اقرب ياذيب المجامعه

[مندوب سبيع]

في منتدى اهل الوفا واهل المواقف والمواجيب
ســـــلام والله يســــــهل قدمنا درباً نــــــــــويتـــــه

تـــــــعال ياذيب كانــك ذيب جــــــاك الذيب والذيب
اما كـــــــلاك وقضا الامـــــــر وحصل ولا كـــــــليته

[ذيب المجامعه]

الاخ مندوب المعذره ولاكن رسالتك ماشفتها الا متأخر اتشرف فيك وعزيز وغالي وامسي على حمود الحقي وباقي الاخوان المشرفين والاعضا

حييت في منتدى الغلبا هل العادات والطيب

والله يعينك على الدرب الصعيب الي مشيته


الذيب يالي تنشد عنه في عالي المراقيب

اكله يامال السلامه كلبوه ليا لقيته

[ابن جمل]

[QUOTE=ذيب المجامعه;313998]الاخ مندوب المعذره ولاكن رسالتك ماشفتها الا متأخر اتشرف فيك وعزيز وغالي وامسي على حمود الحقي وباقي الاخوان المشرفين والاعضا
هلابك الله يمسيك با الخير وهلا بمندوب سبيع
وصح لسانه وصح لسانك واصلو ومتعونا
طاروق من بدايته قوي جدااا وجميل
خصوصاااا فيه ذيابه واكل وناسه
اجمل التحيا ورقها

[مندوب سبيع]

احظر ماغيب دامك فاللزوم اتحظر وتغيب
واليا حظرت وحــظرنا ضاع حدك ماحميته

رميتك من غير رامي يوم جودة المضاريب
الله رمـــا والله انـــك مارميــــته اذ رميته

[ذيب المجامعه]

المشاركة الأصلية كتبت بواسطة مندوب سبيع

احظر ماغيب دامك فاللزوم اتحظر وتغيب
واليا حظرت وحــظرنا ضاع حدك ماحميته

رميتك من غير رامي يوم جودة المضاريب
الله رمـــا والله انـــك مارميــــته اذ رميته

ياليتهم هونوا ماحملوا عوج العــراقـيــب

من دون حدي ومن جاني على الجبهه كويته


صدام من فسقته خان وتنكر للاصاحيب

لاكنه اصبح ضحيه والكويتي في كويته

[مندوب سبيع]

اليوم تصرف ذهب والا امس ياقرب المحاضيب
احــــمدك ياذالجــــلال اللي بعد فقره عطــــيته

ياراعي البشــــت حنا نعتــــقد مانعـــلم الغيب
انكــــان ماهـــو بعــــاريه يجـــوز انــك شــــريته