منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
الا يا وطنا يا وطن نصرة التوحيد=على ارضك تلاحم شعب مشهود وقياده
على ارضك حشا ماينعم الجاحد المريد=ولايهتني بالعيش في حضرة اسياده
الا يا وطنا والغلا كل يوم ايزيد=ليا احتجتنا تاتيك الأعمار منقاده
وطنا علم ماهزته لهجة التهديد =ولا يثر الأرهاب في ثورة امجاده
تحت ظل حكام الجزيره هل التجديد=شهد لإزدهار ونهضة إعمار ورياده
يقوده ملك في نظرته نظرة التمجيد =وكفه على الأنفاق والبذل معتاده
ملك فالمواقف وقفته وقفة الصنديد=وناره على من حارب الدين وقاده
وساعده الأيمن درع جنبه له التاييد =ولي العهد سلطان حب الوطن زاده
صفاته على طول المدى مالها تحديد =كما وبل غيثن يشرح البال رعاده
حفظ لليتاما والفقارا من التشريد=وخيره شمل للناس من خارج ابلاده
وكل الفعول الواضحه ماتبي تأكيد=يعتق الرقاب و يدعم الخير بأزياده
وكم حافظن لكتاب ربه مع التجويد=على منبر التكريم وجه السعد قاده
عسى ماحصله في مغيبه من التمهيد=لعفو الكريم وسايق الخير لعباده
فرحنا بشوفه فرحة اللي لفاه العيد=عسى الله يقرب للوطن يوم معواده
عسى الله يعيده للوطن سالمن وسعيد=ونسجد سجود الشكر للي لنا عاده
أحب أنا المنتدى وأحب شعاره = وأحب أشوف الجديد اللي يقولونه
وأحب للشعر وأعشق كشفت أسراره = وأحب شكله وتنسيقه ومضمونه
وأخاف من قولة الأيام دواره = وأحسب ليومن به الشايب يعزونه
أخي الكريم الفاضل الشاعر / عايض أبو شيبه السلام عليكم ورحمة الله وبركاته وبعد : كل عام وأنتم بخير وصحة وسلامة وشهر رمضان الفضيل عليكم مبارك جعلنا الله وإياكم وإخواننا المسلمين في كل مكان من صوامه ومن قوامه ومن عتقائه من النار وصح لسانك وسلم نبضك وبنانك وإعتلا شانك وبيض الله على المشاركة بهذه القصيدة المعبرة والرائعة والله يجيب صاحب السمو الملكي ولي العهد الأمين الأمير / سلطان بن عبدالعزيز أبو خالد معافا سالما وغانما بأسرع وقت إن شاء الله والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والامتنان مقرونا بجزيل المحبة والاحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
حنّا سبيع أهل الطروق المخلات = وحنّا سبيع أهل السيوف الشطيرة
وحنّا سبيع أهل السلوم المنقات = لنا وجيه وجاه يذري وجيرة
وحنّا سبيع إن قيل يا سبيع ردات = نرمي بغالي الروح وسط السعيرة
من غير قاصر في جميع السموّات = قبايل (ن) بسلومها مستنيرة