قصيدة الشاعر:سالم بن محمد المطوع في قبيلة سبيع الغلبا...

[ماجد سالم المطوع]

مبداي باللي من ترجاه ربحان = = = =اللي خلق للكون والانس والجان
ارجيه يغفرلي جميع الـخطـايا = = = =لولاوسع عفوه فيا ويل الانسـان
رب جعل خلقه شعوب وقبايـل = = = =واكرمهم الـلـي زاد لله الايــمــان
لي لابة لهم تواريـخ وامـجـاد = = = =ولهم مـع اهـل الـبـطـولات عـنوان
سبيع لا قالو سبيعي أنا ا فتخـر = = = =الاصل وافي بـين عـامـر وعـدنـان
رماح ديرتهم واهلها البواسل = = = = قوما حموها اليوم مع ماض الازمان
ولهم بعرق سبيع عز وقبيله = = = = يقال للطامع هل الدار سبعان
قوما يشادون الثريا بفعلهم = = = = يشهد بهذا اصحاب قومي وعدوان
ولهم سلوما ماسمعنا لمثلها = = = = حطو لشيئا قبلهم مابعد كان
قصيرهم ما يشتكي منهم الضيم = = = = يلقى بضف القوم تعظيم للشان
دايم يبدونه على كل غالي = = = = ويحشم بحشمتهم ولا هوب ينهان
وخويهم يلقى الكرامه بقربهم = = = = من حرصهم ماقد حصل خاطره شان
ارضاه يشرونه ولو كان غالي = = = = وحقه يوفونه على غير نقصان
ودخيلهم لامن دخل في حماهم = = = = يرجي نجاة ماحسبها بحسبان
باموالهم والجاه يفدون دمه = = = = ويعيش بامن عقب ما كان هربان
وعدوهم مايحتمل خوض حربهم = = = = يخاف من حربا يجي منه خسران
يفرح بصلحا صار بينه وبينهم = = = = ولاهم اهل غدرا ولا القوم خوان
وحريبهم ماتقبل النوم عينه = = = = لهم مهدا منه زوغات الاذهان
نفوسهم بالحرب ترخص عليهم = = = = وفي السلم عز انفوسهم مالها اثمان
وصويبهم لا طاح طول مطاحه = = = = مضرابهم من قوة قلوبهم زان
مركاضهم يلقى به الطير للعشى = = = = والذيب عقب الجوع به صار شبعان
هذا بعضها واعتذر عن قصورها = = = = واللي يقول الحق ماهوب غلطان
وختامها مني صلاة على النبي = = = = دينه نزل خاتم وشامل للاديان

[خيَّال الغلباء]

أخي الكريم / ماجد بن سالم المطوع بعد السلام صح لسان الشاعر الكبير / سالم بن محمد المطوع وسلم نبضه وبنانه وإعتلا شانه وجزاك الله خيراً ولا هنت واسلم وسلم والسلام .