بسم الله الرحمن الرحيم
مرثية للشاعر : طلال العبدالله الرشيد(العطيب) في الفقيد طلال العبدالعزيز الرشيد (الملتاع)
[poet font="Arabic Transparent,4,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يعني ماكفوك مليـون الشهيـد
=تاخذين أغلا الحبايب يالجزائـر
مالقيتي غيـر أطيـب الرشيـد
=لو مااخاف الله لاقول الحكم جاير
الله اللـي كاتـب وحنـا عبيـد
=ذا قضا رب المساجد والمنايـر
الزمن لو طـال مثلـه مايجيـد
=فقد ابو نواف هي ام الخسايـر
مدرستنا في المراجل والقصيـد
=طيب الموقف الي دارت دوايـر
لابكـا ينفـع ولاشكـوى تفيـد
=مابيدنا شـي لـو الـدم فايـر
مابيدنا غير نصفـق ايـد بيـد
=ومن تكلم عنه تخنقنـا العبايـر
مابقى فينا على الشـدة شديـد
=اللهب بين الضلوع وفي الضماير
كيف نفرح عقبـه بعـام جديـد
=لاهلا ولا مسهلا بواحـد ينايـر
يالله انك تحسبه عنـدك شهيـد
=من توفي غدر في بر الجزايـر
[/poet]
غير متصل
