شكرا منتدى سبيع الغلبا ؟

[خالد ال شيخ]

بسم الله الرحمن الرحيم
السلام عليكم ورحمة الله وبركاته:
اخواني الاحباء اعضاء منتدى سبيع الغلباء سبق وانا دخلت في قصه حدثت لشاعر من سبيع من ال بو ثنين ولقد تعبت وانا ابحث عن صاحبها فعند دخولي منتدى سبيع الغلباء وجدت صاحب القصه والقصيده فهذا المنتدى وجه سعد على الجميع فكلنا فيه يدا واحده ولقد اعجبتني القصيده بحق وكنت نشرتها في موضوع سابق في منتدى الشعر الشعبي ولكن نشرتها بطريقه مزحومه لاني كنت جديد في المنتدى فسوف اذكر القصيده ومن هو قائل هذة القصيده اليكم القصيده واسم الشاعر وبيتين في قبيلة سبيع قالها عندما توفي جده رحمه الله وهي :

ياسعود قلبي حده البعد والشين = وانا على قلبي كثير الحسايف
لاقلت زانت ياسعوط المجانين = عادت غرابيل السنين العجايف
ميلات بقعاء ساوت الحر بالقين = لين استحل البوم وكر النوايف
قشر الزمن قاد المعرب على وين = عوجات بقعا تستحق الخوايف
دنيا (ن) تلوعنا على الشين والزين = ولو زانت احذر مقبلات الصدايف
مايامن الدنيا رجال(ن) حكيمين = دنيا (ن) دنيه معتريها صرايف
عسفت قلبي عسف مهر الميادين = لين انثنالي واصبح الجرح كايف
مير البلاء لازادت الجرح جرحين = دنيا العنا زادت جروح نزايف
والله من قلب(ن) غدا فيه همين = هم(ن) صطابه مثل زرق الشلايف
والهم الاخر فطر القلب نصفين = واقلبي ياللي من عنا الوقت حايف
شربتلي فنجال ثار البعيدين = يوم انتخوبي شلت جل الكلايف
ماننثني لو جود الحبل جيشين = حنا هل الطولات والكل شايف
تشهد على العلياء صروح ال بو ثنين = تاريخنا بالعز مضرب وصايف
ربع(ن) لهم في صفحة المجد تدوين = سعد الوجيه المحتمين الحلايف
ياسعود من خان اللسان الزم الدين = واللي يصونه ماتحقه ضعايف
خبل(ن) توهق مافطن للمسمين = الاسم بارز ياعديم النصايف
اللكل منهم شاهدله مصلين = من صلب شيخان القبايل سلايف
سلطان قوم وقايدله سلاطين = ماينثني دون الدنيه صلايف
كفة موازين المراجل مزابين = للي يشوق الطيب ماهوب زايف
واختامها شاعر وعندي براهين = من فضل ربي نلت بيض الصحايف

واما البيتين اللذين قالهما عندما توفي جده رحمه الله فهما :

يمل قلب (ن) زمام الحزن يلعبه = ويستاسره ويتلوى في معاليقه
علم (ن) لفاني يحز القلب ويشبه = كنه على النار والفرقا مذاويقه

الى ان قال :

من روس قوم (ن) لصاح الصايح لقبه = تجبر كسور الكسير وتبلله ريقه
سبيع لاجا الملاقا تصفع وتجبه = اهل الفعول العظيمه تفرج الضيقه

الخ القصيده ويؤسفني انني لم استطع على اخذها كامله وفي الاخير الشاعر يقال له / الشاعر / ماجد بن فيصل ابو ثنين

[أبو يزيد]

خالد آل شيخ


بيض الله وجهك

نقل رائع سلمت يمينك والله لايهينك

وصح لسان الشاعر ابوثنيــــــــــــن

[المفالحه]

اخوي خالد الف شكر على هذا التنظيم والنقل المتميز

صح لسان شاعرنا وابيات اقف لها بكل احترام وتقدير

(( وكل بيت يقول الزود عندي ))

تقبل تحياتي

[جزل العطايا]

لاهنت ياخالد الشيخ على ما اتفحتنا به ونعم والله بابو ثنين وانا الشاعر اعرفه شخصيا وهو ماجد بن فيصل الرقعه ال بو ثنين

[خالد ال شيخ]

اخي الحبيب جزل العطايا شكرا لك وللجميع على التفاعل ولكن ذكرت ان جد الشاعر من الرقعه وبعد سؤالي لشخص من ال بو ثنين قال ان الشاعر ليس من الرقعه وان هذا اللقب _ الرقعه _ غير محبب عند اهله وفي الحقيقه ان الشاعر من
آل ملفي من ال بو ثنين والشاعر يقال له ( ماجد بن فيصل بن زيد بن ملفي ابو ثنين السبيعي )
وفي شكرا لكل من تفاعل معنا واردت ان ابين الالتباس الذي حصل عند الاخ الحبيب ( جزل العطايا )

[الإيضاح والبيان]

شكرااا لك اخي خالد على هذا النقل المميز و قصيد غني بالشاعريه وشاعر كبير اقف لك بيت احتراما واعجابا