رد : بعد ان احيا 14 امسيه رحبو معي بعودة الشاعر مصلح بن ربح بن مصلح
كُتب : [ 16 - 08 - 2006 ]
الاخ العزيز الشاعر الحميدي
شكراً اخي الغالي وليسى غريباً عليك نبع الوفا والمحبه فا انتم منبر فخر للقبيله
وشكراً لجميع الاخوان على المرور
سوف اكمل كتابة قصائد المناسبات في وقتاً لاحق انشا الله تعالى
رد : بعد ان احيا 14 امسيه رحبو معي بعودة الشاعر مصلح بن ربح بن مصلح
كُتب : [ 19 - 08 - 2006 ]
هذه القصيده بمناسبة زيارة مجموعه من العتبان ل الصمله عند الشيخ مناحي بن هاجد بن جروه فى الخرمه
وكذلك كانت على عجاله
البدايه ذكر رباً يعلم اسرار البريه= الرجا في رحمته والخوف من شدة عقابه
ان شكرنا نعمته عشنا وعيشتنا هنيه= وان كفرنا نعمته وشلون نأمن من عذابه
بعدها يا هاجسي صف الحروف الابجديه= فرصتي ساعات معدوده تبي عزم وحزابه
لاوقفنا نرفع الترحيب بسم اهل الحميه= با الرجال اللي لهم بين العرب قدر ومهابه
باسم شيخٍ للمراجل والوفا عنده سجيه= الوفا سجيته والطيب عنده لاغرابه
صيرمياً يكسب الناموس وعزومه قويه= وستقاء حلو النباء من راس شيخٍ يقتدابه
باسم ابو مارق وبحلاله تساق الشاذليه= وباسم راجح شذرة السيف الحدب وانا نصابه
بسم راجح شيخ صامل كلنا ناقف سويه= نرفع الترحيب والتقدير بوجيه الذيابه
باسم بن جروه حفيد اهل الفعول الازليه= شيخنا رمز الجمائل والجدود اسود غابه
وباسم جمع الاد صامل والاصول العامريه= مرحبا في مرحبا والضيف لازم يشتقابه
مرحبا باهل فعولاٍ للملا ماهي غبيه= مرحبا يا هل المكارم واهل طيباً يندرابه
المشاعر لاذكرنا عزوة الهيلا جريه= يا هل مجداً ماتغطيه القصائد والكتابه
ياهل مجداً شاع صيته فى البقاع اليعربيه= مشرقٍ مثل القمر يجلا الظلام وينسرابه
وغير كل اليعربيه ترجموه الاعجميه= مجدهم في معجم التاريخ كلاً قد قرابه
يوم غارات الحروب وللشجاعه قابليه= وش نعد وش نخلي كلها امجادٍ تشابه
خاضوا فنون الحروب وسجوا الارض العذيه= كسبهم معروف مع قوماً مراجلهم نهابه
يوم سطوات المعارك ويلك يا راع الرديه = مايهابون المعارك هم اهل فن الحرابه
قلتها وانا هل الغلبا واهل حرب السبيه= اهل قيفاً لاورد حوض المنايا يندعابه
دون نقصٍ با القبائل يوم وقت الجاهليه= كل سكان الجزيره مجدهم يحسب حسابه
واسمحولي والزياره جت نتايجها جليه= والتقارب والتعارف من على وقت الصحابه
وختمها ذكر الولي وازكا الصلاة اعلى نبيه= وباسم بن جروه هلا يا عزوة الهيلا عتابه
رد : بعد ان احيا 14 امسيه رحبو معي بعودة الشاعر مصلح بن ربح بن مصلح
كُتب : [ 20 - 08 - 2006 ]
الله يبقيك يا عقيد القوم
شكراً من الاعماق اخي الغالي
اما الجديد
القصائد الثلاث التي في هذا الموضوع لم يمضي عليها اكثر من شهر فهي من الجديد
وسوف اكتب لكم عن قريب القصيد التي قلتها بمناسبة زيارة البقوم لبن هذال في الخرمه
رد : بعد ان احيا 14 امسيه رحبو معي بعودة الشاعر مصلح بن ربح بن مصلح
كُتب : [ 26 - 08 - 2006 ]
هذه القصيده بمناسبة زيارة البقوم للصمله عند الاخ هذال بن عبدالله بن راضي الصميلي
ب
بسمك ابدا يا عزيز الجلالي واستعين= يامدير الفلك سير ا خطانا للصواب
دلنا للي به الفايده دنيا ودين= واجعله في كف حسناتنا يوم الحساب
مانقول الشعر من دون ماجوب(ن)ثمين= ولادخلنا بيت شعر النبط من دون باب
نرفع الهامات مانكتبه متسولين=لادعينا ماطلبنا مصاريف اقتراب
نكتبه لاجا الطلب من طليقين الايمين= ولانقول الاالحقيقه ولانخشى العتاب
لادعانا مثل هذال ذخر الغانمين = طيب المبدا سلايل عزيزين الجناب
سم يا هذال تامر وحنا حاضرين = انتم السيف المهند وحنا له نصاب
بسمك نرحب بسمواء الظيوف الزايرين = مرحبا مايهمل الودق من غر السحاب
مرحبا في مرحبا با الظيوف القادمين= مرحبا با اللي تلقى المتاعب واستجاب
استجاب لدعوةً ننتظرها من سنين = الوفا من طبعكم يا مطوعت الصعاب
يا البقوم اللي لكسب المكارم وارثين= يا هل صحون(ن)بها الكوم والسمن المذاب
انتم ظهور السواني هل الحرز المتين= للحمول جمال وان جاء الفتين اسود غاب
ويوم وقت الجاهليه كعام المعتدين= كم تعشت في مراكيضكم سحم الذياب
احتميتو داركم من فلول الطامعين= با الهنادي والمشوك وسلات الحراب
وفى الدخل محداً سبقكم بسنه وشهرين= في حجاكم مايخاف الدخيل امن العقاب
انتم اهل المعجزات ان هرجنا منصفين = مجدكم ما ينحصر لو بولفلي كتاب
قلتها وسبيع ربعي كعام العايلين = عزوةً لاقيل رده وردنا مانهاب
عزوة الغلبا بخوض المعارك مانلين = لاطحنا كم دياراً نخليها خراب
كم فرقنا فى المعارك قريناً من قرين= وكم فتاً فى اول شبابه حرمناه الشباب
ودارنا ورث الجدود لثراها محتمين= وغيرها داراً سطينا واخذناها اغتصاب
حنا اهل صم الرمك للمهار معسفين= قد وصفنا الشيخ راكان بنا سم داب
اهل المثلوثه اللي تهول الناضرين= وجيرتاً قد صار من شانها ذب الرقاب
دون نقص(ن) فى القبايل فعول الاولين = مثل نور الشمس مهوب يحجبها الظباب
وبارك الله في وفياً ينب الطيبين = الوفا لهل الوفا مايجي فيه اغتراب
حصله حفيد عوداً له فعول(ن) تبين = ماقفه بين المطاليق يحسب له حساب
راضي اللي وقفته دون جرعات الحنين= يوم جوه القوم بين السماره والهضاب
احتماها وافتداها بكل الاحمرين= وبان ميقافه وكفا عن الربع الغياب
هذا رمزاً للجدود الدهات السابقين= لاد صامل يكسبون النواميس اكتساب
جا لنا تاريخ والنا شيوخاً بارزين = كل ناموساً لهم فيه وزعه واكتتاب
آل جروه للقبيله كما الحصن الحصين= وشيخنا راجح حجا المجد حلال الصعاب
وختمها زاكي صلاتي على الهادي الامين= ونطلب الله يغفر ذنوبنا يوم الحساب
التعديل الأخير تم بواسطة مصلح ربح ; 26 - 08 - 2006 الساعة 21:48
غير متصل
