محاورة الخط الطويل

[مشعاب]

يالربع ما يصير اسبوعين وأنا صايم :

الليله الليله نبا نطلع مع الخط الطويل = واللي يبا يطلع معي يكمل نواقص عزبته
واللي يخاف من الضمأ يأخذ من المويه صميل=وين الرجال اللي تحب البر هذي حزته

[السيف]

اسف على الرد المتأخر ولكن ما شفت احد رد قلت ما يصير الرجال صايم

الليلة الليلة تراني لك على الطرقه دليل = ادلك الدرب الطويل الي عيونك قزته
مشعاب اخو عجراء يشيل الحمل والا ما يشيل = الضلع قدمه لو تهب ام الصبا ما هزته

[مشعاب]

يالسيف أنا بجربك لو كان ما عندك كفيل=وان خسر مشواري معك فالحظ هذي مدته
من قل رواد الفضأ مكوكنا قدهو هزيل=نشب بقشاش الثمامه وانتملى شبته

[عيسى السبيعي]

الله الله
السيف ومشعاب
مشعاب والسيف
السلام عليكم ورحمة الله وبركاته
محاوره طيبه
والله لا يهينكم
واصلوا وانا نشجعكم

[عيسى السبيعي]

	وينكم يالعيال

[عيسى السبيعي]

الصفوووووووووووووووووف يالعيال

[مشعاب]

الواسطة ما شفت لي السيف:D



أنا سمعت انه نسي يرمي الجمره الكبرى يوم حج وراح يقضي الدين



Mushab . top

[عابر القارات]

انتهت البطاقه يامشعابوه وراح يجيب بطاقه

السيف جاي جاي انا كفيله تعارض على كفالتي يامشعابوه

حيوه مشعابوه ربي يطول عمروه

لاهنت انت والسيف الصف عامر وغن ياشاعر وفيصل معكم يطامر:o

دوك تحيات فيصل دوت نت صف صف:D:p

[السيف]

السلام عليكم

الاخ مشعاب انا جيت متأخر ولا شفتك

قلت اكيد انهم ناموا رديت عليك وانتظرت خروجك ما طلعت لنا يا قمر واخيرا مشيت

ولكن اذا انت حاب نمشي على هذا الطاروق ما عندي مانع


مشكور يالواسطه على الجهد السخي

مشكور يا عابر القارات وبعدين ليه ما قمت مقامي عند غيابي؟




لكم تحياتي

[مشعاب]

ما عندك مشكلة يا زول .





شوف يا زول اي وقت تفضل واطلب مشعاب نحنا في الخدمه .


Mushab . Muhawarah