أستلم يامصلــــــح

[مصلح ربح]

عشت يا مشعاب تشجيع منقطع النظير
شكراً على اعادة الكتابه ولاكن نقصت حروف

[أبو يزيد]

الله يجنبنا دروب المشاكل=والحاجه اللي معك تشرب وتاكل
وخط اللواري غير خط السياكل=ياماحلا هرجاااا من الراس للراس

أبغاك ترسل علي اليوم تقرير= حسب الرفاقه وحسب الاقدميه
مادامنا تونا فى بداية السير=كم يبعد طويق عن هضبة طميه

[أبو يزيد]

بعد قلبي


يامشعاب


عشت وبيض الله وجهك

تشجيع رائع بالحيل بالحيل

[مصلح ربح]

يابو يزيد اسمع كلاماً مفقط= لاتسمع علوم الخبول الملقط
بعض العرب والله ما ينتبقط= يا ما حلا هرجاً من الراس للراس

حنا لنا في بيوت العز تاثير =ومثلك يقدر مواقفنا الجليه
مادامنا تونا خذ كاش تحرير= وطويق يصغر مع جبال الحويه

[أبو يزيد]

يامصلح الله يصلحك يابن صامل=غير الله المعبود ماحدااا بكامل
نبغى الصراحه مانحب المجامل=ياماحلا هرجااااا من الراس للراس

مانته مزور ولاتحتاج تزوير=انتم رجال الشرف واهل الحميه
أرتاح فى المجلس المفروش ياآمير=انا لها واترك الدعوى عليه

[أبو يزيد]

اخي

الاستاذ

الشاعر

مصلح بن ربح

اسعدتني وشرفتني بااللعب معك.
وحقيقة استمتع بمشاركتك ومجارتك استاذنا القدير والفائده اولاااا واخيرااا لي.

لاهنت وتصبح على الف خير ولنا لقاءت قادمه اذا رائنا فى المنتدى حضور اكثر وفاعليه .

[أبو يزيد]

اخينا

الشاعر

القدير

مشعــــــاب


حضورك رائع وتشجيعك اروع

لاهنت وبيض الله وجهك وتصبح على خير.

[مصلح ربح]

يابو يزيد الله يزيدك سعاده=حذرا تعاين مثل ذيك الجراده
ارتح وراسك حط تحته وساده=يا ما حلا هرجاً من الراس للراس

حنا نصخر بيوت الشعر تصخير=ونسري مسار النجوم السامريه
وانته نحسبك من طوال الاشابير =كيف بتخفا فى الارض الجرهديه

[أبو يزيد]

صح

لسانك


يامصلح


الله

لايهينك

كفيت ووفيت تصبح على خير

[مصلح ربح]

الاخ الفاضل
ابو يزيد
وفيت وكفيت

وحضرت في
الموعد المحدد
وقمت با الواجب
الله لايهينك
حقيقه المحاوره معك ممتعه

ولاكن الاخوان
الله يهديهم حددو الوقت وانا اقول غير مناسب الناس فى العطله يعزمون
ويروحون ما يجون الامتاخرين وانا اول واحد بعد العشا جيت لرضاكم
ولاكن العتب على ابو محمد

الله يمسيك بكل خير يا بو يزيد ولنا لقا انشاء الله تعالى
تقبل مني اخي الغالي كل ماتعنيه الكلمه من الاحترام والتقدير لشخصك الوفي