منتديات الـمـشـاهـيـر والقصص البطوليةشامل القصص والروايات البطولية لمشاهير وفرسان قبيلة سبيع الغلباء وبعض المشاهير من القبائل العربية معلومات و توثيق لتاريخ مجد اشهر رجال قبيلة سبيع
نبذه بسيطه عن شيوخ قبيلة المداريه من سبيع في الغريف
الشهيد الفارس الأمير/ جبر بن مفرج بن عبيدان (رحمه الله )
الشهيد الفارس الأمير / جبر بن مفرج بن عبيدان شيخ قبيلة المداريه رحمه الله واسكنه الجنه من مشاهير قبيلة سبيع صاحب الراي السديد ابو اليتاما والمساكين كانت راية الامير جبر خير رايه وحياته حافله بكل مايدعو للفخر وإلاعتزاز حكمة وشجاعه وفروسيه وفصاحه وكرم وطيب شمل به القريب والبعيد وكان يرحمه الله من الاخيار العقلاء عاش محبوباً بين جميع وكانت وفاته مثل الصاعقه على قبيلة سبيع وقبيلة المداريه خاصه ولكن قضاء الله وقدره توفي رحمه الله سنة 1395هـ غريقاَ في وادي الغريف وخلف خمسه من الأبناء وهم الشيخ عبدالله بن جبر وهو الشيخ بعد والده يرحمه الله والشيخ مفرج بن جبر رحمه الله والشيخ جفال بن جبر وهو الشيخ الحالي للقبيله والشيخ راجح بن جبر والشيخ مطلق بن جبر
صوره للشيخ / عبدالله بن جبر بن عبيدان (رحمه الله)
وتسلم من بعده ابنه الشيخ/ عبدالله بن جبر بن عبيدان شيخ قبيلة المداريه الله يرحمه ويسكنه الجنه لقد نهج الشيخ عبدالله منهج والده كما ان الشيخ عبدالله بن جبر يحب فعل الخير وكان يصلح بين المتخاصمين وكان له بصمه واضحه في الصلح بين القبايل .ويخلد اسمه في الذاكره ثم انتقل رحمة الله عليه سنة 1407هـ رحم الله الشيخ عبدالله واسكنه فسيح جناته وحين توفي نعاه خلقً كثير وتوجد عليه العديد من الشعراء ومنهم .
الشاعر مسند سعود المجمعي السبيعي
راثياً الشيخ عبدالله بن جبر بن عبيدان
عبـدالله اللـي للصعيبـات حـل=اليحلهـا لـو زاد فيـهـا العـقـادي
ابو جبر درعٍ على الراس وضـل= الومن شبته في وجهـه العـز بـادي
والله فقدنـا رجـل يضربـه أمثـال=تبكي عليـه سبيـع فـي كـل وادي
شيخ قضى نحبه ومن بعـده اطفـال=باقى صغـارً دون سـن الرشـادي
الله يحفظهـم لنـا صقـور واشبـال=عيـال اسـود الغـاب بالاجتـلادي
صورة الشيخ عبد الله بن مفرج بن عبيدان ( رحمه الله)
ثم استلم الشيخ / عبدالله بن مفرج بن عبيدان شيخ قبيلة المداريه الله يرحمه ويسكنه الجنه مشيخة القبيله بعد وفاة ابن اخيه الشيخ عبدالله بن جبر ابن عبيدان كان الشيخ عبدالله بن مفرج صاحب الراي السديد وكان محبوباً من الجميع وكان يصلح ذات البين في الخرمه وفي رنيه وفي جميع مدن سبيع وكان محبوباً من جميع قبايل سبيع والقبايل المجاوره لسبيع ثم انتقل رحمة الله عليه سنة 1427هـ
وقال الشاعر الغثيمي راثياً الشيخ عبدالله بن مفرج بن عبيدان
لا والله اللي طاح ركناً من البيت=تصرمت عمدانه اللي تشدة
مرحوم ياشيخ القبيلة تعافيت=من واحشاً في القبر صعباً مردة
مرحوم يا للي في العرب شاع له صيت=غيثاً على ربعه والأقصى يضدة
يا أبو فهيد أزهر ربيعك ولا أبطيت=خليتنا في برحةً مجر هدة
خليتنا مثل الحفأيا الشفاليت=نعوم كنا من سمك بحر جدة
قوماً بلا شيخاً يروحون تشتيت=ويا ذيب لا شفت المتطرف تغدة
عزّ الله إنك في المراجل تقصويت=وخذيت قسمك وافياً صاع مدة
يا ما سهرت الليل وأقبلت وأقفيت=وليا انفتح باباً علينا تسدة
دون الحدود أبذلت جهدك ووفيت=ولاحافها الذيب المتطرف تردة
دارك بظل حمايتك لا تعزويت=لا قام عقد الحبل كلاً يشدة
فتحت بابك لرفاقة وناديت =ومن جاءك يبغي حاجة ما تردة
وفتحت بيتك للأيتاما وغذيت=خيرك على الأيتام كفك تمدة
حراً على درب الشكالة تربيت=فيك الشجاعة والكرم مستمدة
يرحمك ربي كل ما أصبحت وأمسيت=يا سيف يا للي مستسنا محدة
صقراً على مثلك شهرت وتعليت=مدحك يطول بسيرتك لو نعدة
صورة الشيخ / جفال بن جبر بن عبيدان
واليوم يكمل مسيرتهم الشيخ / جفال بن جبر بن عبيدان شيخ قبيلة المداريه اطال الله في عمره ولبسه ثوب الصحه والعافيه والشيخ جفال صاحب كرم وجود ويحب فعل الخير لقبيلتة ولسبيع عامه وصاحب راي سديد حاصل على درجة الماجستير من جامعة ام القرى بتقدير ممتاز1427هـ
وقال الشاعر شباب بن ذياب بن جزله
مبيناً شجاعة وكرم الشيخ جفال بن جبر بن عبيدان
كان الولد يعتزي في جده وخاله = أنا اعتزي وافتخر باسم العباديني
خوالي اللي لكسب الجود نوّاله = أهل الكرم والوفا في العسر والليني
لامن كل وفا مدّه ومكياله = ميزانهم ماترجّحه الموازيني
ولا دبّرت خيلهم وان جن بقباله = مثل الشياهين بيدين السلاطيني
كم فارس تحتهنه داسو اسباله = وخلوه تاكل علابيه السراحيني
والناس مابين نزّال ورحاله = لاشد قوم بقى قوم مقيميني
الاجل مكتوب والانسان باعماله = يجزا على مافعل بالزين والشيني
ويقول الشاعرفالح بن عبدالله بن جبار الصميلي السبيعي
في العبادين
إخوان شثناء لاز ماء كل مقرود=خذو حياته منه ذربين الإيمان
إخوان شثنا زبنو كل مضهود=لقبل صلف بقعاء وصكات الأزمان
أهل دلال البن والهيل والعود=والعود الأزرق يتبعه حايل الضان
وأهل صحون وافيه والشحم زود=امفطحات ومراً اشطوط قعدان
الا جاء نهاراً فيه شلفاً وعبرود=والخيل يثعاء في طرف قب الأمتان
ويا مخذو من قوم والعالم أرقود=مرٍ صباح ومرا لا مساً الا ضعان
ويما خذ من هجمتاً غربه سود=ويما خذو من شلف ودروع فرسان
غزو شمال وغرب والحبل ممدود=مرٍ جنوب ومر لديار قحطان
حامين دارٍ ضمت النزل والذود=حامينها بمرجحة كل ميزان
حامينها من سلم القوم بحدود=من أرفعه لقمة الضلع رايان
وفي الختام تقبلو تحياتي وتقديري
التعديل الأخير تم بواسطة ماضي المديري ; 12 - 11 - 2007 الساعة 15:48
غير متصل
