مرثيه الشاعر مفرج مفرح المشعبي السبيعي في والده

[اللهب]

السلام عليكم ورحمه الله وبركاته

هذي قصيده الشاعر مفرج مفرح السبيعي بعد وفاة والده رحمه الله

لبيه يالي تناديني وانا غايب=آخر كلامك على الدنيا تناديني
انا بشر لامودي شي ولا جايب=واقول لبيك لو مانته بتوحيني
يابوي قلبي من فراق الضحى ذايب=على السراجيف ركز له سكاكيني
يالله يالي مايرجع سائلك خايب=ادعيك واستغفرك وارفع لك يديني
ياواسع الرحمه انك ترحم الشايب=الي يصلي الضحى ويصوم الاثنيني
ابوي راعي الكرم ومجري الهايب=شهادة(ن) ماتبي مني براهيني
واذا تردّىبربعه واحد(ن) خايب=على المكارم وحب الربع يوصيني
آآمين يالي مايرجّع سائلك خايب=عساك ترفع مقامه في علييني

[العويد]

الأخ اللهب

رحم الله المرحوم رحمة واسعه

قصيده تعتبر من اروع المرثيات

بس ياليت تعدل اخر كلمه في هالبيت : يالله يالي مايرجع سائلـك خايـب
ادعيك واستغفرك وارفع لك يديـه

بدال يديه المفروض تكون يديني عشان قافية القصيده

عله خطأ مطبعي

صح لسان مفرج والله لا يهينك اخي اللهب

[اللهب]

الله لايهينك ياالعويد على التنويه المطبعي
مشكور على المرور

[الراعي]

غفر الله للميت أبا تركي وأسكنه فسيح جناته وخلف رجال نعتز بهم

[ابن بداح]

اللهم أمين

اللهم أمين



الله يرحــم ابو تركي ويسكنــه فســــيح جناته

وعسى البقاء في أبناءه الكرام .



ومنهم الزميل الغالي الشاعر / مفرج بن مفرح المشعبي

شاعر ورجل يتصف بالكرم واللبابـه ومكارم الاخلاق


الحقيقه
..
قصيده مؤثره جداً صح لسان ابو تركي

والشكر موصولاً لمن أوردها هنا في منتديات سبيع


تحياتي للجمييييييييع

/// مفرح بن بداح ///

[ابن بداح]

طيب عدل الخطاء يا للهــــــــــــــب !!!


انت ذكرك الرجال ولا زال الخطاء موجوووووووووووود؟؟

[جري بن هملان]

الله يرحمه ويسكنه فسيح جناته

والطيب ذكره باقي لو مات

[العويد]

ترفع لجمالها

[المشعبي م]

صح لسان ابو تركي واللة يرحم ابو تركي
تقبل مروري

[homes]

يابوي قلبي من فراق الضحى ذايب
على السراجيف ركز له سكاكينـي
يالله يالي مايرجع سائلـك خايـب
ادعيك واستغفرك وارفع لك يديني
ياواسع الرحمه انك ترحم الشايـب
الي يصلي الضحى ويصوم الاثنيني



الله يعطيك العافية يابو تركي ويرحم الشايب رحمة واسعة ويسكنة فسيح جناتة (( آمين ))