أشوف ( صورتك ) .. ودموعي تسابقنـي = ويا كثـر ما جيـت أبمسحهـا ؟ وأخليهـا

[عيسى السبيعي]

قصيدة اعجبتني وحبيت انقلها لكم

الصـوره اللـي ( بجوالـي ) تعذبـنـي=ياكثـر ماجيـت ابمسحهـا ! واخليـهـا
ياللي جفيـت وجفـاك المـر .. ذابحنـي=عقبك وجيـه البشـر .. مانـي بدانيهـا
من يوم حبك .. غـزى القلـب وتملكنـي=قطعـت كـل العـلاقـات وطواريـهـا
اقـرى رسايلـك ودمـوعـي تسابقـنـي=وارد ! واقرى الرسايل .. واحتفـظ فيهـا
انت آخر انسـان هاقـي منـه يصدمنـي=والظاهـر ان هقوتـي بانـت مواريـهـا
لـو الوصايـا ليـا احتديـت ! تنفعنـي=ياكثـر نـاس ٍ علـى ذودي بوصيـهـا
ليت الفـرح ( بنـك ) لاجيتـه يسلفنـي=واقاصـده ( راحتـي ) وحقوقـه اوفيهـا
من كثر ماكنـت ! جارحنـي وظالمنـي=قمت اعـزل جروحـك بقلبـي واسميهـا
تـدري وش اللـي يبكينـي ويضحكنـي=انـك محـامـي قضيتـنـا وقاضيـهـا
تدري متـاك ؟ تعـرف قـدري وتفقدنـي=لارخصت نفسك ,, لشخـص ٍ مايراعيهـا
بكـره الا هملـوك الـنـاس تذكـرنـي=وتقول عـزاه : عينـي مـن يداريهـا ؟
مدام غيـري ؟ علـى قلبـك مشاركنـي=وش هـو لـه ؟ اعلـق الأمـال وابنيهـا
يكفينـي انـك رحلـت ومنـت عايفنـي=هذا عـزا النفـس مـن كثـرة بلاويهـا
اهديتك : دمـوع مـن طعنتـك تحرقنـي=وانـت اللـي تستاهـل الدنيـا ومافيهـا
واهديتني جرح .. موجعني وعاجبني=لــن الهـدايـا عـلـى مقدارمهديـهـا
صحيح ! ( حنا انتهينا ) .. بس صدقني=والله ان تبقى ( هوى روحـي ) وغاليهـا
مفضوح ؟ راع الهيام .. ونظرته !! تغني=ملامحه واضحه ! , في وجهـه راعيهـا
لكـل داء ٍ دوا .. لـو هــو متعبـنـي=إلا محبتـك ؟ .. أعيـت مـن يداويـهـا
ان قلـت : علمنـي انسـى ؟ لاتعلمنـي=دنيـاي لامـن نسيتـك ويـش تاليـهـا
فارقتنـي وضحكتـك عيـت تفارقـنـي=والله ؟؟؟؟ ابــو الفـرقـا وطاريـهـا
مقدرأفكر بغيرك ؟ .. وانت عارفنـي=عشان حاجه ؟ بقلبي .. مقدر !! أخفيهـا
اخاف لاحبنـي غيـرك ؟ .. وعاشرنـي=يشوف صورتـك فـي عينـي ويوحيهـا
نشدت عنك ؟ وسمعـت اللـي يفرحنـي=وارتاح صـدري مـن همـوم ٍ يحاتيهـا
تبي تعرف ! وش ؟ على الفرقا مصبرنـي=انـك بخيـر .. وحياتـك مهتنـي فيهـا
مـن يـوم ماغبـت ! والوحـده تعذبنـي=اقرى ( رسايلك ) فـي حرقـه والاحيهـا
اشوف ( صورتك ) .. ودموعي تسابقنـي=وياكثـر ماجيـت أبمسحهـا ؟ وأخليهـا

تحياتي للجميع
منقوووووووله

[س ب ع 777]

	عيسى السبيعي اشكرك على نقل القصيده الرائع جعله الله في موازين اعمالك تقبل مروري يالذيب :sparkles:والى الأمام س ب ع 777

[عيسى السبيعي]

الاخ س ب ع 777
الف شكر يالغالي على المرور العطر
تحياتي للجميع

[خيَّال الغلباء]

أخي الكريم / عيسى السبيعي السلام عليكم ورحمة الله وبركاته وبعد : شكرا جزيلا لك على نقل هذه القصيدة المعبرة صح لسان الشاعر وسلمت يمنى الناقل والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .

[ابو سعود 99]

الأخ عيسى السبيعي شكراً على نقل هذه القصيدة الجميلة وبيض الله وجهك

[عيسى السبيعي]

الأخ خيال الغلبا الف شكر يالغالي على المرور والتعليق
الطيب ومن قال سالم يالغالي ومره ثانيه الف شكر على المرور
تحياتي للجميع

[عيسى السبيعي]

الأخ ابوسعود99 الف شكر يالغالي على المرور والتعليق
الطيب ومن قال سالم يالغالي ومره ثانيه الف شكر على المرور
تحياتي للجميع

[@الوافي@]

صح لسان الشاعر وسلمت يد الناقل عزاالله انه وافيههههههههههه والله موتني ضحك

[الخثلان السبيعي]

رائعة القصيدة ..

ماقصرت على هالنقل ..

لاخلا ولا عدم ياهلي .. .

[@الوافي@]

ابي اهديها الى عضو وهو يعرف نفسه سلامت يدالناقل والشاعر