رخص الحصـان ورخصـوا الطيبينـي = وغلى الحمار وما اشتبه له من النـاس
كُتب : [ 28 - 08 - 2008 ]
بسم الله الرحمن الرحيم
السلام عليكم ورحمه الله وبركاته
اخواني اعضاء منتدى قبيلة
سبيع الغلباءالكرام يسعدني
ان انضم معكم وهذي اول مشاركه لي
ذكر بان سليمان بن شريم
بعد تثبت الامن على يد الموحد الملك
عبدلعزيز طيب الله ثراه
اتا للرياض من بلده الوشم ،
لكي يبيع حصان
له عربي اصيل وكان معه خادمه
وقال لهااذهب بالحصان للسوق المواشي
وانا سوف اسلم على الامام عبدالعزيز
والوعد عند جدار المصمك بعد صلاة الظهر
وبعد صلاة الظهر جلس سليمان ينتضر سعيد
ان ياتي بقيمه الحصان ثم اقبل سعيد
والحصان معه وقال له سليمان بن شريم ،
وراك مابعت الحصان ،
رد سعيد صبية ياعم ماسوي الا عشرين ريال
قال سليمان لوه اعزكم الله حمار
قال سعيد ، ياليته ياعم حمار ،
والله ان في السوق
قبل شوي حمار منحنى
حرجو عليه وبيع بسبعين ريال
انذهل الشاعر سليمان ،
ومعروف ان الشاعر له حس غير بقيه الناس
ويعرف قيمه هذا الحصان
وقيمه ابو سبعين وتمثل
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة للشاعر الكبير / سليمان بن شريم راع السر رحمه الله وأسكنه فسيح جناته مجاريا فيها قصيدة الشاعر الشريف المنيف / بركات أبو مالك الحارثي رحمه الله وأسكنه فسيح جناته وسليمان بن شريم علم من أعلام الشعر الشعبي المعاصر في الجزيرة العربية وفي قصيدته تلك نصيحة لابنه / عبدالعزيز الملقب بعزيّز يعرفها القاصي والداني وإليكم القصيدة :
يا من لعينٍ في محاجيرها شوك=والقلب به عن لذة النوم دكاك
لا دك في قلبي من الهم داكوك=جاوبت طربان الحمايم والأدياك
عزي لحالك يا عزيز وأنا أبوك=كان الزمان اللي وطاني توطاك
أمشي وكني يا عزيز بتابوك=في حبس جبارٍ تحت حكم الأتراك
على عشيرٍ دونه الباب مصكوك=ما غير أمرّه وأتعداه مناك
بابٍ وراه حروس ما هو بمفكوك=ومبرزٍ دونه مكاين وشباك
وبقيت أنا في حضرة الوقت مملوك=دولة زمانٍ بين جاك وتعداك
إفهم وصاتي ياعزيز وأنا بوك=دامك صغير وغاية العلم يقراك
تراه ما ينفعك خالك ولا أخوك=لا صار ما تقضي لزومك بيمناك
وربعك إلى بان الخلل فيك عافوك=أقرب قريبٍ لك من الناس يشناك
إن كثر مالك صدقوا لك وطاعوك=وإن قل ما بيديك شانت سجاياك
لو تطلب الماء عندهم كان ما أسقوك=أبعد مزارك عن وطنهم ومرباك
إن جاد حظك صدقوا لك وزاروك=وإن بار كلٍ ما يبي غير فرقاك
وإلى اعترض لك من صروف النيا صوك=كلٍ تبرا منك ما هوب وإياك
وهراجة المجلس إلى جيت وروك=منازل تطرب نظيرك بدنياك
وإلى قضوا منك اللوازم وخلوك=تفرقوا وأنت احتمل كل ما جاك
كنك سراج البيت للنور شبوك=وإلى قضى الوارد حدا الربع طفاك
وإلا كما ليمونة الحمض مصوك=وإلى قضى منه الطعم فرغوا لذاك
واللي يجي من رفقته ريب وشكوك=إحذر عنه لياك تصدق بمسراك
وإلى جفوك أهل الوطن واستخفوك=قلّع غريسك منه وإهدم ركاياك
تراك لو تنجع على الرجل صعلوك=أحسن من اللي تلتجي له وياطاك
عطهم وضيايفهم إلى منهم جوك=وغلّق ضميرك لا تعلم بقصياك
وخدمتك شيخٍ كنك العبد مملوك=يامرك فيما يشتهي وأنت ينهاك
إعرف تراك مبرقعٍ منه مشبوك=حدّرك في حبل المهالك ولا أرقاك
وإصحا لخلان الرخا لو تغالوك=اعرف ترى أطيبهم إلى احتجت يجفاك
كنك خوي مقيط دهووك وأغووك=وحقك عطاك رشاك وأقفى وخلاك
وإحذر عن العيله ترى الحق مدروك=مثل العمل يدرك ما منه فكاك
وإن كان عدوانك على الضيق حدوك=إخصم طلابتهم بعجفاك وقداك
وإن كانهم لمشرّف الحق ماشوك=ناظر مطاليع الفرج قبل مبداك
وإن طوعوا شيطان الأنفس وهانوك=فاصبر على البلوى ودفنت رزاياك
زرهم تراك إلى توانيت زاروك=إما بديت بصاحب السو يبداك
ما دامهم ما طاوعوا لك وعرفوك=إضرب على الكايد إلى عمست أرياك
لو هذبوك من المصايب وضدوك=ما يذبحونك قبل تدني مناياك
واحلم عن الجاهل ترى الحلم مبروك=وقم للضعيف اللي من الضيم ينخاك
وادمح خطا جيران بيتك إلى أوذوك=ترى القصير وحرمة الجار بحماك
عطهم رواتب حقهم لو تناسوك=في كل ما يصلح لدينك ودنياك
وقم للضيوف إلى عنوا لك وضافوك=أغلى كرامتهم حجاجك وبشراك
وإعرف ترى ما لك من الضيف مشروك=لولاه يطلب حاجته فيك ما جاك
وقم للرجال إن ريعوا لك وحبوك=واحشم خويك وأكرمه عند ملفاك
وإلى اعتبرت بسيرة الناس كفوك=ما كثر من شي تعبته وعناك
ولا تبات بهم دنياك مضنوك=ما طاب لك ما دام لك وإفتهم ذاك
لو يطلبون إخفايك الناس ما أخفوك=والرجل مثل النجم في كل الأفلاك
وصلاة ربي عد الأوراق والشوك=ما ناض براق وما هل سفاك
على الذي ما فيه ريب ولا شكوك=محمد مادك بالقلب دكاك
وهذه قصيدته المشهورة في الحصان والرجل الطيب والتي تغنت بها الجزيرة العربية :
البارحة ما ذاقت النوم عيني = همّ بتنجيم بفكر بهوجاس
وأصبحت من غبّ السهر والونيني = جسم برمّة مجرم عند حبّاس
صبرت لين الصبر بيّح كنيني = ولا شفت لي من جملة الصبر نوماس
شابت عوارض لحيتي قبل حيني = وقنعت من عقب الفوايد بالإفلاس
دنياك هذي تفجع الغافليني = ترفع ذنب وتطمّن المتن والراس
تبدّلت هرج العرب بالرطيني = وقامت تجنّس لي على سبعة أجناس
رخص الحصان ورخصوا الطيبيني = وغلي الحمار وما إشتبه له من الناس
وقـام الـردي يدحـم بجنـب متينـي=وابن الحموله قام يمشي مـع السـاس
وقـلّ الرفيـق وقـلّـوا الغانميـنـي=وكثر الحسد وأهل النمايـم والأنجـاس
وشان الزمان وشـان وجـه الضمينـي=وتغيّـرت كـل الطبـايـع والألـبـاس
والمال صـار مـع المـره والدوينـي=والطيب راح وقطّعـت عنـه الأرمـاس
وخليـت كفـوف مدلّهيـن الحزيـنـي=واللي تورثّهم شعـر سـاق حسـاس
والذيـب جـاع وكـل ثـور بديـنـي=والحر برقع وأبـرق الريـش فـرّاس
وذلّ الجسور وكلّ حد السنيني=وتكشيف عرض الناس هو سهمة الناس
والمرجلـة نسخـت مـع المارتيـنـي=وتعوّضـوا عنهـا بخوصـه ومكنـاس
وصار الردي يحشـم مـع الحاضرينـي=والراس ديس وخدّم الحر أبـا الحـاس
وصار الصديق هـو العـدو البطينـي=يشرف عليك ويصبح الصبـح بـلاّس
وطرد الهوى بختـوا بـه المفلسينـي=شرّابـة المصفـاه طبّاخـة الـفـاس
وختـام قيـلـي أيـهـا السامعيـنـي=صلوا علـى المختـار ما هـل رجّـاس
والآل والأصـحــاب والتابعـيـنـي=عد النبات وعد حصحـاص الأطعـاس
أخي الكريم / فهد البواردي السلام عليكم ورحمة الله وبركاته وبعد : شكرا جزيلا لك على نقل هذه القصيدة الرائعة للشاعر الكبير / سليمان بن شريم رحمه الله وأسكنه فسيح جناته والله يعافيك ويبارك فيك ويجزاك خيرا هذا وتقبل فائق الشكر والإمتنان مقرونا بجزيل المحبة والإحترام واللهم بارك لنا في شعبان وبلغنا رمضان وكل عام وأنتم بخير مع خالص التحية وأطيب وأطيب الامنيات واسلم وسلم والسلام .
خيال الغلبا بيض الله وجهك
وجزاك الله كل خير
ولا يستغرب الطيب من أهله ومنابعه
اللي لهم في منهج الطيب خبره
ولك كل الشكر والتقدر والا متنان
على ترحيبك وكلماتك الطيبه
وعلى الا ضا فه التي اثرت الموضوع
وكل عام وانت بخير وصحه وسلامه
ومبارك عليك الشهر
و عسى الله يتقبل منا و منك
الدعاء و الصيام و القيام
واعذرني على التأخر في الرد
إنا لقوم أبت أخلاقنا شرفا = أن نبتدي بالأذى من ليس يؤذينا
قوم إذا خاصموا كانوا فراعنة = يوما وإن حكموا كانوا موازينا
تدرعوا العقل جلبابا فإن حميت = نار الوغى خلتهم فيها مجانينا
إن الزرازير لما قام قائمها = توهمت أنها صارت شواهينا
بيض صنائعنا خضر مرابعنا = سود وقائعنا حمر مواضينا
غير متصل
رخص الحصـان ورخصـوا الطيبينـي = وغلى الحمار وما اشتبه له من النـاس
