صلب جدي من رماح للغريف .....................................

[ابوعزوز]

	بسم الله الرحمن الرحيم صلب جدي من رماح للغريف هذا عنوان اول قصيده كتبها الشاعر المرحوم / محسن بن علي بن جغيثم عام 1376هـ عندما كان في مدينه تبوك . امل ان تنال القصيده رضاكم

يالله اني طالبك وانت الغفور =ليلة امسي في غويطات القبور = مامعي خوي ولا في القبر نور
ليلة امسي في غويطات اللحود =والجسم مابين الارض وبين دود=يالله انى طالبك وانت الودود
طالبك يالله يالفرد الصمد = رافع سبع الطباق بلا عمد = انت اله الكون بالاسم انفرد
قال من قلبه من الفرقا حزين = في ظلام الليل غني بالونين = يوم فكر في اختلافات السنين
يوم فكر باختلافات العوام = كل عام ناقص من دون عام = يالله اني طالبك حسن الختام
هجرةٍ قامت علي الامه تدور = والحنادي اصبحت مثل الصقور = والجمل لوقام مايقدر يثور
واليساري اصبحت مثل اليمين = ماتت البل والرجال الغانمين = كاسبين الجود عسر ولين
والمره قامت تحكم بالرجال = عن هواها ما ترد ولا تحال = لو خطاها بين مثل الجبال
والنسب اصبح بتسليم الفلوس = مايهم الاصل لا اضعاف النفوس =مادرو ان كل حب فيه سوس
هاضني مبداي في روس الرجوم =حيث في قلبي هواجيس وهموم = لو بغيت النوم عيني ماتنوم
لابتي وانتوا اهل الراي الصعيب = عزوتي لامن عوى ذيب لذيب = من طرحتو بالملاقي مايطيب
تكرمون الضيف لاجاكم يضيف=وتدخلون اللي من الديره مخيف=صلب جدى من رماح للغريف
شف بالي شوفكم قبل الممات = يامروين السيوف المرهفات = صلب جدي بالعصور الاولات
وختمها صلوا على سيد الانام =عبده اللي ظلله تحت الغمام = هو شفيع الخلق في يوم الزحام

	الله يرحم ابو علي ويسكنه جنات النعيم امين تحياتي ابوعزوز

[الحميدي السويدي]

ابوعزوز رحمة الشاعر محسن بن علي بن جغيثم
رحمة واسعه وغفر ذنوبه ولاهنت على نقل هذه
القصيدة الجزلة التي تدل على قوة شاعرها رحمة
الله وياليت تنقل لنا من قصايده الكثير وتقبل تحياتي

[ابوعزوز]

	الله لايهينك مشكور علي مرورك يالحميدي بن سعد السبيعي تحياتي ابوعزوز

[فتى العزه]

ابوعزوز رحمة الشاعر محسن بن علي بن جغيثم
رحمة واسعه وغفر ذنوبه ولاهنت على نقل هذه
القصيدة الجزلة التي تدل على قوة شاعرها رحمة
الله وياليت تنقل لنا من قصايده الكثير وتقبل تحياتي

[ابوعزوز]

	فتي العزه مشكور على مرورك والله لايهينك تحياتي ابوعزوز

[ناصر المديري]

محسن بن جغيثم ترادف اسمه مع العطاء والابداع وقوة الابيات .. رحمه الله بواسع رحمته واسكنه فسيح جناته ..

لاهنت يابو عزوز ولاعليك امر اتحفنا بقصايد الشايب

تحياتي

[ابوعزوز]

	السبيعي 123 الله لا يهينك مشكور علي مرورك والمزيد قادم انشاء الله ابوعزوز

[عايش ابوليل]

لاهنت وابيض وجه ابو عزوز قصيدهجزله بكل معانيها


واحياء تراث جميل وهو المجالسي وهذا اصله من الحجاز




لاهنت على كل حااال وفي انتظار جديك،القادم فقد وفقت في النقل




تحياتي لليجمع

[ابوعزوز]

	مشكور علي مرورك يا عايش ابوليل تحياتي ابوعزوز

[ابوعزوز]

يالله اني طالبك وانت الغفور =ليلة امسي في غويطات القبور
مامعي خوي ولا في القبر نور = طالبك يالله تخفيف العذاب
ليلة امسي في غويطات اللحود =والجسم مابين الارض وبين دود
يالله انى طالبك وانت الودود=تجعل السيات ممحيه كتاب
طالبك يالله يالفرد الصمد = رافع سبع الطباق بلا عمد
انت اله الكون بالاسم انفرد=جل شانك ماتذل ولاتراب
قال من قلبه من الفرقا حزين = في ظلام الليل غني بالونين
يوم فكر في اختلافات السنين=كل نفس ميته تحت التراب
يوم فكر باختلافات العوام = كل عام ناقص من دون عام
يالله اني طالبك حسن الختام=يوم نكسى من جديدات الثياب
هجرةٍ قامت علي الامه تدور = والحنادي اصبحت مثل الصقور
والجمل لوقام مايقدر يثور=والثعالب صارت تشاد الذئاب
واليساري اصبحت مثل اليمين = ماتت البل والرجال الغانمين
كاسبين الجود عسر ولين=والاسد عود يشادي للذئاب
والمره قامت تحكم بالرجال = عن هواها ما ترد ولا تحال
لو خطاها بين مثل الجبال=لازم ان اقوالها هي الصواب
والنسب اصبح بتسليم الفلوس = مايهم الاصل لا اضعاف النفوس
مادرو ان كل حب فيه سوس =وان بعض الحب خامد في الجراب
هاضني مبداي في روس الرجوم =حيث في قلبي هواجيس وهموم
لو بغيت النوم عيني ماتنوم=عفت حلو النوم مع صافي الشراب
لابتي وانتوا اهل الراي الصعيب = عزوتي لامن عوى ذيب لذيب
من طرحتو بالملاقي مايطيب=حيث جرحه بالغ حد العطاب
تكرمون الضيف لاجاكم يضيف=وتدخلون اللي من الديره مخيف
صلب جدى من رماح للغريف=منوه لاهل العجال من الركاب
شف بالي شوفكم قبل الممات = يامروين السيوف المرهفات
صلب جدي بالعصور الاولات=يوم للايام ميل وانفلات
وختمها صلوا على سيد الانام =عبده اللي ظلله تحت الغمام
هو شفيع الخلق في يوم الزحام=يوم بعث الناس في يوم الحساب