قصيدة الشاعر/ سعد بن سعيد بن نوار السبيعي في الشيخ/صحن بن غنيم السبيعي
كُتب : [ 20 - 02 - 2007 ]
سلام الله على من وقفته تخضع لــهــا الــــوقـــفـــات=سلام الله على من بان صيته وارتفع شأنه
سلام ما يساق الا علــى شيـــوخ الــعـــرب بالــــذات=على القصر الكبير الي محله وسط سلـطانه
وعلى قصر بني ساسه على الامـــجـــاد والــعــادات= على قصر فتح للي حداه الوقــــت بيبـانه
على قصر الاماره والوفا والــطيــب والــهـــامــــات=مجالسه الكبيره من هل الوقفات مليانـــه
بناه الي عرف بالطيب والوقفـــات والـــفـــزعـــات= أبو بندر صحــن نبراس تمجيدي وعنوانه
ابا امدح حضرته والمدح لـــه وقتـــه ولــــه حـــزات= قصيده ما تقال بحضرة بن غنيم غلطانه
نجيله والمصايب عندنا تبلش بـــهـــا الـــســاحــات=وياخذها بصدر وسع نجد وسع ريضانه
نــحبــه مانحبـــه نــزبــنـه لاكــبـــرت الـــقـــالات= وتنطحنا الرحابه والبشاشه بين حجانــه
عــلى بـيتـه يـرودون الــرجـال وتكبـر الـهقــوات=من الاقراب والاجناب واصحابه وعدوانه
اشــوفــه بالـمكــارم كــن حــاتم باـلوطن مـامات=واشوفه بالتواضع كثروا أصحابه وعربانه
تـعـودنـا يــســامحنــا عــلى الــزلات والغلطـــات=ولا يسمـع كلام الي يشـيل الكذب بلسانه
أبـوبنـدر إلـيــا راحت سـوالـيف الـرجـال اشــتات=ســوالـيفـه تكف الهرجه الي مالها خانـــه
نطــول بطـولتــه لطــال عــودنــا عـلـى الطـولات= وتشوقنا على نضم القصايد وسط ديوانـــه
عسى عمره طـويـل ويحــفظه ربي من العــثرات=سنام المجد واصل المجد راس المجد واركانه
سلايل من ثنى دون الركايــب وانقــذ الــهــزلات=اليا طاح الحصان ولابقا الا السرج وعنــانه
هذولا طيبهم من وقت عاد ومن زمــان فــــــــات=هذولا فزعت الـتوحيد والاســلام واعـوانــه
معا صقر الجزيرة ناصروا وسلومــهــم عســـرات= يجــي رجــالـهم لاعـاهـد الـرجـال ماخانه
مشوبا الوجه الابيض ماحصل في عهدهم بوقات=وعلى أيديهم تمكن داعي الاسلام في اوطانه
تحت ضل العلم في نجد يـوم القلـــوب افــوات=وراء ذاك الزعـيـم الـي لشوفه نـجـد ولهانـه
عطوه العهد وامضو معه في الصولات والجولات=يبيعون النفيس ويرخصون العمــر وأثمانـــه
وفــاهــم لايزال ويذكــرون بسـاعــه الشـدات= وعلمهم للوطن وإرضاء الله المعبود سبـحانـه
سلام الله على ابن غنيم أبوبندر صحن بالذات= وعلى بندر من عياله وعلى ناصر من أخوانه
لنا سيفاً صقيلأ فالملاقا والخطر ماهـــــــاب
مضرينه على شيل الجماجم من حـناجــرهـا
(سبيع الغلبا)
الشاعر/ سعد بن سعيد بن نوار الملحي السبيعي
التعديل الأخير تم بواسطة سعيد محمد الملحي ; 21 - 02 - 2007 الساعة 02:01
رد : قصيدة الشاعر/ سعد بن سعيد بن نوار السبيعي في الشيخ/صحن بن غنيم السبيعي
كُتب : [ 25 - 02 - 2007 ]
اخي فارس نجد1
انت مبدع فلك مني الشكر الجزيل
والشاعر/سعد بن سعيد بن نوار السبيعي
مبدع ومتميز في قصائده صح لسانه
والشيخ/صحن بن غنيم السبيعي
يستاهل المدح
تحياااااااااااااااااااااااتي
الا ياولدي من حجر بيضاء جنيته=عامريـةٍ مـن حافظـات الودايـعِ
ولا ياولدي ولد الهدى مرذي النضا=مفجـر مرحـان العـداء للقرايـعِ
ولا ياولدي كم شوق البيض بالغناء=مع ظلال الصبـح والنـور شايـعِ
كم عرض الاولاد مسرى وحشـه=هجدهم واصبح مشعل القوم ضايعِ
كم ولدٍ يغـذى ولا ثمـن الغـذاء=مثل باذر الصبخـا قليـل النفايـعِ
غذيت مـن الاولاد حـرٍ مجـرب=ياعنك ماراح الغذاء فيـه ضايـعِ
غير متصل
