أخي الكريم / قلب المشاعبة بعد السلام الأكيد أن جد بن فاضل الخالدي والمسمى بالسبيعي له تجارة وقصر في عنيزة وسبب تسميته بهذا الإسم أنه جاء يمشي بردونه لا يأبه بأحد فلقي الراوايات فقلن كأنه سبيعي فعلقه لقب السبيعي والقصة حصلت في عنيزة أما صاحب المصرف فلا أعلم هل هو من سبيع أم من هؤلاء إلا أنني قرأت كتابات لبعض أبناء بني خالد ينسبونه إليهم وما دام أنك تعرفه وأنه من بني ثور فأنت اّكد ويؤكد كلامك أنه كان يستضيف بعض رواة سبيع الغلباء وشعرائها القداما في مكة سابقا ذكر ذلك لي أحد الرواة الشعراء من سبيع رحمه الله والسلام .
قلب المشاعبه لوسمحت ابراهيم السبيعي عنده اخ اسمه محمد ياليت ترد علي
وبعدين حبيت افهم كيف تعرفون السبيعي من القصيمي يعني الاخ في الاول قال ان القصيمي يكتب السبيعي العنزي والسبيعي يكتب فقط السبيعي اريد ان اعرف وسلامتك ياليت توضح اكثر
ما شاء الله اجل راعي بنك البلاد ماهو من الغلبا
وبعدين اخوي خيال انا من عنيزه و اول مره اسمع ان في خالدي سبيعي او سبيعي خالدي
وبعدين انا قصيمي قصيييمي حضري من حاضرت سبيع ولا اكتب في بطاقتي السبيعي اكتب الزامل
لان مهوب البطاقه الي تعطيني النسب ياما صناع اساميهم بالبطايق اسامي قابيل وهم صناع
وبعدين يا شيخ تراك غلط على الحضر وانا حضري سبيعي وبان عمك
ومالها داعي ندخل في سالفه بدوا وحضر
لباديه سبيع تاريخ ولحاضرة سبيع تاريخ وبالخير كلنا عيال عم
ومافي داعي للغط
وهل جداوي يستهبل اتحداك تجبلي سبيعي قصيمي يتبرى من اصله او يسب السبعان
وشلون يسب عيال عمه وان قال انهم بدوا فسبيع فيها بدوا وحضر ولا ادري من الاكثر بس الي باين لي ان الحضر اكثر يمكن لاني ساكن بالرياض وعنيزه ولكبر ديار سبيع وتباعدها ما اعرف
شي ما اعرف اقول ما عرف
بس سبيعي خالدي اول مره اسمع فيها
وراعي بنك البلاد من عنيزه ومن بني ثور ومن حاضرت سبيع حضري اذا انت تعرفه فهوا من جماعتنا
ومن ناحيه
سبيعي قصيمي يتبرى من اصله ويسب ربعه انت كذاب بختصار وقاعد تحرش والجبال ما يهزها الريح على انك والله اعلم ما تهز قرطاسه
وانا من النوع ما اغلط على الرجاجيل ان جبت لي يا جدواي سبيعي قصيمي حضري فاهم يسب ربعه ابشر بالحق وما يلحق وان ما جبت فانت كذاب وتبي تحرش الي يحرش بين الناس ينوطى على رقبته كيف لو كان يحرش بين عيال العم اقرب مثال قلب المشاعبه غلط على القصمان وهم اكثرهم عيال عمه وغلط على الحضر وعيال عمه خضر كثير بس ما اقول ان شاء الله ما كان يقصد
والسلام ختام
يادارنا لا ترهبي يومك سعيد"""حنا حمـاة الدار وشـبّ اشـعالها
هذي عنيزة مانبيعها بالزهيد """ لا فرعن البيض نحمي جالها
غير متصل
