يا أخوان اريد مساعده من يفزع؟؟!!!!!

[اخو شما]

السلام عليكم ورحمة الله وبركاته
يا أخوان انا مشترك بمنتدى اخر يختص بمواضيع المقانيص والرحلات البريه والتضاريس الارضيه
وقد طلب مني اكثر من عضو معلومات عن الخرمه ورنيه.
الموقع الجغرافي وطبيعة الارض والنباتات التي تنبت فيها والحدود الاداريه ....الخ
اي ملف كامل متكامل.
وقد بحثت في جميع منتديات سبيع علني اجد اي موضوع يشمل كل هالمعلومات فلم أجد
فمن يملك مثل هالمعلومات عنده بالجهاز ياليت يرسلها لي على شكل رابط
ضروري جدا...
اخوكم/ اخو شما
ودمتم على خير

[خالد الشماسي]

أخو شما

اشوى ان ما عندك معلومات :)


لا تعلم القوم بسرار أرضنا .......


حتى وزارة الدفاع ما نعته وين الحلف على المصحف.;)


لك تحياتي

[البارع 2000]

اخو شما ..........

بالنسبة للخرمة والله حتى الشجر ماتشوفه الا نادر ا ..........

ولكن بد لك على مكان تجد فيه طلبك (( محمية الصيد )) فيها العشب والصيد

وتراني ماعرفك وانت حر .......

ولد عم اخو شما

[اخو شما]

مساكم الله بالخير
اولا بخصوص عدم كشف ارضنا يابوعمر الله يخلي خرائط الفارسي ماخلت حتى الشعيب الا جابته
اما الحلف على المصحف فالله يستر منك يابو عمر انت ناوي تجيب العيد فيني .
والبارع 2000 ابشر بروح للمحميه بس انت الكفيل الغارم والحضوري وكل انواع الكفالات
وانتبه ماهو اذا امسكوني الرياجيل تقول ماعرفه:(
ترى مداخلتك شاهد عليك وتكفون يالربع لاتخلونه يحذفها

[خالد الشماسي]

يا اخو شما


خرايط الفارسي ما تدري عن أرانت الحره ولا وعول الكور

تراني بعلم عليك ربع هناك حامينها حتى حطبها ما يحطب وانت خابرهم :)


أحسن لك ذب السفره ولا ولا .

[اخو شما]

استسلااااااااااام خلاص هونت مانيب ظاهر من بيتي
الله يعيني اخذ لي من الدكان دجاجه والا ثنتين وتكبسها ام العيال والحطب من السوق بخمسه
وعشرين ريال ويادار مادخلك شر;)
ولكن مايمنع اذا عندك اي رابط الفزعه الفزعه:D