برنامج فارس الصحراء يتحول الى ستار اكاديمي

[الرزيني]

للأسف بعد طول انتظار لهذا البرنامج اللي يقال انه بيحيي تراثنا
تفاجأنا انه طلع لترويج الاغاني والرقص والمسخره باسم التراث
والمصيبه ان المغنيات يغنن والمطاوعه موجودين في المسرح
ماهقيتها منك يابن حثلين تضحك علينا بهذه السخافات وتروجها
على انه من تراثنا!!!!!!
ياجماعه والله هالبرامج بتجيب لنا البلا امس في شاعر المليون المنصوري يوجهنا للأحتفال بالمولد النبوي
واليوم ابن حثلين مجمع المغنيات ويقول يالله شجعوا تراثكم !!!!!!!!
الموضوع يبيله وقفه من المصلحين وشيوخ القبايل ومشايخة الدين
تكفون يالربع لاخلونها تمر مرور الكرام

اللهم احفظنا بحفظك

[ابن جعوان]

اشكرك على الموضوع اللي اعتبره في غايت الخطوره
الله ينتقم منهم وسراحه تبي وقفه صارمه
من المسؤلين واهل العلم
تقبل مروري الله لايهينك

[ابوفارس السبيعي]

انا اشوف فارس الصحراء من انجح البرامج
بغض النضر عن المغنيات

[العتير]

والله انا ماشفت البرنامج لاكن على قولك مدام فيه مغنيات فالدعوى خررررررررربانه

بعدين البرنامج مهوب في صحراء يعني بر وش وداهن هناك هااااااااااااه
ونقطه اخرى كيف يجذب المشاهدين الا بالشكال هذي


اما بالنسبه للمنصوري انا ماشفته لاكن كلام اخوي الرزيني ثقه ان كانه قال الكلام هذا ولا احد رد عليه من السعوديين او من الناس اللي فاهمه فالدين فالدعوى مجاملات على حساب الدين خابوا وخسروا خابوا وخسروا

برامج فاااااااااااشله لو ان الفراعنه ماهوب مشارك ماتابعت ولاحلقه


اعتذر عن الاطاله ومشكور على الموضوع

[الرزيني]

مشكورين على التفاعل مع الموضوع

[feisal]

هذه المصيبه

و الله ازعاج غناء و مغنيات في كل جحر ضب لا حول ولا قوة إلا بالله

حتى الأشياء الثقافية و التي نحاول أن نرجع شيء من ثقافتنا نجد الغناء فيه ........

[محسن الفراعنة]

برامج فاااااااااااشله لو ان الفراعنه ماهوب مشارك ماتابعت ولاحلقه

[طير سبيع]

اللي ولد قبيلة وناس مايشارك في ذا البرنامج السخيف اللي يعد عار على من طلع فيه