب دامـي= قد ناوخـوه وقوبعـوا كبـده السـم
دون المبانـي وامهـات اليـدامـي= طشوا من اعضوده عشا الذيب الاسحم
دفّاعـة العِطـفـه نهارالزَحـامـي= يوم الرعود اللـي يجـي سيلهـا دَمّ
وابروقها حِـدبٍ تقـص العظامـي= يومٍ يشيبـن بـه قناصيـع الاطـرم
يشيـب فيـه اللـي بحـل الفطامـي= علي حياته ثانـي الحَـول مـا تـم
من شوف سِـردٍ ينفضـن الكتامـي= في عجّهن مع زمَة الصبـح يـا زم
خد المهنّـد لـون شـوط اللحامـي= في حومـة الميـدان والمـوت خيّـم
يـردون وِردٍ لـوَن وِرد الظوامـي= وكل ٍ علي حـدا الطريقيـن صَمّـم
أمـا الشهـاده مـا بعدهـا ملامـي= ولا يبـي يثنـي خصـيـمٍ تـقـدم
يبـي يتلّـه فـي متيـن الخزامـي= يوم الرجال اجمال والزمـل يخـزم
عادات ربعـي محتميـن الجَهَامـي = عاداتهـم هَدَّامـة الجمـع الادهــم
مـن دَوَّر الشيمـه لقاهـم حشامـي=\ لهـم تقالـيـد ومـلازيـم وِشـيَـم
عاداتـنـا واسلومـنـا فالسنـامـي= يا بعدنـا فـي نايبتنـا عـن الـذم
واللي يشوف المعضله فـي كلامـي= ما قلت انا المعصوم اقـول الله أعلـم
مدحـي لربعـي قارنـه باحترامـي= مانـي غشيـم ولانويـت أتغيـشـم
مانـي بـذم أعيـال حـامِ وسامـي= للناس دون احقوقهـا عـزم واهمـم
من ذم خلـق الله ترعـرع وهامـي= واصبح طريح اوهامه اللـي توهـمّ
يضرب بقلبـه مخطرالبَيـن حامـي= والنارفـي روس المراقيـع تـشّـم
الجـود مايوجـد بــذم الكـرامـي= ومن لاحشم نفسـه سَلَـف مايحَشـمّ
والناس كـلٍ لـه مـزاج وغرامـي= وحسن النبا والخِيم مِعطـىَ وُمِحـرَم
واللـي حياتـه رونقـه وانسجامـي= أمـا ظلـم ولا مـع الرونقـه نـم
والكـذب سمـيِّ للرجـال الهِيَامـي= لكنهـا عـمـىٍ قـلـوب المهَـيـمّ
مايفهمونـه عيـب طبـع وحرامـي= وان الاثامـي مـن زرعهـا توَثـمّ
واللي عطـوه بمعركتهـا الوسامـي= قصـة وفـا ودليّهـم تـارد الجَـم
من قدمّ الشلقـه لـه الحـق سامـي= يضـرب بكفـه ليَـن كفـه تعَـرمّ
يقـدِم علـي مـا قدّمِـه بالتمامـي= للنـاس مـا قـدَّم عليـه يتحـيـزم
يعطي الهـلام اللـي يمـد الهلامـي= من خلقة الدنيا لـو انـه ولـد عـم
هذا وأنـا مالـي لـك الله مرامـي= إلا السـلام ومثلـك الحـر يفـهـم
تـراك فالواجـب تقـوم بمقـامـي= سلّم علي سَمْـوَا شبابـه وُقـلِ تـمّ
رَبـع لنـا فالمعضـلات الجسامـي= مـن هـمّ يَفرِقنـا هـذاك يتحَـلـمَّ
ياناس عيب مشارك البيض في الراي= عيب علي اللـي يستحـون وغليبـه
لاجا ولد عمـي شفاتـي ومـذراي = زبني حجاي . اليـا تخيلـت ريبـه
يبـي جنابـي ويتعلـق بيمـنـأي = قلت انفهـق والـراي راي الحبيبـه
ثم انصفق دمه علي جـال مركـاي = اليـا نابتـه ذات الشهـاب المشيبـه
لا تلتفت يم الفحـل لـد لـي جـاي= هـذا فحـل مالـه علينـا غصيبـه
اليا قضي من منهلي طـق مغشـأي= واليا زعلـت اخـذ عليـه الرطيبـه
ياغمر لا شفـي ولا انتـه بمفـلاي = وعليـك راداتـي بعيـد وصعيبـه
انـا هوايـه مايبـرق بعـوجـأي= امشي عليه قطـوع واذهـب ذهيبـه
مثل ابن عمك يتفهـق عنـد علبـأي= واعطيه في جمـع يقـض التريبـه
مايمشي الا في هوايـه وبرضـأي= وانـا عليـه اكبر.لـك الله مصيبـه
واقفا هزيـمٍ رادتـه بـس الاقفـأي= مكسـوف مايقدطـريـق النجيـبـه
سـودا سـوداً مايحـاول بـجـلاي= لامات يشمع فـوق راس النصيبـه
من شان يعرف منزله بعد الاوفـأي= بهجـر ويحقرفـي طويـل المغيبـه
اللي عسي ماله علـي الـدار نعـأي = مقلاع سنٍ طاح مـن حنـك شيبـه
البارحـه نجـد وفضاهاالوسيعـي = علي صارت ضوق عين الجـراده
يا ابوفهـد لنجـوم بقعـا لميعـي= قدمي اليا منـي لمسـت الوسـاده
من قطنها أوجس مثل شوك النقيعي = وقامت عيونـي تاخذالسهرعـاده
ليّه ثـلاث أيـام مانـي طبيعـي= في حـال مالِيّـه عليهـا جـلاده
اشد عزمـي وِ بثوانـي يضيعـي= ضياع سلـك العنكبـوت البيـاده
وانا عَيَـادي بالحيـاه وربيعـي = واخير مايجلـب علـي السعـاده
إليا بذلت بكـل طَيّـب صنيعـي= والاّ التلاشي عن لزومـك نقـاده
لكن عزاي أني سبقتـك جضيعـي = والنوم وقت الصوم قالـوا عبـاده
حكم علي النوم بئـس الضجيعـي= تدري وعندك ياابن عمي شهـاده
ماني كليـل ولالسانـي قطيعـي= لولا الثلاث اللـي بهـن القـلاده
عيا تحت رجلي جملهـن يطيعـي = حمله فتل ياتـاج راسـي قيـاده
ليا جيت ابشفع عند ذاك الشفيعـي= كنك تطلـع مـن لهاتـي كـداده
تشري بنا غبـر الليـال وتبيعـي= لكنهـا حكـمـة قــوي الاراده
اللي بظلـه كـل خلقـه جميعـي= السيد اللـي مـال غيـره سيـاده
ودعتك اللـي مايخـون الوديعـي= ماضاع من ركز عليـه اعتمـاده
((((((((((((( مشكـــــــــــــــــور يا بــو سالـــم .))))))))))
غير متصل
