Untitled 1
 
  تريد فيو (اخر مشاركة : ارينسن - عددالردود : 0 - عددالزوار : 259 )           »          كيفية شراء الاسهم الامريكية الحلال (اخر مشاركة : ارينسن - عددالردود : 0 - عددالزوار : 365 )           »          افضل شركة توزع أرباح في السوق السعودي (اخر مشاركة : ارينسن - عددالردود : 0 - عددالزوار : 516 )           »          حساب سعر الصرف (اخر مشاركة : ارينسن - عددالردود : 0 - عددالزوار : 716 )           »          قصيدة رثاء في حمد الحضبي السبيعي (اخر مشاركة : عبدالله الحضبي - عددالردود : 0 - عددالزوار : 595 )           »          قمصان نوم تركي (اخر مشاركة : ارينسن - عددالردود : 0 - عددالزوار : 516 )           »          فستان مناسبات (اخر مشاركة : ارينسن - عددالردود : 0 - عددالزوار : 531 )           »          جلابيات مغربية (اخر مشاركة : ارينسن - عددالردود : 0 - عددالزوار : 545 )           »          ايشارب حرير (اخر مشاركة : ارينسن - عددالردود : 0 - عددالزوار : 472 )           »          رسوم الحساب الاستثماري في تداول الراجحي (اخر مشاركة : ارينسن - عددالردود : 0 - عددالزوار : 780 )           »         
 

 
العودة   منتديات سبيع الغلباء > المنتديات الأدبية > منتــــدى القصائـــــد المنقولــه
 

منتــــدى القصائـــــد المنقولــه القصائد التي يكتبها غير شعراءها فهو شامل للقصائد المنقولة والمكتوبة لشعراء لا يكتبون في الشبكة


الشاعر الكبير / سعد بن جدلان الأكلبي ونماذج من شعره

القصائد التي يكتبها غير شعراءها فهو شامل للقصائد المنقولة والمكتوبة لشعراء لا يكتبون في الشبكة


إضافة رد
 
أدوات الموضوع
 
غير متصل
 رقم المشاركة : ( 1 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,738 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
الشاعر الكبير / سعد بن جدلان الأكلبي ونماذج من شعره

كُتب : [ 01 - 05 - 2008 ]

بسم الله الرحمن الرحيم

= : (( الشاعر الكبير / سعد بن جدلان الأكلبي ونماذج من شعره )) : =

من أجمل الأبيات للشاعر الكبير / سعد بن جدلان الأكلبي وفقه الله وحفظه

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : فإن الشاعر الكبير / سعد بن جدلان الأكلبي هو من ألسنة الشعر وهاماته على مستوى الشعراء المعاصرين له ومن أشهرهم على تراب الجزيرة العربية في وقتنا الحاضر وهو شاعر شعبي له جمهوره العريض , وقد جمع وصف إمرئ القيس وحكمة المتنبي وإن لم تكن لغته بالفصحى شاعر اجتمعت له عذوبة اللفظ مع سلاسة الأسلوب مع قوة المعاني المبتكرة والتي لم يسبق إليها ينطق لسانه بما يخطر في نفوس الكثيرين من الناس ويصعب على تعبيرهم وهذه من أجمل أبيات الشاعر ابن جدلان من وجهة نظري الشخصية ومن يحفظ له أجمل من هذه فليضفه مشكورا أو من لديه تعديل على أي بيت فليعدّله مشكورا لأني كتبتها على عجل وكما سمعتها سواء من ابن جدلان أو من بعض الرواة والخطأ وارد وإليكموها :

دخلت في الحب تصنيفه ورد اعتبار
= واجتزت كل المراحل مرحله مرحله

سويت مثل العرب الأفغان في قندهار
= إن حاربوا مشكله وإن عوّدوا مشكله

‏=‏====

أنت مطغيك البها لين حدّد مستواك
= يعني أكبر مجرمة حب وأكبر طاغيه

أنا يوم أغليك وأجيك وأدور رضاك
= باغيه نفسي ولا أدري وشنهي باغيه

‏=‏====

الله يقطع الحاجه ومشي بلا مشهاه
= والله يقطع اللي كلّ من قاربه ملّه

والله يقطع اللي لا بغيناه ما نلقاه
= والله يقطع اللي لا صفا ما صفا كلّه

‏=‏====

هلا يا خاطرٍ في خاطري من خيرة الخطّار
= تقبلك الجوارح شرّع البيبان مسروره

يحيّيك الخفوق اللي بيوتك في مداه كبار
= حللت أهلا بدار تحسب إنها عنك مهجوره

‏=‏====

الوضع مزري ويؤسف له ويرثى له
= حاول على وضع يصلح لك ويصلح لي

إما اعتبرني ذكي ما أنت بعلى باله
= وإلا اعتبرني غبي مرّه ووضح لي

‏=‏====

كن بياضك في حمارك لا تقسّم
= عارضٍ في وجنتك موكب مراسم

‏=‏====

ياقف الفاضل تحت لوحة مرور الأفضليّة
= وتعبر الفوضى مع جسر التحاشي والتغاضي

والأنانية وحب الذات سوت فوضويّه
= في طلوع وفي نزول وفي عمار وفي قضاضي

بين قتّاتٍ أثيم وبين كيمرة خفية
= وبين مختالٍ فخور وبين هدارٍ خواضي

تضرب المسحوب في عرض اللحون السامريّة
= وتسحب أقواس الربابة للجواميس الرباضي

فارشين تحت نوّ الأمل بسط الأحمديه
= وكل منهم لابس فتخة زعامة فعل ماضي

والآدمي ما يستريح إلا يعيش بواقعية
= لا رضيت بواقعيك صح كل عنك راضي

وإما أنا حقي على الطيب وله حقٍ عليه
= نحوهم لا أحطّ تأييدي ولا أحطّ اعتراضي

‏=‏====

لانشرح ظرفي لمثله سلمت من الحسوف
= إن قدر وإن ما قدر ما ينقص من غلاه

إن قدر يدرك لزومي ملكني بمعروف
= وإن تعذر من لزومي عسى الدنيا فداه

‏=‏====

إلا حاجتين تبحث اللي خفاه بعيد
= إذا طال المرض ولا إذا ما طالت الطرقه

‏=‏====

والله إني ما أعتذر عن لزوم الطيبين
= وإن عسرني فالمطاليق دايم يعذرون

لأنهم قد حدّهم وقتهم ومجربين
= مرة يلقون وامرار ما يلقون لون

‏=‏====

أجامل على الأحوال والكبد فيها جرح
= وكبدٍ يجيها الجرح تبطي وهي وجعه

‏=‏====

والمدوّر في متاهات سر الصامتين
= بيتحيّر ما عرف كرهها من ودّها

كم شفوفٍ خيّمت في نفوس المستحين
= لين ماتت بين بني الآمال وهدّها

‏=‏====

والرمش سادات قومٍ في الضحى سجّد
= في عيد الأضحى تقرّب بآية السجده

‏=‏====

بياض وجهه يغلب أكثر حماره
= يشبه غضب محشومة دمّها حار

‏=‏====

كني يتيم حسّته نظرة الناظر
= ما خلت براسه من دموعه ولا قطرة

‏=‏====

والله إني شره وإن هقوتي ترقى الطفوف
= غير عيّا يستحي الفقر من وجه الغناه

‏=‏====

يالطيف الروح يا زين الصراحه
= كلمتين أمّا مجي وإلا مراحي

‏=‏====

عزمي يحطّ الثريا والقمر فيدي
= وأسعى وعجزت جهودي عن طموحاتي

أرهي على جمع زرعٍ حصده بعيدي
= ولا تحسّف على الفايت إذا فاتي

‏=‏====

يجيني منّه هيبه سحا معزّه وتقدير
= أجيه في خاطري علم وأروح ما قلته

‏=‏====

على ضوء الكلام اللي كشف عنّا ستار الصمت
= عرفت أن به وجيهٍ باليمن ووجيه بالشامي

مصيبه لا تردّت قيمتك في عين من قيّمت
= يشوفك بالسهل وأنته تشوفه بالسماء السامي

‏=‏====

فينا كبيرين الهقاوي يظنّون
= إنّا لنا منزال فوق النوايف

ومن شانهم ما نقبل المنزل الدون
= والوقت مدهر والمزاهب خفايف

‏=‏====

والسكوت أخفى معرفه والكلام مصيبه
= كان ما به كلمةٍ يفخر بها قايلها

والنشيد تشلّه الركبان وتغنّي به
= كل ما غنّوا قصيدة قيل من قايلها

‏=‏====

إما يشرح الرجّال ظرفه على رجّال
= وإلا يسكت الرجّال لا يشرح ظروفه

‏=‏====

وطارق أبواب العرب تفتح له الأبوابي
= ومن فتح باب الضيافه يكثرون ضيوفه

‏=‏====

صديقي اللي ما يوقّف بصفّي
= لا يمكن إن بيني وبينه علاقه

‏=‏====

عزّلت من صدقان عطلة الأسابيع
= وعزّلت من ضحك الوجيه الصناعي

‏=‏====

طفّة المجد عن غيره تحود
= وعند ذكره تحط إيد على إيد
‏=‏====

من قاد للعالم مقانيص وسباق
= ثارت شوازنها وهدّت سلقها

‏=‏====

يابن آدم يلعن الله مختالٍ فخور
= من تواضع تحت ربّي يعلّيه درجه

لأجل ما تدخل جهنّم على شان الغرور
= للعرب حاول تواضع وتعطيهم وجه

‏=‏====

يدك لا مدّت وفا لا تحرّى وش تجيب
= كان جاتك سالمه حب يدك وخشّها

‏=====

خلوني أسجّ عن موضوعه أحسن لي
= وإلّا الغلا والله إن يبطي وهو غالي

‏=‏====

الأصايل تكافح كل يومٍ بالكعوب
= والرّدي لا حصّل اللي يهينه قدّره

‏=‏====

( في الشاص الأبيض )

مثل شغموم على خدمة الخوّة ولوف
= يتغانم شبّة النار قدّام اخوياه

وكن سبيره حبّة الخال في عاتق هنوف
= لا نقص خطوى عشيرٍ تبين له غلاه

‏=‏====

يقولون لي تب عن تصرفك وتحبّي
= وأنا توبتي عن مجتمعهم هي التوبه

وديار الوبا من طبّها راح متوبّي
= وقرّابة الجربا على الحول مجروبه

‏=‏====

يا مرحبا ما دونها باب مقفول
= لأبوابها ريموت بيدين أهلها

‏=‏====

من يحط إذنه على كل سماعه
= جاه فرقى ما بعدها تجمّاعي

إن تجمّعنا على العزّ والطّاعه
= وإن تفرّقنا فجوج الله وساعي

فاقدٍ لي سلعهٍ وأغلى بضاعه
= سلعةٍ تشرى ولا هي بتنباعي

رفقه الطيب ليّا غيّر طباعه
= أشهد إنها كيّة توجع اوجاعي

‏=‏====

‏( في الجمس )

ولا وطا أرض العتش كن تهزّاعه
= بنت شيخٍ طامحٍ من ولد راعي

‏=‏====

أفّ يا كبر الحلام اللي على بالي وشفّي
= وأخّ يا راسي من التفكير في مالا يشونه

وأحّ يا حرّ انتظاري للقبول من المقفّي
= وآه يا حبٍّ عطيت الناس ما يستاهلونه

‏=‏====

سلام يا غرّ السحاب اللي تبجّح بالمطر
= وشمّ الجبال اللي تبجّح بالسحاب قذولها

‏=‏====

أنا في السفر لا صار مالي خـوي أزريـت
= أشوف الطريـق بعيـد والطرقـه وحيشـه

‏=‏====

يا الله وحنا لك عبيدٍ ملاكا
= ولمن يسالك مع رواق السما فكّ

يا مهلك العزّا معزّ الهلاكا
= والمبتدا والمنتهى كلها لك

يا مالكٍ مالك بملكك شراكا
= افرج لجاشٍ حطّ فيه الدهر حكّ

أبغى اتحاكا ما عرفت آتحاكا
= من همّي اللي قاطعٍ له علي صكّ

ضيم الدهر منه النشاما تشاكا
= التكّ خلاها دبل والدبل تكّ

عطى ضعيف العقل ياكا وياكا
= وإلا حكيم العقل ما يلحقه شكّ

‏=‏====

يا وليفي دمعكم في غيابي ردّ لي
= وأدري إن دمعتك خوفٍ عليّ ومن غلاي

أنت ممرضني وأشوف المرض فيكم وفيّ
= الهبوب البارده منك هبّت في حشاي

والله إن كبدي عليكم عراويها أضميّ
= والمشارب غير هرجتك ما تقطع ضماي

‏=‏====

لا بغيت أسجّ من سمح المحيّا
= شفت من وصفه على غيره حلايا

‏=‏====

من خذا منكم خفيّات السراير
= والله إن يبطي ولعكم في ضميره

‏=‏====

يا قطـاة العبيّـه يا هـيـام الـذلـول
= يا عيـون النـداوي يا رقبـة الغـزال

نور وجهك على من شاف منك القبول
= نور صبحٍ تبسم فـي رهـاد الجبـال

كني أقرا على طُـرّة جبينـك تقـول
= أنـا قلبـي يحبـك يا حبيبـي تعـال

‏=‏====

لا فكت تلابيبٍ كما ريح روضة تل
= تنهّدت وقلبي لو تنهّدت ينتلّ_

‏=‏====

مقاديم عكشٍ للحجاجين متقاطر
= سعف قلب مرباعٍ من الحمل منهطره

كن في عاتقك مقدم تناعومة الماطر
= جمال الطبيعة لاوّل اللي على الفطره

‏=‏====

‏( في القعود )

طوله فخوذ وسيق والعنق شاره
= ومن طول زوره تحسب إيدينه قصار

‏=‏====

لا إله إلا القدير المعطي الوهّابي
= الخضوع لسلطنته وكبرياه ونوفه

كل ما تحته على وجه التراب تراب_
= والمعزّه والمذلّه من رجاه وخوفه

‏=‏====

من نور جيده سواد الليل متبجّد
= ليله يصبّح مساه وصبحه يهجده

‏=‏====

وأهل التكلّف بالمعرفه والتصنّع بالبشر
= والله ما هي حول الصحيح ولا الصحيح بحولها

اللي يفضّل ما يقيّم بو ميه من بو عشر
= حتى الفضوليّه عن الفاضل بطل مفعولها

اللي تخبره لحيته ذا طولها يصبح بزر
= واللي تخبره بزر يصبح لحيته ذا طولها

‏=‏====

أنا وين أبلقى يالأجاويد فاعل خير
= حريصٍ على سرّ المحبّين لا أرسلته

‏=‏====

يا ذا الجلال اللي عروشك فوق وأملاكك حدر
= مهمن تسامت به عروشه مستحيل يطولها

يا حيّ يا قيّوم يا ذات الأنافه والكبر
= ما نافسك في عظمتك مكر العباد وهولها

ولا نافسك من عمر بيوته على سطح القمر
= واللي ترسي فوق أقاليم المياه أسطولها

ولا أنت بحاجة من عبد ولا بحاجة من كفر
= ولا بحاجة ثابت الدنيا ولا منقولها

أنت السميع لمن حمد وأنت المزيد لمن شكر
= واللي ما يشكر نعمة المنعم عليه تزولها

‏=‏====

يجيني هموم ما تسير على السالين
= ملفاها معنّين الزمان ومجاريحه

‏=‏====

خلج الشكاوي على مجدك مسانيدي
= اللي حداها من الأيام صكّاتي

يا محقق أهداف شرهين المقاصيدي
= في جانبك تكبر شروهي وهقواتي

‏=‏====

لا حدانا القلّ واللّي روابعهم ضعوف
= جعل ربّي ما يرينا غضبه ولا جفاه

ولا نقفل بابٍ من الرزق حرّاسه وقوف
= فتّحت بيبان الأرزاق من كل اتجاه

=====

يدك لا مدّت وفا لا تحرّى وش تجيب
= كان جاتك سالمه حب يدك وخشّها

‏=====

خلوني أسجّ عن موضوعه أحسن لي
وإلا الغلا والله إن يبطي وهو غالي

‏=‏====

الأصايل تكافح كل يومٍ بالكعوب
= والرّدي لا حصّل اللي يهينه قدّره

=====

يجيني منّه هيبه معزّه سحى تقدير
= أقابلـــه عنــــدي علـــم وأروح مـــا قلــــــــته

منقول بتصرف وأنتم سالمون وغانمون والسلام .



رد مع اقتباس
 
 
غير متصل
 رقم المشاركة : ( 2 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,738 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر الكبير / سعد بن جدلان الأكلبي ونماذج من شعره

كُتب : [ 01 - 05 - 2008 ]

بسم الله الرحمن الرحيم

اخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة الإبتهالية للشاعر الكبير / سعد بن جدلان الأكلبي وفقه الله :

يا ذا الجلال اللي عروشك فوق وأملاكك حدر
= ومهما تسامت به عروشه مستحيل يطولها

يا حي يا قيوم يا ذا الأنافة والكبر
= ما نافسك في عظمتك مكر العباد وهولها

وما نافسك من عمر بيوته على سطح القمر
= واللي ترسي فوق أقاليم المياه اسطولها

ما أنت بحاجة من عبد ولا بحاجة من كفر
= ولا بحاجة ثابت الدنيا ولا منقولها

أنت السميع لمن حمد وأنت المزيد لمن شكر
= واللي ما يشكر نعمة المنعم عليه تزولها

يا ذا الجبروت العظيم ويا القدير المقتدر
= تفزع لنا في معضلات (ن) ما نريس حلولها

تلعب بنا خلان فرقتنا كما لعب الكور
= إن أقبلت صاحوا لها وإن دبرت صاحوا لها

لا هبنا الطايف بعض الأحيان في فية عصر
= شهب الليالي من ورانا يسحبن ذيولها

أنت السلام اللي لك الإسلام وأنت المشمخر
= اللي عجايب قدرتك في المعجبين ذهولها

سلام يا محمد رسول الله راعي الوجه الأغر
= وسلام يا روح (ن) ملائكة السماء صلوا لها

سلام يا أبو بكر يا عثمان يا علي وعمر
= وسلام يا سبع الآفاق أطلالها وسفولها

سلام يا صدق النوى سلام يا وسع الصدر
= سلام يا مفتاح بيبان الفرج وقفولها

وسلام يا شمس الضحى تشرق على بر وبحر
= وتشرق على كل الديار جبالها وسهولها

وسلام يا غر السحاب اللي تبجح بالمطر
= وشم الجبال اللي تبجح بالسحاب قذولها

وسلام يا هوج الرياح اللي عطاها مستمر
= مهما خذوا منها من الحسنات ما ردوا لها

ليت الرحاب اللي لنا بوجيهها حق وقدر
= ما تضمحل من الزمان ولا نشوف سمولها

وياليتنا لا ما سرحنا اليوم الأبيض من فجر
= تبطي عبات الليل ما تضفي عليه سدولها

وإلا ليا منها ضفن سدولها يطلع بدر
= ياصل ضياه اللي على الكوره تطق طبولها

المعتبر ياخذ على الدنيا دروس من العبر
= والناس يكسبها معاملها بقد عقولها

أحيان تصدف لعبة الشاطر مع غلطة عمر
= مره لكن لا عدت الغلطه ما عاد ينولها

حنا عرفنا كلنا ما طال من شيئ (ن) قصر
= والأحلام ماتوا قبلنا شرهين ما وصلوا لها

حتى الجمال اللي تحملها الهقاوي بالصبر
= يالله بحملتها تقوم وتدرج بحمولها

والحب سيسان العباده والعباده بالجهر
= إن ما قدرت تقولها وجه الصحيح يقولها

يسرون عميان المحبه تيه في غدرا الغدر
= للي تحد سيوفها واللي تعن خيولها

ولا تفكر في غناة ولا تفكر في فقر
= وتشفع لبيضان الصدور حظوظها وفعولها

وأهل التكلف بالمعرفه والتصنع بالبشر
= والله ما هي حول الصحيح ولا الصحيح بحولها

اللي يفضل ما يقيم بو مية من بو عشر
= حتى الفضوليه عن الفاضل بطل مفعولها

اللي تخبره لحيته ذا طولها يصبح بزر
= واللي تخبره بزر يصبح لحيته ذا طولها

منقول وأنتم سالمون وغانمون والسلام .


رد مع اقتباس
 
 
غير متصل
 رقم المشاركة : ( 3 )
ابو سعود 99
وسام التميز
رقم العضوية : 21026
تاريخ التسجيل : 23 - 02 - 2008
الدولة : ذكر
العمر :
الجنس :
مكان الإقامة :
عدد المشاركات : 2,256 [+]
آخر تواجد : [+]
عدد النقاط : 11
قوة الترشيح : ابو سعود 99 is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر الكبير / سعد بن جدلان الأكلبي ونماذج من شعره

كُتب : [ 02 - 05 - 2008 ]

الأخ خيال الغلباء شكراً لك على نقل قصائد هذا الشاعر الرائع ابن جدلان

رد مع اقتباس
 
 
غير متصل
 رقم المشاركة : ( 4 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,738 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر الكبير / سعد بن جدلان الأكلبي ونماذج من شعره

كُتب : [ 02 - 05 - 2008 ]

أخي الكريم / أبو سعود السلام عليكم ورحمة الله وبركاته وبعد : شكرا جزيلا لك على مرورك الكريم بالشاعر الكبير / سعد بن جدلان الأكلبي ونماذج من شعره صح لسانه وسلم نبضه وبنانه وإعتلا شانه شاعر جزل ولا يأتي منه إلا الجزل والله يعافيك ويبارك فيك ويجزاك خيرا ويبيض الله وجهك عند مولاك ولا شكر على واجب مع أطيب الأمنيات واسلم وسلم والسلام .


رد مع اقتباس
 
 
غير متصل
 رقم المشاركة : ( 5 )
منسم الحفيات
عضو مميز
رقم العضوية : 25398
تاريخ التسجيل : 21 - 04 - 2008
الدولة : ذكر
العمر :
الجنس :
مكان الإقامة :
عدد المشاركات : 1,199 [+]
آخر تواجد : [+]
عدد النقاط : 10
قوة الترشيح : منسم الحفيات is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر الكبير / سعد بن جدلان الأكلبي ونماذج من شعره

كُتب : [ 30 - 05 - 2008 ]

شكرا يا خيال الغلباء وصح لسان الشاعر الرائع سعد بن جدلان الاكلبي

إذا نطق السفيه فلا تجبه = فخير من إجابته السكوت
سكت عن السفيه فظن أني = عييتُ عن الجواب وما عييتُ
فإن كلمته فـرّجت عنـه = وإن خليته كـمدا يمـوت

رد مع اقتباس
 
 
غير متصل
 رقم المشاركة : ( 6 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,738 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر الكبير / سعد بن جدلان الأكلبي ونماذج من شعره

كُتب : [ 30 - 05 - 2008 ]

أخي الكريم / منسم الحفيات السلام عليكم ورحمة الله وبركاته وبعد : شكرا جزيلا لك على مرورك الكريم بالشاعر الكبير / سعد بن جدلان الأكلبي ونماذج من شعره صح لسانه وسلم نبضه وبنانه وإعتلا شانه شاعر جزل ولا يأتي منه إلا الجزل والله يعافيك ويبارك فيك ويجزاك خيرا ويبيض الله وجهك عند مولاك ولا شكر على واجب مع أطيب الأمنيات واسلم وسلم والسلام .


رد مع اقتباس
 
 
غير متصل
 رقم المشاركة : ( 7 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,738 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر الكبير / سعد بن جدلان الأكلبي ونماذج من شعره

كُتب : [ 08 - 06 - 2008 ]

بسم الله الرحمن الرحيم

قال الشاعر الكبير / سعد بن جدلان في صاحب السمو الملكي الأمير / فيصل بن خالد

آمنـت بالله رب أرجيـه وآسالـه=وآمنت بأحمد نبي الأمة وهاديهـا
يالله بحـظ كبيـر ٍيرفـع القـالـه=والناس بالعرف فيها مـا يكفيهـا
يا عالم الشعر لب الشعـر لصغآلـه=يعني تمعن بهـا تعـرف معانيهـا
الشعر عالم فلك وبحوث ورسالـه=رسالتـه يعجـز الدكتـور يأديهـا
بالطب يمكن يجيد علاج كـم حالـه=وتاريخ عن حاضر الدنيا وماضيها
كم من صبي ٍ على مركاه ودلالـه=شهادة أرقى الجوامع فـي مخابيهـا
إيضاح نص القصيدة ويش يعنالـه=يدخلك فيهـا مـن أولهـا لتاليهـا
قامت جلال الكـلام تعانـق طوالـه=تعـزف مواويـل ويغنـي مغنيهـا
تمخضّت من بنات الفكـر مختالـه=كنها تشل القمر والشمس في ايديها
تقلط لفيصل ولـد خالـد وتهدالـه=قلايـد المجـد زاهيتـه وزاهيهـا
في كل عـد طويـل تـآرد حبالـه=ولد ملك مشغـل الدنيـا وماليهـا
ولد ملك شامـخ الهامـات تحنالـه=ولد ملك يغضب الدنيـا ويرضيهـا
ولد ملك تستظـل النـاس بظلالـه=ولد ملك يطعم الأنفـس ويسقيهـا
ولد ملك كل مجلس صدر يفضالـه=عنـه الأكابـر مؤخـرة ٍكراسيهـا
ولد جلالـة ملـك ومعنـز ٍِخالـه=علـى حـرار ٍمعربتـن مجانيهـا
على الدوامر عمى الحاسد وسلاّلـه=من روس شيخان يام ومن دواهيها
من قوم راكان بن حثلين وأبطالـه=رنانة في طبـول المجـد أساميهـا
يوم الوفي دايـم ٍالنـاس تبرالـه=كم سربـة بعـد الدامـر مغازيهـا
فيصل تراكى على يمنـاه وشمالـه=من حيث ما لاحت البيضـا يحييهـا
تجمل عيال الملوك وفيصل لحالـه=مواقفه مـا حـدٍ غيـره يسويهـا
في ذمتي ما يجيبن النسـاء أمثالـه=لو ولّدن مـع مناخرهـا وأفاميهـا
تمت وصلوا على سيد البشر وآله=والناس بالعرف فيها مـا يكفيهـا

منقول وأنتم سالمون وغانمون والسلام .


رد مع اقتباس
 
 
غير متصل
 رقم المشاركة : ( 8 )
أبو معاذ أكلب
عضو
رقم العضوية : 22970
تاريخ التسجيل : 14 - 03 - 2008
الدولة : ذكر
العمر :
الجنس :
مكان الإقامة :
عدد المشاركات : 38 [+]
آخر تواجد : [+]
عدد النقاط : 10
قوة الترشيح : أبو معاذ أكلب is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر الكبير / سعد بن جدلان الأكلبي ونماذج من شعره

كُتب : [ 08 - 06 - 2008 ]

تجمل عيال الملوك وفيصل لحالـه
===========مواقفه مـا حـدٍ غيـره يسويهـا
في ذمتي ما يجيبن النساء أمثالـه
===========لو ولّدن مـع مناخرهـا وأفاميهـا




صح لسانك يا ابن جدلان

وعز الله ان طرحك في هذا المنتدى متميز يا خيال الغلباء

بيض الله وجهك يعجبني طرحك الذي مررت به في كل مواضيعك

أو تعليقاتك

رجل وافي وذرب وكفء

رد مع اقتباس
 
 
غير متصل
 رقم المشاركة : ( 9 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,738 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر الكبير / سعد بن جدلان الأكلبي ونماذج من شعره

كُتب : [ 08 - 06 - 2008 ]

أخي الكريم الشاعر / أبو معاذ الأكلبي السلام عليكم ورحمة الله وبركاته وبعد : شكرا جزيلا لك على مرورك الكريم بأخيك الشاعر الكبير / سعد بن جدلان الأكلبي ونماذج من شعره صح لسانه وسلم نبضه وبنانه وإعتلا شانه شاعر جزل له خط مختلف ولا يأتي منه إلا الجزل والله يعافيك ويبارك فيك ويجزاك خيرا ويبيض الله وجهك عند مولاك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والمتميز مرورك الكريم وما ذلك إلا بعضا مما عندكم مع خالص التحية وأطيب الأمنيات واسلم وسلم والسلام .


رد مع اقتباس
 
 
غير متصل
 رقم المشاركة : ( 10 )
غزاي.السبيعي
عضو نشط
رقم العضوية : 26271
تاريخ التسجيل : 01 - 05 - 2008
الدولة : ذكر
العمر :
الجنس :
مكان الإقامة :
عدد المشاركات : 42 [+]
آخر تواجد : [+]
عدد النقاط : 10
قوة الترشيح : غزاي.السبيعي is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر الكبير / سعد بن جدلان الأكلبي ونماذج من شعره

كُتب : [ 09 - 06 - 2008 ]

الاخ خيال الغلباء شكرا لك على نقل هذه المقتطفات من قصايد الهرم الشعري الشاعر سعد ابن جدلان الاكلبي

تقبل مروري والله يحفظك

بس لي طلب ولا عليك امر اذا تقدر تجيب لنا قصيدته في عبد العزيز ابو ثنين اللي يقول اضرب على هاتف صفر
واحد ثنين واضرب ثلاثة واربع اصفار سبعه

وقصيدته في ابن شعيفان اللي يقول ماحلا الفكسر لا هب النسيمي

رد مع اقتباس
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
جديد الشاعر الكبير / سعد بن جدلان خالد الشماسي منتــــدى القصائـــــد المنقولــه 26 05 - 07 - 2011 13:40
من حكم الشاعر الكبير / راشد الخلاوي الصواري منتدى الخواطر والحكم والالغـــاز 18 03 - 01 - 2011 11:52
الشاعر الكبير / أبو الطيب المتنبي رحمه الله جعد الوبر منتدى الخواطر والحكم والالغـــاز 40 09 - 12 - 2009 23:31
أطهر بشر/ لجايز الأكلبي أبو معاذ أكلب منتدى الشعر الشعبي والنبطي ( شعراء الشبكة ) 2 02 - 04 - 2008 13:21
أحداث تشيب شعر راسك شعره شعره دسمان بن مشلهب المنتدى الإسلامي 2 15 - 03 - 2007 16:49


الساعة الآن 06:39.


Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها