أبوعمر
سلام ياربعي هل المجد والطيـب= وأهل الكرامه والفخر والمواجيب
يا سعد من جاكم على الفطر الشيب= والصبر زين وكل مطرود ملحوق
يا مصلح المنعور أنا واياك ذالليـل=والواسطة مع صاحبه والليل بادي
مصلح
وانا بعد برسـل سـلام وتحيـه=مني يخـص العـزوه العامريـه
واعم ابه كـل الرجـال الوفيـه=والصبر زين وكل مطرود ملحوق
يا ابو عمر لك مني اتحيه وتبجيل=والواسطه مع صاحبه غاية مرادي
أبوبندر
يالواسطه يامحزمـي يازميلـي=راح الكثير وما بقى إلا القليلـي
وأنا مع الشعار ما أنهـد حيلـي=والصبر زين وكل مطرود ملحوق
يامرحبا ترحيب والدعوى تساهيل=وتخيروا مابين تصبيح وهجادي
الواسطه
يا مرحبـا ترحيبـة كلهـا نـور= من بحر جده لين تاصل هل الزور
الليل بادي والمعاني لهـا ابحـور= والصبر زين وكل مطرود ملحوق
يا راعي القهوه نبي تمر وفناجيل=المعركة تبغي لها الليله جهـادي
أبوعمر
يا الشيخ ابو بندر عسى الله يعـزك= من كلمة ما نيـب فيهـا استفـزك
وش محرق في القدر يا ذيب رزك= والصبر زين وكل مطرود ملحـوق
بنصبحك وانحط راسك في المحابيل=حتى تخل الدردشة وسط الـروادي
مصلح
يا الواسطه شفتك جمعت القرابه=من حقك اتحاول تفـك النشابـه
وهاذي تراها من صفات الصحابه=والصبر زين وكل مطرود ملحوق
ترى الامل معقود في رؤس الرجاجيل=كسابـت العليـا رفيعيـن المبـادي
أبوبندر
لو يركبك ذا الليل عشرين جني=يابوعمر ظنـك يخالـف لظنـي
وكلٍ على كيفه وعرفـه يغنـي=والصبر زين وكل مطرود ملحوق
ياكبر هقوتك أنت يـاراع المعاميـل=وراسي ماهو مثلك على الحبله يقادي
الواسطه
الله يجعمنـا علـى خيـر جمعـا=غير الأناسه ما نبـي زود طمعـا
وينك عن المليون مع نـاس شبعـا=والصبر زين وراعي الحق غلاب
ليتك مشارك مع هل القالات والقيل=قعدت مثلي حارصين ام القـرادي
أبوعمر
قالوا خليف ايحب هرج الخلايف=له مع هل الماء لا وردله ولايف
لكن أبا احـده ولا نيـب خايـف=والصبر زين وكل مطرود ملحوق
الفيل جاه من السماء حذفات أبابيل=اركد قبل نقصر برجليك القيـادي
مصلح
اعطيك علم وجبت لي علم غيره=لازم تعرف العلم شره وخيـره
وش لك بابن برمان خله وطيره=والصبرزين وكل مطرود ملحوق
الوضع يبغى فهم وسياسه وتحليل=قبل تحاول تدخل السهم القيـادي
أبوبندر
ياللي تعرف خليف وخليف معروف=لايعرف الراعه ولا يعرف الخوف
لكن قلبه بعض الأحيان مشغـوف=والصبر زين وكل مطرود ملحوق
ياصاحبي بالله لاتستحقر الفيل=الفيل لو يجيك ماذقت الرقادي
الواسطه
أدري ولي مقصد ولي راي ثاني=لكن طير الخيـر جالـه عوانـي
لازم نشارك ربعنا فـي المبانـي=والصبر زين وراعي الحق غلاب
حللتها واظنهـا هويـه وتعديـل=لكن راسي باقـيٍ فيـه العنـادي
أبوعمر
حنـا نعرفـه مـا يـدان المغـازي=مع العـرب كنـه بعزبـة حجـازي
واليا غزوا عـود يصيـد الجـوازي=والصبر زين وكل مطـرود ملحـوق
مانيب أحقره مير قلبي مع هل الخيل=ولا مع أهل الجيش في وسق الشدادي
مصلح
اليا عرفت العلم عطني علومـك=تراي في بعض المعاني ما الومك
جهز دفاعك قبل تبـدا هجومـك=والصبر زين وكل مطرود ملحوق
يا الواسطه قدمك على الشاشه قناديل=وانته تميز فى البياض وفى السوادي
أبوبندر
العالم أشغلتك ببعـض العلومـي=واليوم جاك من الفوارس هجومي
يوم إنك تنادي لربعـك وتومـي=والصبر زين وكل مطرود ملحوق
بين العرب والناس ياكثر الدهاويل=يابوعمر من نارنا مابـه بـرادي
الواسطه
في شاعر المليون جبت المعانـي=نبـي نشاركهـم ولـو بالبيانـي
أعلنتها واسوق معك مع السواني=والصبر زين وراعي الحق غلاب
ماشفت كيف الناس تفزع للمناهيل=هي عنصريه حق ولا علم غادي
أبوعمر
ما اشغلني الا هرجك اللي تقوله=تبي من الجنسين تأخـذ عمولـه
وبعد تبي من حق ربعك زمولـه=والصبر زين وكل مطرود ملحوق
في مقدم الدنيا قتل قابيـل هابيـل=ارجع وتلقى قصةِ في كـل وادي
مصلح
فرصه وراحت ما لحقنا عليهـا=ومهيب ذيك اللي حقيقه نبيهـا
ناساً على المسرح تواما يديهـا=والصبرزين وكل مطرود ملحوق
لن كرروها في ليا لينا المقابيـل=يا الواسطه نبغا عن الغلبا نفادي
أبوبندر
من حولت به يده مانـي بربـه=ياوعل لاتنطـح بقرنيـك صبـه
اللي نحبه ما أنت مجبـر تحبـه=والصبر زين وكل مطرود ملحوق
ياصاحبي بالله لايسري بك السيل=ذكرتني تركي وغطرسة المهادي
الواسطه
نبي نسوي وحـدة فـي فواصـل=أبو عمر عند الرياجيـل واصـل
وبآخذ المليون تحصيـل حاصـل=والصبر زين وراعي الحق غلاب
راحت بها الرعيان والناس المهابيل=لكن اخذنا من حكايتهـم رشـادي
أبوعمر
الصبـه اللـي فجرتهـا القنابـل=راحت بهلها مثـل شيبـان كابـل
كليـت شطـة هنديـا بالتـوابـل=والصبر زين وكل مطرود ملحوق
الحوت جاكم والسفن قدهي محاميل=استلسموا و لا عليكـم بالرمـادي
مصلح
وديتك لمكـه ورحـت الاامـارات=واتعبتني ما بين روحـه وجيـات
الشعر فتل ونقض ما به مـراوات=والصبر زين وكل مكشوف مكشوف
يا شاعراً لوكان تاخذلك درابيـل=منته بشايف لين ياصلك الهجادي
أبوبندر
قنابلك من عام واحـد وتسعيـن=منتهية المـده ولاتنفجـر زيـن
وين الخبير اللي يجربهـا ويـن=والصبر زين وكل مطرود ملحوق
ياحوت في وسط البحر لاتلوي الذيل=وأنته بوسط البحر مخلوقٍ تصادي
الواسطه
كلمه وجاوبنا عليهـا وراحـت=تبي نقيل فوقها عقـب طاحـت
جبنا لكم دله بعـد ذيـك فاحـت=الصبر زين وراعي الحق غلاب
الظاهر انك شبت يا راع المكاييل=واليا سرحت فلا تعود للمقـادي
غير متصل
