الشاعر / خلف بن غبين يرد على الشاعر / طلال السعيد

[مسلط 22]

قصيدة الشاعر / طلال السعيد في بوش الأب

باسم الكويت وشعبها وين ما كان
= شعب الكرامة والأصالة شعبنا

يا مرحبا يا بوش من قلب ولسان
= طيبك ومعروفك لشخصك جذبنا

يا بوش أحيي فيك قايد وإنسان
= شجاعة الموقف وحزمك عجبنا

يحق للديرة تضمك بالأحضان
= ورّدتنا صافي القراح وشربنا

من مجلس الأمة إلى قصر دسمان
= تسمع صدى الترحيب من كل مبنى

تقدير لأفعالك وشكرٍ وعرفان
= قايد عظيم بجانب اسمك كتبنا

في صفحة التاريخ مكتوب عنوان
= الله وثمّن بوش ولا انهبنا

عاداتنا يا بوش من عبر الأزمان
= رد الجمايل والله اللي وهبنا

نجازي الإحسان حنّا بالإحسان
= بالطيب والمعروف ما أحد غلبنا

يا بوش ما قصرت يا ذرب الأيمان
= عرضت جيشك للهلاك بسببنا

يا بوش ما اسمك بوش اسمك كحيلان
= البوش والله والتخاذل عربنا

عانيبها عدوان كانوا لنا اخــوان
= يـا ما سندناهم ويا ما تعبنا

بالطيب جيناهم وجونا بنكران
= وش ذنبنا وش جرمنا ش ارتكبنا

قالوا عرب أصحاب أحباب جيران
= قلنا نعم لا شك من هو نكبنا

من سلط اجنوده على أعراض نسوان
= من يتم الأطفال ؟ من هو نهبنا

من روع الغافين ظلم وعدوان
= أرعب منام أطفالنا وارتعبنا

من خان بعهود ومواثيق وأيمان
= بجدة يفاوضنا وجيشه حربنا

من لوّث البيئة حرايق ودخان
= حتى شعاع الشمس عنه حجبنا

من حرّف التاريخ زورٍ وبهتان
= ألغى الكويت من الوجود وشطبنا

وقام التحالف قومة أبطال شجعان
= كلٍ يقول لصرخة الحق أجبنا

وتحقق التحرير في عزم وأيمان
= بقيادتك يا بوش خلّص نشبنا

وعدنا وأعدنا عمارها تاج الأوطان
= حنّا تجاوزنا الجروح ووثبنا

لكن على الفرحة بقايا ونقصان
= لا عادوا أسرانا تحقق طلبنا

وراس العكف هو الهدف سر واعلان
= لا طيّروا راسه يطبق هدبنا

إن ما تهيّا زمرة الظلم تنهان
= لا أقول راح الشر ولا أقول طبنا

هذه قصيدة الشاعر / طلال السعيد شاعر الكويت والتي رد عليها الشيخ / خلف بن محدى بن غبين العنزي من شيوخ الفدعان وأرسلها إلى / أحمد السعدون رئيس مجلس الأمة الكويتي وطلب منه تسليم القصيدة للشاعر / طلال السعيد أثناء إنعقاد المجلس واّل غبين هم أصحاب المثل : ( عطية غبيني ما ترد ) ويقول :

سر يا قلم واكتب تناظيم الألحان
= زان المجال وللقوافي كتبنا

اكتب حسس قلب من الغبن حيران
= ومن كثر ما تطري طواريه شبنا

قلب معذبني وأنا منه سهران
= وبأسباب ميلات الزمان استصبنا

عبرت ما كنيت يوم الخفى بان
= بالشعر يوم (ن) حان وقته أجبنا

رد (ن) على اللي قال زيف وبهتان
= كاذب وحنا نكذّبه ما كذبنا

عضو الفلس أصبح مثل طير برمان
= والله من موقف طلال اعتجبنا

طلال بن عثمان هايف وغلطان
= يمدح وحنا منه ناخذ حزبنا

طلال يا مادح زعيم المريكان
= عليك نلقي يالمنافق عتبنا

أخطيت مضمون الهدف يابن عثمان
= حنا لكل اللي تقوله شجبنا

مدحت بوش وأنت مخطي ووهمان
= وكذبت في مدحك شذوب شذبنا

وش عاد لو مجدت بالشعر شيطان
= مدحت بوش وتسمية بوش غبنا

طلال مجد بوش في نظم قيفان
= ونسي مواقفنا وكنه هزبنا

لا شك ما نقبل على النفس خذلان
= يوم إن ابن مزعل بشعره لسبنا

والله يالولا اللي لهم قدر وكيان
= لا أقول يا بعض الرجاجيل طبنا

خسران من يفعل بكم طيب خسران
= لو كان من مقطع عصبكم عصبنا

نعم نعم أنتم لنا إجوار وإخوان
= بالدين وإلا ما حسبكم حسبنا

المدح ما يزهى لكافر وخوان
= يزهى على الصنديد مقدم عربنا

فهد صليب الشور خلفت كحيلان
= زعيمنا الميمون خلص نشبنا

فهد صليب الشور حماي الأوطان
= للعز حنا في وجوده وثبنا

له وقفة تصعب على فلان وفلان
= والخير والله في وجوده صحبنا

وطلال يمدح بوش هيف بالأظنان
= يمدح عميل اللي بجيشه حربنا

وبأسباب صاحبكم غدى الشمل شتان
= وللفهد جيتوا يوم حنا إنجذبنا

وبالحال جبنا جيش بوش ومتران
= وأيضا لقوات التحالف طلبنا

على الطلب جونا سريعين بإعلان
= ويوم أخطا راي الغير للرائ أصبنا

ما هو غلى جونا مطاميع بأثمان
= وبأسبابكم لهم خسرنا ذهبنا

وأيضا خسرنا أشناب في وسط ميدان
= وبأسبابكم في أزمة الحرب شبنا

والله واللي فارض خمس الأركان
= ما تدخل القوات لو ما رغبنا

واليوم تنسون المواقف والأكوان
= العام يوم النار تاكل حطبنا

تنسون وقفات الفهد عالي الشان
= مع شعب جابر يوم جابر ندبنا

من لاذ في ظل الفهد كايده هان
= وجابر زبن يمه من الغبن زبنا

لولا الفهد ما عاد جابر لدسمان
= فهد الفهود الوايلي هو جنبنا

ونعم بعبدالله ونايف وسلطان
= سلطان زيزوم الحرايب جذبنا

ونعم بزيزوم المناعير سلمان
= الصيرمي بحماه محد قربنا

نعم هل العوجا طويلين الأيمان
= اللي نسبهم من معامق نسبنا

نعم هل العوجا ضريرين الأطعان
= اللي بحد السيف هدوا صعبنا

نعم هل العوجا مقاديم الأظعان
= قادوا مسيرتنا ولبوا طلبنا

نعم هل العوجا مواريث مرخان
= في حبهم رب الخلايق وهبنا

نعم هل العوجا للأمجاد عنوان
= شيوخ لهم في قمة المجد مبنى

نعم هل العوجا صماصيم شيخان
= إخوان نوره من وجبهم وجبنا

حنا سعوديين بالفعل شيخان
= وعن دارنا يوم اللقاء ما هربنا

حنا سعوديين كان الطلب حان
= عدونا يدرى عواقب غضبنا

حنا سعوديين والفعل برهان
= حنا لجار خانكم له ضربنا

حنا سعوديين لا ثار دخان
= ومن يلتجي فينا فلا عنه غبنا

حنا سعوديين في وين ما كان
= عدونا له المحابل نصبنا

حنا سعوديين في كل الأزمان
= حنا العرب واصل العرب منتسبنا

حنا سعوديين لنا القوي لان
= من اللي غدر فيكم خذينا ندبنا

حنا سعوديين يوم الزمن شان
= حنا لكم مع شينة الوقت طبنا

حنا سعوديين بالفعل فرسان
= ولا زال حنا حماتكم ما انسحبنا

يوم إن هدام العروبه بكم خان
= حنا وقفنا دونكم واحتزبنا

حنا فعلنا أفعال شوف بالأعيان
= وأنتم استجبنتوا من الخوف جبنا

ويوم تقهقر بالخطر كل جابان
= حنا دحمنا للخطر واقتربنا

جيتوا لنا من الضيم تشكون الأحزان
= تبكون هدام العروبه سلبنا

واليوم بادرتوا هل الطيب جحدان
= وليا حسبتوا غيرنا ما حسبنا

وعدنا الكويت وعاد دسمان فرحان
= وفي عودة الدير تحقق طربنا

ولا فيه شكر ..... ولا فيه عرفان
= وحنا تعبنا من سببكم تعبنا

والله من ينكر هل الطيب حيوان
= والسب ما هو من طبايع أدبنا

قلته وأنا من ديرة عزها يصان
= يا عز من حنا بجنبه حضبنا

وصلاة ربي عد هتاف الأمزان
= على الرسول إعداد ما أرمش هدبنا

منقول مع خالص التحية وأطيب الأمنيات وأنتم سالمون وغانمون والسلام .

[أبو يزيد]

بسم الله الرحمن الرحيم
ارسل الشاعر خلف بن محدى ال غبين العنزي من شيوخ الفدعان القصيد الى احمد السعدون رئيس مجلس الامة الكويتي وطلب منه تسليم القصيده للشاعر طلال السعيد اثناء انعقاد المجلس وال غبين هم اصحاب المثل عطية غبيني ما ترد قال

سر ياقلم واكتب تناظيم الالحان= زان المجال وللقوافي كتبنا
اكتب حسس قلب من الغبن حيران= ومن كثر ما تطري طواريه شبنا
قلب معذبني وانا منه سهران= وباسباب ميلات الزمان استصبنا
عبرت ما كنيت يوم الخفى بان= بالشعر يومن حان وقته اجبنا
رد على اللي قال زيف وبهتان =كاذب وحنا نكذبه ما كذبنا
عضو الفلس اصبح مثل طير برمان =والله من موقف طلال اعتجبنا
طلال بن عثمان هايف وغلطان= يمدح وحنا منه ناخذ حزبنا
طلال يامادح زعيم المريكان= عليك نلقي يالمنافق عتبنا
اخطيت مضمون الهدف يابن عثمان =حنا لكل اللي تقوله شجبنا
مدحت بوش وانت مخطي ووهمان =وكذبت في مدحك شذوب شذبنا
وش عاد لو مجدت بالشعر شيطان= مدحت بوش وتسمية بوش غبنا
طلال مجد بوش في نظم قيفان =ونسي مواقفنا وكنه هزبنا
لاشك ما نقبل على النفس خذلان= يوم ان ابن مزعل بشعره لسبنا
والله يالولا اللي لهم قدر وكيان= لا اقول يابعض الرجاجيل طبنا
خسران من يفعل بكم طيب خسران= لو كان من مقطع عصبكم عصبنا
نعم نعم انتم لنا اجوار واخوان =بالدين والا ما حسبكم حسبنا
المدح ما يزهى لكافر وخوان= يزهى على الصنديد مقدم عربنا
فهد صليب الشور خلفت كحيلان= زعيمنا الميمون خلص نشبنا
فهد صليب الشور حماي الاوطان= للعز حنا في وجوده وثبنا
له وقفة تصعب على فلان وفلان =والخير والله في وجوده صحبنا
وطلال يمدح بوش هيف بلا ظنان= يمدح عميل اللي بجيشه حربنا
وباسباب صاحبكم غدى الشمل شتان= وللفهد جيتوا يوم حنا انجذبنا
وبالحال جبنا جيش بوش ومتران= وايضا لقوات التحالف طلبنا
على الطلب جونا سريعين باعلان= ويوم اخطا راي الغير للرائ اصبنا
ما هو غلى جونا مطاميع باثمان= وباسبابكم لهم خسرنا ذهبنا
وايضا خسرنا اشناب في وسط ميدان= وباسبابكم في ازمة الحرب شبنا
والله واللي فارض خمس الاركان= ما تدخل القوات لو ما رغبنا
واليوم تنسون المواقف والاكوان= العام يوم النار تاكل حطبنا
تنسون وقفات الفهد عالي الشان= مع شعب جابر يوم جابر ندبنا
من لاذ في ظل الفهد كايده هان= وجابر زبن يمه من الغبن زبنا
لولا الفهد ما عاد جابر لدسمان= فهد الفهود الوايلي هو جنبنا
ونعم بعبد الله ونايف وسلطان =سلطان زيزوم الحرايب جذبنا
ونعم بزيزوم المناعير سلمان= الصيرمي بحماه محد قربنا
نعم هل العوجا طويلين الايمان= اللي نسبهم من معامق نسبنا
نعم هل العوجا ضريرين الاطعان= اللي بحد السيف هدوا صعبنا
نعم هل العوجا مقاديم الاضعان= قادوا مسيرتنا ولبوا طلبنا
نعم هل العوجا مواريث مرخان= في حبهم رب الخلايق وهبنا
نعم هل العوجا للامجاد عنوان= شيوخ لهم في قمة المجد مبنى
نعم هل العوجا صماصيم شيخان= اخوان نوره من وجبهم وجبنا
حنا سعوديين بالفعل شيخان= وعن دارنا يوم اللقاء ما هربنا
حنا سعوديين كان الطلب حان= عدونا يدرى عواقب غضبنا
حنا سعوديين والفعل برهان= حنا لجار خانكم له ضربنا
حنا سعوديين لا ثار دخان= ومن يلتجي فينا فلا عنه غبنا
حنا سعوديين في وين ماكان= عدونا له المحابل نصبنا
حنا سعوديين في كل الازمان= حنا العرب واصل العرب منتسبنا
حنا سعوديين لنا القوي لان=من اللي غدر فيكم خذينا ندبنا
حنا سعوديين يوم يوم الزمن شان= حنا لكم مع شينة الوقت طبنا
حنا سعوديين بالفعل فرسان= ولازال حنا حماتكم ما انسحبنا
يوم ان هدام العرلاوبه بكم خان= حنا وقفنا دونكم واحتزبنا
حنا فعلنا افعال شوف بالاعيان= وانتم استجبنتوا من الخوف جبنا
ويوم تقهقر بالخطر كل جابان= حنا دحمنا للخطر واقتربنا
جيتوا لنا من الضيم تشكون الاحزان= تبكون هدام العروبه سلبنا
واليوم بادرتوا هل الطيب جحدان= وليا حسبتوا غيرنا ما حسبنا
وعدنا الكويت وعاد دسمان فرحان= وفي عودة الدير تحقق طربنا
ولا فيه شكر 0000 ولا فيه عرفان =وحنا تعبنا من سببكم تعبنا
والله من ينكر هل الطيب حيوان= والسب ماهو من طبايع ادبنا
قلته وانا من ديرة عزها يصان= ياعز من حنا بجنبه حضبنا
وصلاة ربي عد هتاف الامزان =على الرسول اعداد ماارمش هدبنا

الاستاذالقدير/مسلط

بيض الله وجهك على النقل الرائع وصح لسان الشاعر/العنزي وبيض الله وجهه.
اما الدعي طلال السعيد فنقول له:

وان انت اكرمت الكريم ملكته= وان انت اكرمت اللئيم تمردا

[مسلط 22]

بسم الله الرحمن الرحيم
المكرم الشيخ ابو يزيد سلمه الله السلام عليكم ورحمة الله وبركاته وبعد جزاك الله عني وعن الغلباء خير الجزاء اما القصيده فوطنيه لكل غيور لانها تعدت حدود الوطن وتعدت القبيله لان الشاعر من شيوخ عنزه واجاب نيابة عن الشعب السعودي فبهذه المناسبه اصبح شاعر الوطن ابن بار من ابناء قبيلة عنزه الوائليه العريقه وانت سالم والسلام

[ابومحمد القباني]

المدح ما يزهـى لكافـر وخـوان=يزهى على الصنديد مقـدم عربنـا
فهد صليب الشور خلفـت كحيـلان=زعيمنـا الميمـون خلـص نشبنـا
فهد صليب الشور حمـاي الاوطـان=للعـز حنـا فـي وجـوده وثبـنـا
له وقفة تصعب على فلان وفـلان=والخير والله فـي وجـوده صحبنـا
وطلال يمدح بوش هيف بلا ظنـان=يمدح عميل اللـي بجيشـه حربنـا
وباسباب صاحبكم غدى الشمل شتان=وللفهد جيتـوا يـوم حنـا انجذبنـا
وبالحال جبنا جيش بـوش ومتـران=وايضـا لقـوات التحالـف طلبنـا

الاخ الفاضل مسلط صح لسانك ولسان القائل وبيض الله وجهك

[مصلح ربح]

نقل رائع يابو سلامه

[مسلط 22]

بسم الله الرحمن الرحيم
المكرم الاخ ابومحمد القباني والشاعر الكبير مصلح ربح السلام عليكم ورحمة الله وبركاته وبعد حياكم الله على المرور على القصيدة الوطنيه للشيخ ابن غبين ردا على طلال السعيد يوم اخطا الجاده ومروركم على القصيده يشرفني وانتم سالمين والسلام

[مخايل الغربي]

بسم الله الرحمن الرحيم

قصيدة طلال السعيد لابيض الله وجهه

باسم الكويت وشعبها وين ما كان .. شعب الكرامة والأصالة شعبنا

يا مرحبا يا بوش من قلب ولسان .. طيبك ومعروفك لشخصك جذبنا

يا بوش أحيي فيك قايد وإنسان .. شجاعة الموقف وحزمك عجبنا

يحق للديرة تضمك بالأحضان .. ورّدتنا صافي القراح وشربنا

من مجلس الأمة إلى قصر دسمان .. تسمع صدى الترحيب من كل مبنى

تقدير لأفعالك وشكرٍ وعرفان .. قايد عظيم بجانب اسمك كتبنا

في صفحة التاريخ مكتوب عنوان .. الله وثمّن بوش ولا انهبنا

عاداتنا يا بوش من عبر الأزمان .. رد الجمايل والله اللي وهبنا

نجازي الاحسان حنّا بالاحسان .. بالطيب والمعروف ماحد غلبنا

يا بوش ما قصرت يا ذرب الايمان .. عرضت جيشك للهلاك بسببنا

يا بوش ما اسمك بوش اسمك كحيلان .. البوش والله والتخاذل عربنا

عانيبها عدوان كانولنا اخــوان .. يـاما سندناهم وياما تعبنا

بالطيب جيناهم وجونا بنكران .. وش ذنبنا وش جرمنا ش ارتكبنا

قالوا عرب أصحاب أحباب جيران .. قلنا نعم .. لا شك منهو نكبنا

من سلطه اجنوده على أعراض نسوان .. من يتم الأطفال ؟ منهو نهبنا

من روع الغافين ظلم وعدوان .. أرعب منام أطفالنا وارتعبنا

من خان بعهود ومواثيق وأيمان .. بجدة يفاوضنا وجيشه حربنا

من لوّث البيئة حرايق ودخان .. حتى شعاع الشمس عنه حجبنا

من حرّف التاريخ زورٍ وبهتان .. ألغى الكويت من الوجود وشطبنا

وقام التحالف قومة أبطال شجعان .. كلٍ يقول لصرخة الحق أجبنا

وتحقق التحرير في عزم وأيمان .. بقيادتك يا بوش خلّص نشبنا

وعدنا وأعدنا عمارها تاج الأوطان .. حنّا تجاوزنا الجروح ووثبنا

لكن على الفرحة بقايا ونقصان .. لا عادوا أسرانا تحقق طلبنا

وراس العكف هو الهدف سر واعلان .. لا طيّروا راسه يطبق هدبنا

إن ما تهيّا زمرة الظلم تنهان .. لا أقول راح الشر ولا اقول طبنا

القصيدة التي رد عليها الشيخ ابن غبين العنزي للشاعر طلال السعيد شاعر الكويت وانتم سالمين والسلام

[محمد بن سلطان]

بيض الله وجه الشاعر الشيخ خلف بن محدى ال غبين العنزي .. وصح لسانه ملايين ..

وسود الله وجه طلال السعيد .. عز الله انه ما صدق في قصيده ..

بيض الله وجهك اخوي مسلط عل نقل القصيدتين .. وسبحان الله كيف للناس مقامات ..

تقبل تحياتي يابن العم ،،

اخوك
محمد بن سلطان الثوري

[ماضي المديري]

بيض الله وجه الشاعر الشيخ خلف بن محدى ال غبين العنزي .. وصح لسانه ملايين ..

وسود الله وجه طلال السعيد .. عز الله انه ما صدق في قصيده

[مخايل الغربي]

بسم الله الرحمن الرحيم
الاخوان العزيزان محمد بن سلطان الثوري وعقيد القوم السلام عليكم ورحمة الله وبركاته وبعد اشكركما على المرور بالقصيدتين وانتم سالمين والسلام