منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
يالله اني طالبك نو وسمي حقوق = يستخيل من المناشي ومنشيه اومره
راكد ممشى سحابه وبراقه سبوق = وجتمع رعده وبراقه وسيله ومطره
اوله يسي علاوي الشعيب وقر فوق = والشعيب يقوم سيله لبطنه وظهره
ويتحدر مالجبل والحثم يم العروق = واستهل وشاق عين المخيل واسبره
جر نوه مدلهم وبراقه خفوق = نزل الله كل خيره وعدانا اخطره
من صلاة الظهر ودان لا عقب الشروق = لين سيله يمت العرق رده وحجره
لا مشوه اهل الدبش قامت انفسهم تتوق = كل منهم عس دار يحبه ونحره
والبق لا زلله خمسة ايام يشوق = واسمحت ذيدانهم ما بعد نط اشهره
والبيوت مشيده بينها مثل الفتوق = كل منهم راوز لبيت جاره وقطره
والعزيمة دارجه غيرها بن وغبوق = وكل رجل اتشوف طيبه ففعله وانظره
زين نشر ادباشهم في سمار في طروق = وراعي البل قدم مقهورها جاء وقهره
والخزامى جالها في منابتها عنوق = والنصي مخالطه نبت قسور وزهره
كل عشر ايام ينشي من القبله صدوق = واتبع منشاه الاول جديد واسمره
ساكن عنه الهوى لا رعود ولا بروق = رحمة الله عمت الدار ورضاه اغمره
ربعوا هم صيفوا كن ما جاه مخلوق = الله الي عز داره وبالرجع اعمره
والطعام الحمد لله قعد في كل سوق = وان غفل راعيه نشى خيال ودمره
قال تعالى ( كيف تكفرون بالله وكنتم امواتاً فأحياكم ثم يميتكم ثم يحييكم ثم إليه ترجعون )
غير متصل
