مسلسل ( ريال الفسحه في مهب الريح )

[مشعاب]

أهلا وسهلا بمستمعي الأكارم

معنا الفنان القدير ريال الفسحه ( بطل المسلسل )
والفنان الكبير مشعاب اخو عجراء ( فلفل المسلسل )

والفنان المخضرم سهم ( مخرج المسلسل )

والفنانه القديرة ( عجراء اخت مشعاب ) ( عسل المسلسل )



وهذا المسلسل يحكي قصة حب ريال الفسحة للفنانه القديرة عجراء اخت مشعاب وكيف كان مشعاب يحاول افساد هذا الحب الطاهر



وسوف يقدم هذا المسلسل على حلقات متعددة


الحلقة الأولى

يكتبها : مشعاب

الحلقه الثانية

يكتبها : ريال الفسحة


الحلقه الثالثه

يكتبها سهم



ثم تستمر الحلقات على هالمنوال لين ينتهي المسلسل على خير مدري شر

المهم ان عجراء شكلها بتموت قبل ........................





وينكم يا فنانين المسلسل تعالوووووووووو

[ريال الفسحه]

حلوووووووووووووووووووووووووو ياحلو

خلص الحلقه الاولى

وابشر بالثانيه

يابو نسب صديقي سهم

[مشعاب]

الحلقه الأولى



كان مشعاب شيخ عشائر ( الصعاليك ) يسكن هو وعشيرته في مدينة عرق سبيع بالقرب من مطار الفرشة الدولي وكانت العشيرة تحب فارسهم وشيخ عشيرتهم الشيخ مشعاب وكان له اخت جميلة يقال لها عجراء اخت مشعاب
وكانت عجراء ترد على القليب وتروي القربه و تعود للبيت .

وكان اخوها مشعاب ما احد يقدر يتعرض لها بسببه لأنه جني ولا يعرف الا قطع الروس


المهم لا تواخذوني على المهايطة ( ترى هذا مسلسل لازم كذا )


وكان هناك غليم صغير وامعط ما فيه شعر لا شفته تقول هذا ضارب كيماوي ( الله يحمانا وياكم منه ) وحدة من عيونه اصغر من اختها ويسمونه سهم .


كام هالغليم وقام يترصد لطريق هالمزيونه اذا جاء على الدرب أخذ شوكه وطعزها في رجله وقعد يبكي

وبما ان عجراء اصلا رحومه وتحب البزارين افزعت له وطلعت الشوكه

عاد سهم ما صدق خبر قالها تكفين يا خوك انا ما اقدر امشي بسبب هالشوكه

لازم تشيليني وان خليتيني بيأكلني الذيب

قامت عجراء وشالته وحطته فوق غاربها وجت فازعت به يم العرب

الكارثه ان الولد صار كل يوم يتصنع افكار لجل يقابل هالبنية المزيونه

أخوها مشعاب طبعا ما يعد سهم رجال لجل كذا هو غير مهتم بوجوده على طريقها لأنه خابرها بتوطى في بطنه

المهم جت هذاك اليوم الا سهم مسوي نفسه شاعر ومصلح قصيدة حب .

يقول سهم

الحب يا عجراء ذبحني وأنا حي = ولولاك يا عجراء تركت العشيرة
ضميان وانتي يا بعد روحي المي = عيني بصيره مير يدّي قصيرة
وشفايفك عندي حلاها بعد شي = وملمس رقيق ولك يدين شطيره

(يدين شطيره) يشير الشاعر إلى انها قد شالته بيديها .


قامت عجراء يوم اسمعت قصيدته وهي تحط القربه وهي توطى في بطنه لين خلته طايح متسلقي



ويقول جعلك يا عجراء تطيحين في حب رجال ما تقدرين تأخذينه





انتهت الحلقه ألولى

[سهم]

ههههههههههههههههههههههههههههههههه

اتعب انا لاشفت القربه يامشعاب :icon_bigg

بس انا متى دوري ؟؟؟؟؟؟؟؟؟

يامشعاب سراك مخربط انا رجالها المفروض انا الاول :icon_bigg



المهم عجلو علينا انا جاهز وعندي لكم مفاجاه

بقولكم قصيدة عجرى في يوم كنا في ماليزيا


اللي بعدووووووووووووووووووووووووووه

:|:|

اخوكم في الله شهم

[مشعاب]

يا شخم هذا مسلسل يا بعدي

خلاص انت طلعت من الدوري

المربع النهائي بين ريال الفسحة ومشعاب

وكان ودك ترميهم في زواجهم بصرك :)

المهم لاجاك دورك زين سيناريووو جيد

[خالد الشماسي]

الحب يا عجراء ذبحني وأنا حي
...........ولولاك يا عجراء تركت العشيرة
ضميان وانتي يا بعد روحي المي
...........عيني بصيره مير يدّي قصيـرة
وشفايفك عندي حلاها بعد شـي
..........وملمس رقيق ولك يدين شطيـره



قصيدة روعه يا سهم و سيناريو جيد يا مشعاب

ننتظر بقية المسلسل

[ريال الفسحه]

الحلقه الثانيه :

بما ان سهم ماقدر ياصل الى قلب هذه المتوحشه :017:

وبما انه كل يوم يتصنع مشكله في طريق عجراء وهي وارده الى القليب

الا ان سهم يستمتع بالتوطاي في بطنه كل يوم من قبل عجراء :021:

المهم مالكم في طولها

وصل الخبر عند الداهيه المحنك المخطط الاول في هذه البراري والقفار df::

اكيد تعرفونه صاحب الخطط اللي قلب الحكم على مشعاب في الجماهيريه وقلبها امارات

المهم الشخص هذا هو ريا ل الفسحه .:bored:

استاء من منظر سهم وهو كل يوم مدبوغ من قبل هذه البقره قصدي عجراء وارسل لسهم قصيده يبين فيها حل لمشكلته ويحثه على المسير له :

يقول ريال :

الحل عندي لا غدى الحظ مايل = لا ضاعت الأرياء ترى الحل عندي
ماينفعك فالحب كثر التحايل = ان ماحصل بالود .. غصب وتحدي
لازم تعسف المهره ام الجدايل = غصباً عليها غصب ماهوب ودي

وبعد مايأس سهم من كثرة الخطط وحبك المكائد لاجل تعطيه نص وجه

اتى الى ريال وقال هاااااااااااااااا وش عندك <<<<<<< بغضب :017:

قال ريال وشفيك تنفخ قم بس انقلع ماعندي لك شي :214:

قال سهم لا تكفااااااااااا ياخوك انا امزح بس هذا من حرة في كبدي كلها سبب عجراء الله يخليها لي

<<<<<<<<<<<< رايحن فيها سهم :021:

قال ريال انت بديت فالخطه اللي ناوي اقولها لك ولكن ينقصك حاجه

قال سهم وشنهي
قال ريال هاك هالابره المنومه وبعد ماتنسفك على غاربها طبعاً بيكون راسك الى الخلف

وبشوف هوايل تروح يمين ويسار

انت بالابره هذي اضرب احد الهوايل سواءٍ اللي رايحه يمين او اللي رايحه يسار

وبعد دقيقه سوف تخر على غمتها نايمه .
انت بعد ذلك قم بتربيطها وجود رباطها لاتنفك بعد ماتقوم ووووو وجب الحمار حقك و اسحبها الى اقرب غار

وبعد مايفقدها مشعاب فاوضه على ترجيعها له انك تزوجها

وسوف يوافق مشعاب على طول لانه مايبي يفضح عجراء فالعشيره وهو ذو مكانه مرموقه فيها


انتهت الحلقه الثانيه

[مشعاب]

الحلقة الثالثه

طبعاً اكيد انتم قريتوا نصيحة ريال الفسحة لسهم حيث انه اخبره انه ياخذ الابره ويطعز بها عجراء واذا تخدرت ياخذها

ويحطها في مغاره ثم يفاوض مشعاب على ان يردها بشرط زواجه منها

طبعا سهم قلبه فطين عارف ليش هالحاسد ينصح بهالطريقة

ريال الفسحة يبي عجراء واخوها يخلصون عليه اما بقتل او بتهجيره من الديره

ثم يفضي الجو لريال الفسحة


سهم عرف ان المعركة القادمة لا هي مع مشعاب ولا مع عجراء

المعركة القادمة مع ريال الفسحة حيث انه يعتبر المطب الأول دون عجراء

سهم كالعادة صار يجلس على طريق عجراء ولكن هالمره ما يقرب منها على مدى الصوت

عجراء نادته وقالت تعال يا سهم

تعال علمني بقصتك

انت ويش بلاك دايم قدامي

ترى مشعاب ان درى عن حركاتك مصع رقبتك


سهم جاء يمها وقالها ريال الفسحة ناوي يقتل الشيخ وناوي يدبر لك فضيحة

وانا ما ودي يصير هالشيء لجل كذا انا ودي اقتل ريال الفسحة بشرط

ان تهاويني :)


قالت عجراء : ويش دراك

قال : هو معلمني امس يقول خذ هالأبره واطعزها بها ثم ودها لمغاره بعيد

قالت عجراء هين يا ريال الفقر



بكره تشوف وانا اخت مشعاب:furious:



عجراء علمت مشعاب ( مصيبة )


قال لها مشعاب : لا يهمك ريال الفقر


ولجل ارتاح علي الملازيم ان تاخذين سهم


قالت عجراء : والله ما اخذه لو على روحي


قال : اجل والله ما تعرفين الرياجيل تطول الدنيا ولا تقصر






انتهت الحلقه

[سهم]

الحلقة الرابعة

طبعا كما تعلمون عجرى علمت مشعاب وجاني مشعاب وقال كل السالفه انا بعدها صرت ابي اصير رجال في نظر عجرى ابي اثبت لها اني فارس

مرت الايام والمقصود تم +++ لي تمنيته على طول السنين

وفي يوم من الايام وعجرى تجيني وانا متفلهد في المقلط وهي تصيييح تكفى ياسهم انا وخذنا وكانك تبيني بين فعلك اليوم

وانا اتبغتر وانا اعتزي وانا ابي اطمر على ضهر جريده(( فرسي وراثها من حياة ابو سهم يالبي قلبه ما احد شافه يالربع ؟)) :cry_smile

المهم ومن العجله كلها غلطت وطمرت في ضهر فرس مشعااب وانا انطح القوم ويوم اقبلت عليهم لاوالله الوضع مايخارج

والحياه ماهيب بلاش قلت لابو عجرى لابو مشعاب وانا اصيح للفرس يالشعيييب عنهم عنهم عنهم عنهم

اثر الملعونه مضريها مشعاب لاقال عنهم نحرتهم ويوم قلته وهي تدبسهم وانا متلزمن فيها وانا ابجدهم طول وعرض


وهي تعود قلت تكفين يالشعيب عنهم عنهم يالشعيب :017: وهي تعطيهم راسها وانا اخذهم عرض طول


والعالم تهج قالو هذا الفارس اللي بذبحنا وهم ينحاشون وانا ارد الابل

وانا اجيك اطامر وانا انطح عجرى :icon_redf



في الحلقه القادمه سوف اذكر لكم قصيدتي في عجرى وايضا قصيدتها في بعد اعجابها بشجاعتي الكبيره


اخوكم سهم