منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
مدرسة الايام
قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
من الارشيف اليكم هذه المتواضعه=
=
ارى الجاهل اللي تدبل الكبد هرجاته=على العاقل احسن من امناحاته اسكاته
ضعيف الروابع قاصر العرف يبلشك=يورى له انه مدخلك وسط مخباته
وليا قلتـه بالهــون والراي نبحثـــه=تعزوى وقام الذيب يفتل شنباته
يقول معصي مخطي وضايع ومنجم=وفتح في مجابه كلمتك كل موجاته
لو انـك تقـول سهيـل هذاك ونظـره=يبذك ضعيف الرابعه في تلفاته
وهـو خابـره ماهـوب غرً بمطلعه=لكن العيُا متركزً فوق جمهـــاته
غــلامً ولكـن مثــل ماقـال مرشـــد=يلولا الشعر ما تفرقه من اوخياته
يحسب المراجل في تمسـاس غترتـه=وجوالً اخر ما ظهر من مديلاته
ايلا جاك في الديوان يذبـح ويصلخ=وهو فالخلا خطرالثعل ياكل اشواته
وانا عنـه والي مثـل شرواه مجتنبّ=لكن النصيب يحدني صوب حرواته
حداني عليه الي حدا الذيب للغنم=وانا قانعً باللي كتب لي بلوحاته
اجامل واجبـر كل كسـرً يضيمنــي=مادام ان شعر راسي يغطي صواباته
وترى كل من جرب وراجع تجاربه=بدت له امورً قيدت في ملفاته
الايـام مدرسـةً تلاميـذهــا البشــر=احدً رسب واحدً تنومس علاماته
حــلاة الفتـى دنيـا وديـنً ومرجلــه=ثلاثً تبث الغيض في قلب شماته
افـعــل وذربيـن الــرياجيــل تشهـــد=يظهر حصانً ينصفك في احمواته
ايلا حــل في المجلس طويـلً وقاصـر=لو انك بعيدً ذقت نفعه وفزعاته
الاجـواد ما تهفـي للاجـواد قيمـــه=ولا نكسوا رايات من رزّ راياته
لا تلفــت لـلـــي هدمــوه تعــوذه=اللي وراى الغافل طوالً ايدياتــه
ودّه يشـوّه سمعتك مثل سمعته=والناس تدريبه وتدري بغاياتــــه
مايستوي بيتً يسيس على الصبخ=وبيتً على صم الصفا فوق هضباته
قلتــه وانا ماني وكيلً على البشـر=كلً حسب عرفه ورايه وفكراته
من جـاد لي بالمد بالصـاع زدت له=ومن لا حسبني شي جنبت يماته
نومـي على البيدا جويعً وعاري=احب واشرف لي من الهون و اهواته
تمـت وصلوا عدّ مارفـرف الطها=على اللي ختم به رب الامه ارسالاته
فراج ابو لسان=
و حنا كان كل(ن) قام يفخر و الفخر ما عاب=صواريم الحرار اللي امعربة(ن)مناسبها
يا عنك ان لي بني عم و يا عنك ان لي احداد احراب=اسبيع اللي من اعلوم الوفا تدسم شواربها
اهل ناقه و اهل غرسه و اهل فرسه و نطح اوجاب=و اهل مثلوثة(ن)كل القبايل تستدل ابها
عطايانا يوم ان الناس يعطون الفلوس ارقاب=ارقاب(ن) خضر لله ثم للأجواد نوهبها
غير متصل
