( ما دام السخافة تجتمع عند بدر صفوق ) قصيدة صوتية

[خيَّال الغلباء]

المشاركة الأصلية كتبت بواسطة ابــو الغـــرام

الأخوة الأعزاء لقد أثارني وأغضبني ماحصل من المدعو بدر صفوق تجاه شاعرنا الكبير ناصر الفراعنة وكتبت هذه الأبيات المتواضعة رداً على ذلك الحقود وأتمنى أن تنال أعجابكم وقد قمت بإرفاق ملف صوتي للقصيدة في ملف مضغوط في أسفل المشاركة وللجميع خالص حبي وشكري وتقديري

ألا ياقصيد أرعد رعد رعدك المسبوق = على الحقد الأسود وافضحه وأكشف أوراقه
علي اللي قهرنا والقهر مصدره موثوق = عسى يوم جابه يبعده درب سواقه
وخلّه بدل مايستمع ينتحر مشنوق = على باب سمسار المعادي وحلّاقه
مادام السخافة تجتمع عند بدر صفوق = ولا هي غريبة يحمل السخف باعراقه
ولا هو من اللي يحكم الشعر والمنطوق = وحدّه مروّس يشتغل عند طقاقه
تعدى على أسياده قليل الحيا والذوق = وبيّن لسانه ما اختفى داخل أعماقه
تعدى على ناصر وناصر مكانه فوق = مع لابتن في عالي المجد سباقه
وناصر كبير ولا يهمه طرير البوق = يغطي على مليون من بدر باخلاقه
ودام الأسد يعدي يظل الهدف ملحوق = يجي يوم ويصير الردي بيد خنّاقه
يعادون ناصر ياعسى النصر له محقوق = ورزقه على اللي ماحصى عبده ارزاقه

أخوكم عبدالله بن لوحان الشهري
الأربعاء 18 ربيع الأول 1429هـ

ما كنت أبكتب لين شفت التلاويـص
= خثرت وكثرت للحصاني فرصهـا

والنيص عاد وعودت عادة النيـص
= وأهل البرص قام يتفصخ برصهـا

حاولت أعممها وجت نص تخصيص
= وقلت أخبصها يوم الصفوقي خبصهـا

ودام الغراب أصبح رفيق القوانيص
= وا خيبتـك ياللـى ترجـي قنصهـا

ينبح سلوقينا ورى كبري خريـص
= وتجاوب جراو الكويت بهصصهـا

بلاش أفلـص للمخاليـق تفليـص
= خـل العلـوم الخافيـات بقفصهـا

قل قيس وما فادهـم ردهـا قيـس
= هم نقص خلقه كيف لـو تنتقصهـا

لا يخدعك شوف الشوارب معاليص
= مبدا رجلهـم رقصتـه لا رقصهـا

كل البلا من قوم سوق المقاصيـص
= ما ألوم أبو عدي يومـه هقصهـا

[س ب ع 777]

صح لسانك يابو الغرام
وابو فارس مكانه فوق
اما بدر صفوق خله يبحث
عن منه في مستواه
تحياتي

[ماجد الشماسي]

ابو الغرام لاهنت على القصيده الرائعه
وناصر الفراعنه معروف مكانه فوق
اما بدر صفوق .........................( لاداعي ان اكسب اثم)
وتقبل مروري

[نجم سبيع الغلبا]

تسلم يالغالي ومشكوووووووووور يالشهري والله يسلم ذا اليدين

وبدر صفوق هذا شخص فيه نقص مهوب رجال وتفاجأ ان برنامج شاعر المليون يطلبه وحب يعوض النقص هذا اللي في شخصيته وتعدى على ناصر الفراعنه ابو فارس

اوجه هذا البيت لـ بدر مصفوق

مابقى الا بشوت الاحرار تلبسه العبيد === عبد يرقد في طرفها وعبد بكمها