منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
تحيه طيبه للجميع ،،
ابارك للجميع مناسبه ( مزايين سبيع )
واشيد بأمرانا ومشايخنا الافاضل علي اختيار المكان
وللوالد رحمه الله ابيات تتحدث عن العرق ومنطقه الغرمول (العود)
انا اشهد ان الانس في طلعت البر = وشوف القذول وشوف نبت الفياضي
لا شفت راس العود والعرق الاحمر = ما غبط لا حاكم ومن كان قاضي
لا شفت جربانه مع الصبح لا سفر = مثل المعارض في نسيم الرياضي
سحر الهمل لا شافة البرق يسمر = ومستوصف البل لا لكزها المخاضي
تعهده لا جت في حسبة الجر = وتحب رمله عن جميع الاراضي
فروة دفا بالبرد وان كان في حر = مستودع يحفظ جميع المقاضي
العرق عرق سبيع بالخير والشر = مافيه شك ولا عليه اعتراضي
حامينه الجدان بالكر والفر = يوم المنايا واردات اعراضي
بالرمح والشلفا وسيف معطر = بدم العقيد اللي يغير انقضاضي
ومن لا يحب العرق حرام يذكر = ويستاهل السوداء بدال البياضي
اهلآ بك اخي الكريم ابوعزوز
ولاهنت على نقل هذه القصيده
الجميله والطيبه التي تتحدث عن عرق سبيع الغالي على قلوبنا جميعآ
رحم الله الوالد وغفر له
وتقبل مروري وصادق مودتي
ودمت بخير
الا ياولدي من حجر بيضاء جنيته=عامريـةٍ مـن حافظـات الودايـعِ
ولا ياولدي ولد الهدى مرذي النضا=مفجـر مرحـان العـداء للقرايـعِ
ولا ياولدي كم شوق البيض بالغناء=مع ظلال الصبـح والنـور شايـعِ
كم عرض الاولاد مسرى وحشـه=هجدهم واصبح مشعل القوم ضايعِ
كم ولدٍ يغـذى ولا ثمـن الغـذاء=مثل باذر الصبخـا قليـل النفايـعِ
غذيت مـن الاولاد حـرٍ مجـرب=ياعنك ماراح الغذاء فيـه ضايـعِ