ما طلبت المجد من سور الخدم والحاشيه.....للشاعر// ناصر الفراعنه

[الكوكب السيار]

قد بغيتي تطّلعيـن الـروح وانتـي ماشيـة"="أحمد الله ربي إنك مـا وقفتـي يـا هنـوف
من يقول إنه يشوفك ما تجيـه الغاشيـة"="ودّي آوقّفْه قدْمِك لحظةٍ وحـدة واشـوف!!
كان ما جت دمعته مثـل المـزون الناشيـة"="ما سقتني من لبنها بنت حاميـن الصفـوف
يا أمان قلوب ناسٍ فـي المواقـف خاشيـة"="من لغيرك نشتكي جور الليالـي والظـروف
ما طلبت المجد من سور الخـدم والحاشيـة"="اطلبه من كفك أنتي يا سما كـل الوصـوف
كـلّ نعمـة حـيٍّ الا نعمتـك متْلاشـيـة"="وكلّ عينٍ ما تشوفك ما تشوف ولا تحـوف
الجوارح في جروحك لـو غـدت متْعاشيـة"="حربةٍ من كفّ نايف وقّعت في قلـب نـوف
اسعفينـي دامهـا بيـن الرشـا والراشيـة"="اسعفيني دامهـا بيـن النواهـد والكتـوف
مثلك أنتي ما عليهـا مـن غيـورٍ واشيـة"="ولا عليها من معسّفْة الجمال بْخيط صـوف
تقصر القـالات دونـك واللـوازم ماشيـة"="لو بغيتي من السيوف كفوف حطّوا لك كفوف

[البدر]

من يقول إنه يشوفـك مـا تجيـه الغاشيـة"
"ودّي آوقّفْه قدْمِك لحظةٍ وحـدة واشـوف


لاهنت يالكوكب السيار على القصيده الجزله وصح لسان الشاعر ناصر قصيده ما يلحقها كلام
بيض الله وجهك وجه ابو فارس



البــــــــــــــــدر

[المزاح]

بيض الله وجهك اخوي كوكب السيار على نقل القصيده الجزله ولاتحرمنا من قصائد ابو فارس

وصح لسان الشاعر ناصر الفراعنه ويعطيه الف عافيه

تحيااااااااااااتي لك

[][ زل الطرب ][]

يعطيك العافيه الكوكب السيار على هالقصيده
وصح لسان ابو فارس

وياليتك تنزل التوجديه وقصيدة المغرب مطلوبه بقوه


والله لا يهينك

[الكوكب السيار]

البدر

مشكور يالذيب على المرور الكريم

والله لايهينك

[الكوكب السيار]

المزاح

الله يعافيك اخوي ويطول في عمرك

وما راح نقصر باللي نقدر عليه

انشاء الله

[سعد بن جراش]

من يقول إنه يشوفـك مـا تجيـه الغاشيـة"
"ودّي آوقّفْه قدْمِك لحظةٍ وحـدة واشـوف!!

تقصـر القـالات دونـك واللـوازم ماشيـة"
"لو بغيتي من السيوف كفوف حطّوا لك كفوف

وقفة اعجاب للرائع دائما ً ابو فارس ووقفة اعجاب اخرى للاخ العزيز الكوكب السيار

انا اشهد ان بعض القصائد والابيات تنقلك الى جو اخر ولاشك ان بيت الغاشيه من هذه الأبيات


تسجيل اعجاب وتلهف لرؤية اسم الاخ العزيز ناصر بن محمد بن فارس الفراعنه من ضمن

كوكبة منتدانا الرائعة نرجو ان يصلا اليه باسرع وقت يابن حطاب


وتقبل تحياتي

[قاهر الظلام]

الله يعطيك العافية يالكوكب السيار على القصيده الجزله وصح لسان الشاعرالكبير ناصر قصيده رآآآآآآآآآآآآآآآآآآآآآآئعه جداً كروعة قائلها.
بيض الله وجهك وجه ابو محمد

[الكوكب السيار]

زل الطرب

الله يعافيك وصح بدنك نيابتاً عن الشاعر

وطلباتكم أوامر

وانتظر القادم

[الكوكب السيار]

سعد بن جراش

الابداع هو مرورك يالذيب

ويعلم الله ان لك بالقلب ما الله به عليم

الحقيقه انني لااستطيع ان اجاري ردودك

ولا اقول الا بيض الله وجهك يالاصيل

وابو فارس مودعني بالسلام عليك خاصه

وطلبك عما قريب انشاء الله