سبيعي من الكويت رحبوا فيني

[عبدالرحمن العامري]

السلام عليكم ورحمة الله وبركاته

مساءكم عسل كيف حالكم ياسبعان؟

جايكم من الكويت سبيعي ابا عن جد ...

يالله رحبوا فيني تراني تعبت وانا اكتب

[عبدالرحمن العامري]

صحيح انكم عنصريين علشاني كويتي يعني ماحد رحب فيني ؟؟

لو أدري ماجيتكم والله لو أروح للمنتديات الثانية للقبايل كان هلوا ورحبوا فيني لكن مثل ماقال الشاعر ::

وظلم ذوي القربى أشد مضاضة على المرء من وقع الحسام المهند

[فـــالح السبيعي]

ههههههههههههه

والله لك حق تزعل ثم لك حق نرضيك

صدقني إنت غالي ومن بلد غالي علينا

وسامحنا ياراعي الكويت لاتصير حجازي ههههه

مرحبا بك مليون ياalsubi3e مرحبا بسبعان الكويت
هلا فيك في منتديات قبيلة سبيع الغلباء
نتمنى لك أطيب الأوقات معنا

[المـبـهـم]

كلش الا زعلكم طال عمرك

ياهــلا والله فـيـكــم

ومرحـبـا بكم مليـار

[بندر الهديب]

هلا وغلا ..يا ( alsubi3e

كلي سعادة بتواجدكـ بيننا ..

نورت المنتدى بتسجيلكـ ..

إن شا الله تقضي أوقات سعيدة وممتعة في رحاب منتديات سبيع الغلباء

كلي شوق لرؤية إبداعاتكـ ..

لا عدمناكـ ..

الله يحفظكـ ويرعاكـ ..

كل الود لكـ .. واللي يزعل لايدخل السوق ياخوك ما اقدر على زعلك ياشوق البنت

[ماضي المديري]

هلا وغلا

مرحبابك ومسهلا باهل الكويت ومن سكن في الكويت
لاتزعل خل صدرك وسيع بنايد المحل محلك
والمنتدي ملك للسبيع عامه سواً في السعوديه ولا دول الخليج فهو ملكً لهم جميعاً
مرحبابك بين اخوانك وربعك وحياك الله وننتضر مشاركاتك على احر من الجمر
تقبل تحياتي

[راشد التوم]

الله يحييك والساعة المباركة

[قليل المشاركة]

أرحب بالأخ الكويتي ( قصدي السبيعي ) مليون مرحباً ومرحباً ومرحباً

أنا أطالب الأخ فالح السبيعي أن يوضح ماذا يقصد بالحجازي

يعني أنهم غير مؤدبين أم ماذا يا فالح؟؟؟؟؟؟؟؟

وإذا صار الحق عليك لابد تعزمنا على الحق

[فـــالح السبيعي]

المشاركة الأصلية كتبت بواسطة قليل المشاركة

أنا أطالب الأخ فالح السبيعي أن يوضح ماذا يقصد بالحجازي

يعني أنهم غير مؤدبين أم ماذا يا فالح؟؟؟؟؟؟؟؟

وإذا صار الحق عليك لابد تعزمنا على الحق

أشوى .. أنا قلت الرجال هذا بيطالب بحقوق المرأه

بعدين أنت شمالي وش جابك تطالب بالنيابه عن أهل الحجاز

الحجاز ماهو الحجاز:الحجاز هو الرباط هههههه وفي روايه

المقطيه إستناداا لقول الشاعر حبيب العازمي لمستور العصيمي

الذي يسكن الحجاز

ياراع الحجاز أبشر لك بقيد وحجاز

أما منطقة الحجاز فهي منطقه مليئه بالجبال والمرتفعات

وقد أثرت منطقة الحجاز بشخصية أهلها حتى أن صدورهم محجزه

ومعقده فالمعروف عنهم أنهم شديدي الزعل وجعلك ماتراجع معامله عندهم!!

(طبعاا كلامي عن الغالبيه وليس التعميم)

وسلم لي على منطقة نجد وشمال الجزيره حيث المنطقه متسعه

بإتساع صدور أهلها ومنبسطه

والمعروف في علم النفس أن تضاريس المنطقه

تؤثر بشكل كبير على طباع أهلها

عموماا إذا لك حق تبشر به ياقليل المشاركه

وحيا الله أهل الكويت

[عبدالرحمن العامري]

يعطيكم العافية على الترحيب الحار جدا مثل حرارة الجو هالايام ...

وابشروا بالمشاركات اللي بتسركم ان شاءالله بس عطوا سداح فرصة ....