ملعبه قويه بين فلاح الحنان وحبيب العازمي

[المحيط الرابع]

حـــبـــيـــب الـــعـــازمـــي
هلا يامرحبا والعيـد واحـد والفـرح عيديـن
وشرفنا حضـورٍ فـي محـل طـوال الأيمانـي
وأنا الليلة معي سيفٍ على الشعار لـه حديـن
أجـرب حـده الأول وأجـرب حـده الثـانـي
فـــــــــلاح الـــحـــنــــان
يدوم لك البقاء يلي ترحـب جعـل فالـك زيـن
ألا يازيـن مـردود البـرى مابيـن شجعانـي
عسى عيدك يعود ومن سمع وتعود معه سنيـن
وأنا وأنتـه علـى الدنيـا تدورنـي وتلقانـي
حـــبـــيـــب الـــعـــازمـــي
ترا رد البرى مضمون لو إني غـدأ لـي ديـن
لكني ماغـدأ لـي ديـن عنـد فـلان وفلانـي
أنا وأنته على الدنيا مثل باشا وعلـي حسيـن
كبنـك رجـل حنّانـي وأنـا مانيـب حنّـانـي
فـــــــــلاح الـــحـــنــــان
أجل مشتال سيفك ياولد عـازم ورايـح ويـن
مادام إنـك غنـي مافيـه ديـن ولاش ديانـي
تركنا علمنا فـي ربعنـا الغاليـن عـام ألفيـن
ومن بعده طرأ علمٍ علـى هاجـوس الأنسانـي
حـــبـــيـــب الـــعـــازمـــي
غزانا مع أول الغازين وأنته فأوسـط الغازيـن
وذا الحينـه ليـا مريـت مسـرع ماتعـدانـي
وألا ياسبيع جتكم حبحبة حمراء علـى السكيـن
وقلتوا قنبلة يمكـن تبيـد النـاس مـن دانـي
فـــــــــلاح الـــحـــنــــان
أحسب إنك منول تلعب اللعبـة علـى الحبليـن
وأثرك اللي علـى مقطـار واحـد يالعريبانـي
أنا مالي ومال الناس لا صـاروا بهـا راضيـن
أشـوف الحبحبـة وبطينهـا بالحـب مليانـي
حـــبـــيـــب الـــعـــازمـــي
أنا مانيب أبو وجهين ياطـلاب أبـو وجهيـن
هذاك صحيبك اللـي تجرتـه كرزيـن دخانـي
مادام اللي زرعها مـن سبيـع يعلـم الباقيـن
أنا ما أقـول غيـر أخـوك لاجيتـه ولاجانـي
فـــــــــلاح الـــحـــنــــان
ذهبنـا ياذهبنـا لاتعـود شـمـع وبلاتـيـن
تـرا مـال الحمـول ألا جملـهـا يابليهـانـي
تحسب إنا نبا نعفيك وأنته مـن رجـال الديـن
زرعت الحبحبة قدامنـا فـي ذيـك الأزمانـي
حـــبـــيـــب الـــعـــازمـــي
وألا يالباب أبو ضبة وألا يالبـاب أبـو قفليـن
مفاتيحك غدت فـي منطقـة غامـد وزهرانـي
ياكثر اللي على بالي لكن أحسـب لهـا بعديـن
حرامٍ مـن حزامـي ماتحـرك روس عدوانـي
فـــــــــلاح الـــحـــنــــان
تذكرنـي علـومٍ قـد نسيناهـا لهـا عاميـن
وقف من دونها جيـش المريكـي والبريطانـي
نبا نجمع جماعتنا نبـا ندحـم علـى الجنبيـن
وأبا ألبسك تـاج المعرفـة كـان الله أحيانـي
حـــبـــيـــب الـــعـــازمـــي
كحلت الرمش فوق العين طال الرمش فوق العين
بكحلٍ مختلف ماهو كحـل مدعـوج الأعيانـي
كثر خيرك مابي لك تـاج لابكـرة ولا هالحيـن
أنا تاجي علـى رأسـي ورثتـه بعـد جدانـي
فـــــــــلاح الـــحـــنــــان
يدورن الليالي والدهـر يمشـي بـلا رجليـن
بغيت أصبح مع أهل الشرق لكن ليلهـم جانـي

[عبدالله الحضبي]

شكرا لك على المحاوره الرائعه

[المحيط الرابع]

اخي تين شكرا لمرورك وانتضر كل جديد