فخر ذاك القعود وشيمة اخته كاملات الزين=عضود طوال جرد ارقاب خد وسلة أذن وراس
جرى تحميلهن في وسط سطحه من ديار(ن)وين=مسافات تعدى الفين كيلو لو تحسب قياس
مع الله للمكان اللي يسمى العرق بين وبين= على وصف الدليله والشواهد لرواية ساس
مشارك في مزاين عزوته يامال فرقا العين=ربع يعني ويابلفيت سوينا سوات الناس
لكن اللي حصل عقب المهانة والتعب والدين=شعور(ن)ماتعبرها المعاني والحلوم آفلاس
على قولة هل الامثال لاسابق ولا بعدين= خبل لاشك من يبغى المرق من طابخين الفآس
بانت على ماقيل حاضر ومنظور= وانا اعتقد من كان له عقل يكفيه
واللي زمن يآخذ من الطبع دستور= لو ترفعه فوق القمر مانفع فيه
يعني عليك تشوف وتطبق الدور= وإلا تحط بموقف مآنت راعيه
والآعب اللي مامعه صوت جمهور= لآشي حتى لو يسمونه بليه