منتديات الـمـشـاهـيـر والقصص البطوليةشامل القصص والروايات البطولية لمشاهير وفرسان قبيلة سبيع الغلباء وبعض المشاهير من القبائل العربية معلومات و توثيق لتاريخ مجد اشهر رجال قبيلة سبيع
قصيدة قديمة العهد للشاعر باني العوهلي السودة السبيعي
كُتب : [ 27 - 10 - 2010 ]
الشاعر الفارس باني بن مشرع العوهلي السودة يصف الإبل وعلو منزلتها وأن لها الأولوية قبل كل شيء ويصف شجاعة قبيلة السودة وقبيلة القريشات من سبيع فقال :
1- حنا هل البل مانبـــــــــــــدي غيرها
وحنا خيار البدو وحنا ايسودها
2- لاننقل العجرا ولانتـــــــلب الردا
مواكر أحرارٍ في البراري صيودها
3- ترعى بنا الحضران زراعة العجم
ترعى وتنزل في مطاوي نفودها
4- ترعابنا العرا ويكــــــــــــــــبر نيها
وتبني على ني الســـــــنام لهودها
5- ياحضر لاتحسبون لا مـــــــان دايم
لابد من نمـــــرى تعزل جرودها
6-قد أخروا لنا جدانا ســـــــــوالف
صيور من طــالت حياته يعودها
7- نرعى من القمره لشايق الحمل
لا من مزون الوسم حنت رعودها
8- ونرعى من حومل إليا بطن الركا
نرعاها بأمر الله إليا زاف عودها
9- نرعى بعربٍ في العساري تضمنا
تحلب لجار البيت واللي يرودها
10- راحت عطايانا عند منهو يودها
عطية سويدي مايحسب ردودها
11- ولاصاح صياحٍ ورى طارف النبا
هم أقبلت قحصن تراثع بقودها
12- ركبوا هل البل فوق كل محــــــيّلة
مثل البرد ذرعان الفهود عضودها
13- ركبوا عليها من آلاد السويدي سربة
قد بان مابيــــــــــن الحفيفين جودها
14- ليامنا لحقناها وســـــيقٍ ترايعت
ترياع سيلٍ ناطــــــحٍ نفودها
15-لامن لحقناها خلوها تعاطف
لنا عزوةٍ تبري صدى من كبودها
16- إن دبرت لاهي تكاسع وظلع
وإن ناحرت ياعجلها في ورودها
17- تبشري بالفــــــــــــك ياحم الذرا
درم الحوافر كل يوم ٍ جهودها
18- نفد شيخان القبــــــــــــايل دونها
فد الجمــــــــــــال الصايكة قعودها
19- ياما قزا في وردنا من نادر
ومن سابقٍ سحم الضرايا ترودها
20- حفظت من ربعي ثمان سوالف
والكل منهن مثبتين وجودها
21- يوم العريف وجايد أميرنا
قلايعه عشر ٍ ولاجا يقــــودها
22- ويوم الحمل قامت تعاوا اسباعه
علا روس شجعان وتنهش كبودها
23- من ضرب لاد سويد فالقاع طرحهم
جزا من جهز علينا جرودها
24- ومنا ورع يوم هيت معيكل
قلايعه صدعان مست ورودها
25- والله لو إن آلاد القريشي معنا
ماعندنا في الخيل واللي يقودها
26- إن حدّروا ينحون خيل عتيبه
وإنّا نضد من الجنوب جنودها
27- يضدونا بالكثر وحنا نضدهم
بنمرى كل يومٍ تعاقب جرودها
28- عدونا يمسي مغلٍ من الضما
يقول لاسقيت ولا قد نعودها
29- ياكن تنايح نساهم غب كونهم
تنايح حمامٍ فوق عالي نفودها
30- في راي ابو فيحان حرن إليا لطم
من ناش مخلابه فلا قد يعودها
31- واليا درس فعل ٍ نجدد بمثله
ورثنا اجدودٍ مانسينا اعهودها
32- ورنية حميناها بضرب أيمانا
لامن ركبنا من المهار سنودها
33- وإلا إنها ديرة كوير بن راشد
قدام ذا العربان رسى حدودها
ويقصد باهل الجنوب قحطان والدواسر ,,,
سبحان الله وبحمده سبحان الله العظيم
وأستغفر الله وأتوب إليه إنه كان غفارا
غير متصل
