اسفسار بخصوص السبيعي

[قصيمي جداوي]

استفساربخصوص لقب السبيعي
الرجاء الخاص الاجابه على سؤالي
اولا بالنسبه للسبيعي هما قصمان؟ ثانيا انا اعرف انه القبائل المعروف فيها قبيلة سبيع وحدة يعني السبيعي من منبع واحد وبعدين تفرعوا كيف يقولون السبيعي الي في القصيم غير عن السبيعي الي في المناطق الثانيه وبعدين يقولوا حنا شيوخ ياليت يتم التوضيح
ثالثا من هم السبيعي الي في عنيزه وشيوخ نفسي افهم
وليش السبيعي الي في القصيم مايعترفون بالباقين ويقولون مو منا حنا غير وهما غير؟؟

[شاعر بني عامر]

أخي العزيز لا أعلم عن من تتحدث أنت هل تقصد بسبعة عنزه وهم يكتبون السبيعي العنزي

أو تتكلم عن العرينات وهم من قبيلة سبيع ؟

أرجو التوضيح أما بالنسبه للي في عنيزه منهم من العرينات ومنهم من بني ثور من قبيلة سبيع

ولا أتصور أن منهم من ينكر أصله أما من يقول أنه ليس من قبيلة سبيع بن عامر

فهو ليس منا وربما من سبعة عنزه


دمتم بكل ود

[قصيمي جداوي]

هم لقبهم فقط السبيعي ولكن يتنكرون لسبيع الي في تربه ورنيه ويتعيبون منهم ويقولوا عليهم بدو مع احترامي للجميع والله انني كتبت هذا الموضوع للاستفسار لان في العمل عندي حدث مشكله كبيره في هذا الموضوع وكنت اتمنى ان اعرف وقتها لحل المشكله . وشكرا

[غليص السبيعي]

يا اخوان العضو هذا داخل يبي
يجيب المشاكل بين سبعان القصيم والخرمه ورنيه بالكلام ذا
انا عني يوم رحت القصيم كلن رحب فيني يوم درا اني سبيعي
لاني ولد عمهم بس
والافضل انه ها الموضوع يغلق
لما فيه اثاره الفتن الكاذبه
مع تحياتي

[قصيمي جداوي]

الله يسامحك يا غليص السبيعي انا كتبت بناءً على طلب شاعر بني عامر طلب مني التوضيح ولكن في الاخر الله يسامحك وانا احترم كل القبايل وعلى العموم شكرا

[قلب المشاعبه]

اقول قصيمي خضيري جاي تشب الفتنه عندنا الخلا قصيمي خضيري وجداوي مجمع الملحجه اقول الخلا العبها على غيرنايالخضيري السبعان اللي في عنيزه شيوخ طرق على خشمك يالخضيري وما يقولون هالكلام مير انت ناقص عقل ياتعبان وقديمه الحركات هذي الله يشفيك من ما فيك

[خيَّال الغلباء]

أخي الكريم / قصيمي السلام عليكم ورحمة الله وبركاته وبعد : عائلة السبيعي من أهل شقراء ومنهم من يسكن عنيزة من الفاضل من بني خالد وليسوا من قبيلة سبيع بن عامر الغلباء ومنهم التاجر صاحب مصرف السبيعي ولتسميهم بالسبيعي قصة والكثير منهم أرجع لقبه إلى الفاضل وترك اسم السبيعي الذي شهروا به سنين عديدة واسلم وسلم والسلام .

[قلب المشاعبه]

اخوي خيال الغلباء صباح الخير اولا ثانيا انا اعرف ابراهيم السبيعي الشايب وابناه اصحاب لي وقابلتهم بجده كذا مره وهم من بني ثور ومناسبين السليم بني ثور امراء عنيزه ووالدهم السبيعي راعي المصرف شاعر وله قصيد في سبيع الغلباء وله ايضاء ديوان شعري وليسو مثل ماقلت للمعلوميه

[خيَّال الغلباء]

أخي الكريم / قلب المشاعبة السلام عليكم ورحمة الله وبركاته وبعد : إذا أنت تعرفهم فأنت أعلم لأني لا أعرفهم وقد استندت في ذلك إلى بعض كتابات بني خالد والملك عبدالعزيز رحمه الله سبق وأن أرسل ابن خطاب ييستدين من السبيعي الخالدي راع القراين بجانب شقراء سنة الرغامة وهو من الفاضل بني خالد ولجده قصر كبير أثري في مدينة عنيزة يسمى قصر السبيعي واسلم وسلم والسلام .

[قلب المشاعبه]

اخوي خيال الغلباء والله مهب عشاني اعرفهم لكن هذا كلامهم وكلام ناس من اخوياي من السليم اهل عنيزه لكن بسالهم عن اهل شقرا وارد لك انشاء الله قريبا ولكن مقد طرا شقرا مره يمكن تشابه اسما